1. بسم اللهالسلام عليكم ورحمة الله وبركاته

بسم اللهالسلام عليكم ورحمة الله وبركاته

اخواني موضوعي راح يكون مختلف عن المواضيع الاخرى لانها راح تكون مباشره وحيه بس اعذروني عن عدم تنزيل الصور وان اشاءالله راح انزل الصور في موضوع متكامل لها وهذا المخطط المباشر يتضمن مشاركاتكم لكي استفيد منها ونطلع معاكم بأفضل الرحلات بإذن الله
بسم الله نبدي بعد اول يوم من الوصول وهو اليوم وكان امس وصولي إلى مدينة زيل ام سي وان شاءالله راح اقعد فيها 6 ليالي واعتقد كافيه على ما اعتقد واليوم رحت إلى قمة كابرون الثلجيه وكانت ممتعه مع الاهل وبصراحه حلوه وتستاهل الذهاب إليها
وبعد القمه ذهبنا إلى الزحلاقيه او الزحلقانه على قولت اخواننا الاماراتيين اللي ماقصروا ساعدوني على الذهاب إليها مع العلم معاي قارمن بس مدحولي زحلاقيه حلوه وكبيره وقلت يلا مراكم واخر شي طلعت محدثها عندي بالقارمن بس بالامانه اشكرهم لمساعدتهم لي وهذا مو غريب على اخواننا الخليجيين لان كلنا بلد واحد
وبعدها نزلنا على البحيره الزلمسي واخذت قارب يدوي ومشيت فيه ونسيبي اخذ قارب على مكينه وطبعا اليدوي يحتاج لياقه واللي ماعنده بصراحه لاياخذ لان فعلا شدت علي رجولي مع ان فيني والحمدالله لياقه بس ماتوقعت تشد رجولي بقوة الهواء اليوم مع ان اليوم في زيلمسي وكابرون روعه الجو مشمس وهذا اللي يتطلب للطلعات
وبعدها تمشينا والحين تونا واصلين الفيلا على طابقين لي طابق ونسيبي طابق والحين قاعد نطبخ عشانا
وباجر ان شاءالله راح نطلع على سالزبورغ عندي خطوات لها بس اللي يبي يفيدني ويفيد غيري يكتب واخذ معلومه وازورها بإذن الله باجر واعلق على التقرير وراح نخلي الموضوع هذا تعليق فوري على الرحلات علشان يستفيدون منها الشباب
اسف على الاطاله لأنها اول مشاركه لي اليوم وراح نخف عليكم باجر من التعليق ولا تحرمونا من الرد البناء والمفيد لي وللمشاهد
لنا لقاء باجر ان شاءالله تصبحون على خير