- هذي صورة الكوخ الي اخذته ..
- وهذا مسبح الفندق ..
السلام عليكم ورحمة الله وبركاته ...
حبيت اشكر كل من :حسن الحمادي1
عبدالله الكويتي
بحريني محرقاوي
ولد البحرين
العاشوري
Anelka
Faisal
Q8hunter
Lio45
رحلتي إلى – ساموي – بوكيت – بانكوك
في البداية حبيت اشكر جميع من ساعدني في الاستفسارات قبل ما اسافر وحتى اثناء السفر .. الحمد الله كل شي كان مرتب وسهل في كل شي ...
رحلتي كانت من البحرين – بانكوك – البحرين
على طيران الخليج ... الرحلة كانت بتاريخ 31-5-2011 الساعه 20:30 مساءً
وهذي الصور لما بدأت الطائر النزول التدريجي لمطار بانكوك وكانت الساعه بتوقيت بانكوك 6:55 صباحاً
اول ما وصلت مطار بانكوك توجهت للطابق الرابع وبعد ما اخذت لفه على شكركات الطيران قررت اخذ من شركة بانكوك اير
وكانت الرحلة ...
4 ايام كسوموي
4 ايام بوكيت
2 بانكوك
وهذي صورة الرحلة تبين لكم ..
ولما وصلت مطار ساموي ..
واخذت التكسي .. وتوجهت الى فندق sun east
الليله الواحده ب 1000 بات .. موقع حلو على الشاطىء ومن جهة الثانيه على السوق ..
الفندق احسه يصلح للشباب فقط لان اعطيه من فئة نجمتين او ثلاث نجوم ..
لكن في فندق خلفه اعتقد اربع نجوم ولما سألت عنه قالوو ان مجددينه لكن للاسف نسيت اخذ الكارد
ولا اتذكر اسمه ..
نرجع لفندقنا العزيز ...
هذي صورة الكوخ الي اخذته ..
وهذا مسبح الفندق ..
بالنسبه لجزيرة كسوموي تعتبر ثاني اكبر جيزرة بعد بوكيت .. لا يتواجد فيها العرب يعني خلال ايام ما شفت الا قروب واحد عربي واعتقد كانو من اهل الامارات .. وكلها اجانب .. والرحلات الي فيها .. عندهم الشوتنغ والسفاري والشلالات وغيرها .. ويعتبر شاطئ الشاوينغ بيج اهوه الافضل تمركز للسياح فيه (( مثل ما في الباتونغ بيج في بوكيت ))
واللي يبي يسأل او عنده اي استفسار يتفضل ...والحين 4 ايام في بوكيت في فندق baan laimai
الفندق من فئة 3 نجوم لكن من رأي اعطيه 4 نجوم .. لان موقعه ونظافته والموظفين يعطيهم النجمه الرابعه
بحيث مكانه على البحر يفرق بس شارع واحد وانت تكون على البحر ...
طبعاً ما قدرت اغطي كل الرحلات لضيق الوقت وخليت باقي الرحلات للمره الجايه ان شاء الله
رحت بي بي ايلاند .. زوو بوكيت .. وركبت البارشوت على البحر والجتسكي ..
وراح اخليكم مع صور لغرفة الفندق ومسبح الفندق وصور من بعرض الرحلات ..
مرحبا من جديد .. واخيرا عرفت الطريقة بعد البحث في المنتدى عن الطريقه ... هذه هي الصور مباشره ..
بنفس الترتيب في الموضوع ...
واخر محطة كانت بانكوك لمدة يومين وسكت في فندق
Solo hotel
يصير في سوي 2 في شارع سكموفيت
منطقته هادئه ومن الفندق الى حي نانا مشي 5 دقايق والفندق يوفر تك تك حق اللي يبي يروح لاول الشارع
ماصورت كصير بس بحط لكم صورة الغرفه بسيطه وصورة المسبح
لان اخذت اول يوم راحه واليوم الثاني للسوق والي اهوه حي العرب للدهن العود والنعل اعزكم الله وفاكهة الجوافة المقشره وسيام براغون ومجمع ام بي كي واليوم الثالث صباحا انطلقت للمطار للرجوع الى البحرين
واخيراً احط صورة عزيزة على قلب كل شخص يحب بوكيت
وبارك الله فيك
سجلني من المتابعين