نشر في ميونيخ

رحلتنا في الصيف ومحتاجين مساعدتكم

etam

30-07-2022 - 09:23 pm

السلام عليكم..
إخواني و أخواتي أعضاء المنتدي محتاجه مساعدتكم في تنظيم رحلتنا هالصيفيه
خطتنا كالتالي:
أسبوع باريس
الإنتقال من باريس لألمانيا بالقطار و قضاء يومين
استئجار سيارة و السفر لزيلامسي و ما جاورها 6 ليالي
العوده لميونخ و قضاء ليلتين فيها
تسليم السيارة و العوده للوطن
ممكن ترشحون لي مدينه جميله في ألمانيا قريبه من سترازبورغ نقضي فيها يومين قبل التوجه للنمسا عشان نستأجر منها السيارة و نتجنب ضريبة التسليم
كيف ضرائب الطرق في ألمانيا؟ وطريقة الدفع؟
شكرا لكم.. أنتظر اجاباتكم الكريمه

التعليقات (7)

دمـوع الوجـد

31-07-2022 - 12:12 am

من باريس الى ستراسبورغ بالقطار وبعدها في قريه المانيه قريبه منها اسمها kehl فيها مكتب تاجير سيارات اليورب كار خذوا منه السياره وروحوا رست اوبادن بادن لزياره العاب اليورب بارك تبعد عن ستراسبورغ بحدود 60كيلو وبعدها الى زيلامسي واخيرا ميونخ بس ترى المسافه من بادن او رست الى زيلامسي 6-7 ساعات
ممكن تختارون كونستانس المسافه من ستراسبورغ الى كونستانس ساعتين ونص وبعدين من كونستانس الى زيلامسي 5 -6 ساعات طبعا من كونستانس تقدرون تزورن شلالات الراين وجزيره الزهور داخل كونستانس

etam

31-07-2022 - 01:13 am

مشكورة أختي دموع الوجد... الصراحه احنا مو حاطين يوروب بارك في جدولنا لن بنكون رايحين ديزني باريس قبلها..
وبالنسبه لكونستانس كيفها؟ ما أدري حسيتها بعيدة عن ستراسبورغ
طيب شنهي أجمل مدينه من ناحية الطبيعه بين رست و بادن بادن و ستراسبوغ و فريبورغ؟
وإذا ممكن تفيديني عن ضرائب الطرق في ألمانيا كيف طريقتها؟

دمـوع الوجـد

31-07-2022 - 02:14 am

ديزني لاند مناسبه للاطفال اما اذا ما معاكم اطفال اليورب بارك افضل لكم بكثير
بادن بادن افضل منهم لكن المسافه بعيده من بادن بادن الى زيلامسي وعشان كذا حطيت لكم كونستانس بالوسط
الاستكر للطرق في النمسا 8 يورو
اما المانيا ما لها استكر وممكن تقابلكم طرق فيها ضرايب وبتلقون نقاط زي نقاط التفتيش توقفون عندها وتدفعون مبالغ ليست كبيره

etam

31-07-2022 - 03:15 am

شكورة ما قصرتي...
بغيت بعد استفسر عن شركة سكست في ألمانيا و تعاملهم و مصداقيتهم.. قريت كثير في المنتدى يذمون فيها.. بس الصراحه اسعارهم تحمس
وبالنسبه لميونخ تنصحين بالسواقه فيها أو نسكن في مكان قريب منها و نروح نزور ميونخ...

دمـوع الوجـد

31-07-2022 - 04:16 am

سكست واليروب كار افضل شي واللي يفرق انه سكست ياخذون تامين اكبر من اليورب كار
سلموا السياره اول ماتوصلون ميونخ واسكنوا جنب السنتر

etam

31-07-2022 - 05:17 am

أختي شالمشكله في السواقة في ميونخ؟ احنا حابين نخلي السيارة معانا لأخر يوم ونسلمها في مطار ميونخ و احنا راجعين السعوديه.. شرايج؟؟
وبالنسبه لتأمين سكست .. اهو مسترد؟ صح؟

دمـوع الوجـد

31-07-2022 - 06:18 am

عند السنتر الطرق للمتر والترام والباص والسياكل والمشي وحوسه مابعدها حوسه ممكن تغلطون وتمشون بطريق مو خاص فيكم لانها داخله في بعض
وفوق هذا المواقف معدومه عند السنتر واذا لقيتي غالي جدا ومحدد بساعات قليله جدا ماتكفي
ايوه مسترد التامين اذا السياره وصلتهم سليمه ومعبينها بنزين او ديزل فل المهم تكون الكيلومترات غير محدده

ميونيخ المسافرون العرب

رحلتنا في الصيف ومحتاجين مساعدتكم