مشاري العتيبي
17-12-2022 - 02:24 pm
مرحبا يا ناس ...
ما حبيت أكون من النوع الي ياخذ معلومات من المنتدى ويعدي بدون لا يعطي أو يضيف شي
ذلك لذلك حبيت أتكلم عن فندق سكانترا في مدينه شانغ ماي ...
وأستغرب جدا أنه لايوجد موضوع مدعم بالصور عن هذا الفندق الذي لايمكن تجاهله أبدا ... أبدا ...
وأستغرب ان محد ذكر هالفندق إلا موضوع لقيته بالغلط ومافيه معلومات كافيه ولاصور ولاشي !!
الفندق يقع في الغابه في منتصف الطبيعه على ضفاف شلال صغير أو جدول إن صح التعبير يعني كأنك في فلم أجنبي فله ...
الفندق يبعد عن المطار 45 دقيقه تقريبا بالتاكسي ... ونصف ساعه عن وسط المدينه >> لاتقول بعيد لأنه يسوى.. وماأفكر حتى أطلع من الفندق
باختصار شديد كنت يوميا أنام على صوت هدير الماء ((الشلال)) ، وأصحى على زقزقه العصافير >> حلوه زقزقه
واذا فتحت باب الغرفه يستقبلني طاووس ألقاه قاعد على البلكونه .... شي خيال
هذا سايت الفندق على الانترنت
http://www.sukantara.com
وهذا تصوير في اليوتيوب عن الفندق حاطينه كدعايه اعلانيه بس رهيبه
YouTube - &
بلكونه الفيلا .... ودايما ألاقي الطاووس قدامي أول ما أصحى من النوم قلت ناخذله صوره هو الثاني ....
صوره أخرى لصباح آخر .... أيضا الطاوس في استقبالي يوميا ....
صراحه مالقيت صور للفيلا من الداخل لكن لقيت السقف لول
صور اضافيه للمكان ......
منظر آخر فيه جزء من حوض السباحه هذا الي حصلته ... بس على فكره الحوض صغير
هالصوره تعبت عليها جد عشان اطلع منها لقطه حلوه ..... وما كان باقي الا انسدح وأنا أصورها
اها ....
لقيت صوره لحوض السباحه هذي هي ... ومثل ماقلت انه صغير حبتين
بعض الطيور الموجوده في المكان ,,,,
وهذا طائر الكوكاتو الإسترالي المعروف من فصيل الببغاوات ....
وهذا طائر آخر صوته جميل وتغريده صافي سبحان الله