تبين تطلعين عفش زايد بلاش ادفعي الله يا يهينك معك فلوس تشترين وما معك فلوس تدفعين حق العفش عموما فيه حل واحد تشوفين الشباب الخليجيين الي معك على الطياره وكل واحد تعطينه شنطه وما يقصرون ترا عادي يعني
سم سم

هلا قبوله
ترى كل شخص له 20 كيلو بس
وسعر الكيلو الزايد في المطار 48 ريال
فالافضل انج تشحنين
اذا عندج اغراض وايد اشحنيهم وسعر الكيلو 8 ريال اذا الوزن عندج اقل من 100 كيلو
اما اذا اكثر من 100 كيلو فبيكون سعر الكيلو 6.40 ريال
يعني كل من زاد الوزن قل سعر الكيلو
وبياخذون عليج فتح معاملة 250 ريال
كلها يومين وبتلاقين اغراضج واصله وراج
ويمكن حنى معاج بنفس اليوم
هذا يعتد على وقت الشحن وعلى الطيران اللي برسلين عليه اغراضج
انا شحنت 119 كيلو
طلع علي 1160 ريال
تخيلي لو اني موديته معاي بالطيارة شان بيصير 5712 ريال

حبيبتي بنت البحرين يعني جم كويتي تقريبا هالاسعار ؟؟ جنه شحنج نفس قيمه الطياره؟؟

ماما بنت البحرين قيمه الشحن حق تذكره غالي صراحه واجد
سم سم

looola
هلا اختي لولا
شوفي 100 دينار كويتي = 1300 ريال تقريباً
بس انا جبت اغراض وايد معاي
اللي جبته معاي بالطيارة 84 كيلو
واللي شحنه 119 كيلو
بس ترى مو وايد
والافضل
انج تودين معاي من الكويت أغراض شويه يعني مو تسوين مثلي جايبة ملابس بعدد الايام اللي بقعدهم انا ويا اليهال .
عشان تخلين مجال حق التشري والتسوق

سام سام
ام
لا ماعتقد غالي
لو قارنته بسعر الكيلو اللي بالمطار 480 بات
وسعر الكيلو بالشحن 84 بات

في واحد من الاخوان كان ذاكر انه يوم طلع عليه وزن زايد حول تذكرته من السياحية لرجال الاعمال فزاد له الوزن وبقى 4 كيلوات دفهم للوزن
شرايج ادزهم شحن ولا اسوي نفسه واحول درجه ؟؟؟
جم جنطه شحنتي تقريبا؟؟؟

سمسم صعبة اذب وجهي على خلق الله(الله يخليلنا فلوسنا) هههاي
بنت البحرين ياقلبي عليك والله انك تبردين القلب باجوبتك...الله يعطيك العافية..
بس وين فيه شركة الشحن ..ومتى اتفق معهم..؟
لولا صادقة انا قريت واحد من الاخوان كان قايل نفس الحكي واظنه كويتي...
قبولة

لقيت لكم الحل بالنسبه للعفش لا تقصون عوده قصوا تذاكر ذهاب بس وفي الرجعه خذي تذكره عوده على طيران الخليج درجة اولى بنفس سعر السياحيه من الرياض وخذي والعفش على كيفك تاخذين اوزان عاليه ( هذي المعلومة من صديق خبير في تايلند )
سم سم