السلام عليكم ورحمة الله وبركاته
في البدايه احب اشكر الاعضاء والمشرفين على المساعده في الترتيب للسفر
والاستفاده من تجاربهم وتقاريرهم
في البدايه
خط الرحله كان جدة– واشنطن – أورلاندو – واشنطن-جدة
مدة الرحله 28 يوم
من تاريخ 3-7 الي 31-7
على الخطوط السعودية
الهدف الرئيسي هو زياره اورلاندو والمدن الترفيهيه
دزني – يونيفرسال – سي وورلد
التذاكر حجزت من بدري من شهر ذو الحجة أنا وزوجتي وطفلين 7 سنوات و4 سنوات ورضيعة بمجموع 13400 ريال
التذاكر الداخلية على الجت بلو من واشنطن لأورلاندو بسعر 1000 دولار المجموع, الفنادق hyatt place في واشنطن الليلة 69 دولار جلست 3 ليالي راحة من السفر من جدة
في أورلاندو best western gate away قريب من ويت أند وايلد اخذت اليلة بالعرض المخفض ب84دولار
السيارة من ثرفتي لينكولن تاون كار 22 يوم 990 دولار+300 دولار تأمين وضريبة وبنزين وقت الإستلام
الوصول كان الساعة 2 بتوقيت واشنطن ولا 5 دقايق في الكونتر القادمين الغير أمريكيين ليش جايين سياحة كم بتجلسوا شهر دبسوا كرت الدخول في الجواز خرجت لإستلام العفش وعربية الأطفال ثم الاتجاه للجمرك معاكم فوود لا خرجت للبحث عن تاكسي كان في سوبر بان وريته عنوان الفندق قال ok
وصلنا الفندق بعد الرحلة الطويلة 12 ساعة مرهقة نزلنا العفش اشيك مع موظف الاستقبال يدخل الرقم مايطلع معاه ايش الهرجه قال مو دا الفندق طلع واحد ثاني قريب بنفس الإسم طلع في 3 فنادق HAYAT PLACEفي نفس المنطقة ويتصل على سواق يجي يأخذنا وصلنا الفندق المطلوب واخذنا الغرفة مع الفطور 69 دولار قريب من مطار دالاس الدولي
صورة من نافذة الغرفة
قالوا جيعانين يبغوا أكل في مطاعم جمب الفندق نزلت مطعم Moes اكل مكسيكي اشتريت بريتو وسلطة
أكلنا ونمنا من التعب لليوم التالي والله إني أول مرة أنزل موضوع بمنتدى طريقة رفع الصور متعبة الله يعين على الباقي