1. السلام الله عليكم ورحمته وبركاته

السلام الله عليكم ورحمته وبركاته

ارجوا من الاخوه الاعزاء المعذره والسموحه على تقصيري في تقريري عن تايلند لضروف خارجه عن ارادتي سوف اذكرها لاحق
صار لي مايقارب 7 شهور عن اخر سفريه خارجيه وهي مصر من بعدها قلت خلاص مصر لازم نطلقها بالثلاث نبي نغير مصر كفت ووفت من بعد 5 سنوات ومايقارب 7 سفريات الذهاب اليها عرفتها نبي نشوف ناس ثانيه ياولد ووين قلت سوريا انسى لو يكون علاجي عندهم من بعد ماسمعت عنها من ناس ثقات قلت ياولد مالك الى المغرب نبي نشوفها اللي سحرت العالم فيها واقعد مايقارب الشهر كاملا ابحث في جميع مواضيع المغرب وصارت عندي رؤيه كامله عن البلد وجزمت ولكن حصلت مشكله وهي ولم احصل الرفيق يذهب معي وسبب ثاني كانت نفسي غير مرتاحه للبلد ايش الحل ايش الحل وانا في الدوام احد الشباب اخذ اجازه في الصيفيه وذهب الى تايلند ومادريت عنه الى لما رجع وقلته انت مهبول تروح لتايلند ايش فيها ياحصره قالي شف وانا اخوك رحت على اغلب الدول العربيه واندنوسيا والفلبين وهذه مو اول سفره لي لتايلند هذه ثالث سفره وكل سنه اروح كاني اول مره اروح لها من قوة السياحه فيها قلت تمزح وبدا يسولف علي عنها كل شي ودخلت في راسي قلت ياولد الحل مالنا الا الرجال في بوابة تايلند نشوف ايش عندهم ويوم شفت مواضيعهم قلت مالوم صاحبي على تايلند وارتاحت نفسي بس محتار بين المغرب وتايلند قلت مالي الا صاحبي بما انه رايح للمغرب وتايلند نستشيره وقالي بالحرف الواحد انت ماتصلح لك المغرب اما تايلند تصلح لك قلت مابقى الا ندور الخوي وانا فاتح مسنجري واشوف واحد من ربعي وقلتله عن نية السفره قال لالالالالالالا مستحيل نروح لتايلند تبغى نرجع في توابيت الى السعوديه شف ديره ثانيه لنا وانا احلول فيه وهو ما راضي يقتنع قلت اخليه كم اسبوع واذبحه في تقاريكم لعله وسعى ينفع معه اللمهم ومادريت الا بعد كم يوم اتصل فين قال ايش صار على التذاكر على تايلند حجزت لنا ؟؟؟ قلت ايش صار لك قال اول ماطرحت الموضوع قعدت افكر فيه يمين يسار وسالت عنها وكل مدحها مافيه احد سبها الا الذين لم يذهبوا الى تايلند عوائل شباب صايعه شباب ملتزمين كل انواع المجتمع اقروا ان تايلند افضل بلد قلت خلاص تمام الحين باقي 5 ايام على رمضان متى تبغى الرحله قال ايش رايك تكون 3 ايام العيد قلت اصبر هذه مدري لازم اكلم رئيسي اذا وافق تمام وقال خلاص وانا رايح اشوف لك واحد في مكتب الذياب يسال عن سعر التذكره قلت اوكيه يوم صار بكرى وامسك الرئيس على جنب واقوله السالفه ورفض ياولد وش دعوا يمين يسار قال لا النظام يمنع ان تاخذ اجاز بعد اجازه رسميه وهي اجازة العيد يابو مازن انا حاجز وانا وانا وانا قالي مالي دخل فيك ويضيق صدري ايش الحل ايش الحل ودخل علي النائب وقال ايش فيك تقل ميت لك احد قلت السالفه قال رح قص التذاكر ومالك دخل انا اتفاهم معه ورايح اوقع عنك اليومين ثم نقدم اجازتك قلت بيض الله وجهك واتصل على خوي قلت ايش صار قال حصلنا 3 ايام العيد سعر التذكره الوحده 2680 قلت اصبر اشوف لك المكتب اللي كنت اتعامل معه ايام مصر واروح لمه قلت نبي تذكره على بانكوك قال اوكيه يوعطيني سعر من وكان اغلى قال 2800 قلته شف انا محصل 2680 ها عندك ارخص او اروح لمكتب احجز عنده قال اصبر ويحاول يمين يسار قال رح لعيونك 2600 قلت قص التذاكر وقصيتهم واتصل على خوي وابشره قال تمام الحين مابقى عليك الا ترتيب السفريه وشف تراني مالي دخل وين تبي تودينا انت المرشد السياحي قلت هذه بسيطه عندي جيش كامل عن تايلند اللي هو انتم ماقصرتوا واقعد في المنتدى من رمضان كل يوم من الساعه وحده في الليل الى الفجر وانا بس قاعد في بوابة تايلند اقراء وللي يعجبن اسوي له اضافه الى المفضله ويوم صارت المفضله كلها مواضيع واخص بالذكر اولا اخونا الكبير ابو بدر الذي وافنا بمعلومات حساسه وحتى يوم كنا في تايلند ماقصر معنا والاخ القيصر كاظم على الفندق الاجمل مون لايت اكثرمن رائع وتاي99 وسفير الشرق وجميع كتاب بوابة تايلند واقعد انسق واشوف ايش التمام وايش الزين لنا وطلعت عندي معلومات كافيه من المطار الى كل شي والاسعار اللمهم يوم صار يوم الاثنين رابع ايام العيد انطلقنا الى الرياض ويوم شفت صاحبي انهبلت قلت ايش جايب معك وش الشنطه الكبيره قالي ملابس والله ياهي كبيره كبيره تقل شنطة معرسه انا ماجبت معي الا شورت وفانيله كت وفوطه بس و4 كروز احمر اللمهم وصلنا على الساعه 11 في الليل الى الرياض قلنا ياولد نبي حلاق وندور حلاق ماحصلنا الى بالموت وحلقنا وتعشينا ويالله الى بيت صاحبنا علشان نوقف سيارتنا ونذهب بالتكسي الى المطار وكان موعد الرحله 4 الفجر وصلنا مطار اللملك خالد قبل الرحله 3 ساعات ودخلنا الشنط يوم بدا ضيق الصدر يدخل الى نفوسنا مدري هل هو شوق الى تايلند او خوف من تايلند والساعه كل شوي اطالعها وكأن الوقت يوم على قلوبنا واخيرا اعلنوا عن الاقلاع الى ابو ظبي وكانت الطائره نصها فيها ركاب اللمهم يوم اقلعت ماقعدنا الى ساعه وشوي الى احنا في مطار ابو ظبي ونزل وندخل ونتظر الى الساعه 8 الصباح علشان الاقلاع وخذ كم لف في مطار ابو ظبي وايه وخذ سوالف وضحك على العالم ومادرينا الى الساعه 7 ويعلنون عن فتح البوابه قلت خوي اصبر خل العالم تدخل الى الطياره علشان الزحمه وصبرنا نص ساعه ثم ذهبنا وشف الناس عالم واغلبهم اروبين وكل واحد معه تايلنديه ههه بس الصراحه قعدت اضحك عليهم اقول لصاحبي شف المهابيل تاركين بنات اروبا واخذين الشيف من جد استغربت منهم مدري ايش السبب ممكن احد يفيدني اللمهم دخلنا على الصاله بعد التفتيش وجلسنا في اخر شي وانا اطالع الى واحد نايم على حقيبته وبسابع نومه ههه لايكون الحين قاعد يقراء كلامي اللمهم صحيناه ودخلنا على الطايره فل مالك مقعد اللمهم جلسنا في اخر الطياره ولي مايقارب 30 ساعه ماذقت النوم يقالي ذيب علشان انام في الطياره يوم اقلعت الطياره ياولد نم ماش النوم طار قلت خلني اخذ لفه في الطياره ممكن اشوف احد عربي اقعد اسولف معه كل الدعوا اروبين من دون مبالغه 95% من المسافرين اروبين المهم رجعت واقعد اتابع لي الفلم الاول وخلاص وابدا في الفلم الثاني ومادريت الا اللي يصحيني يقول قم ياولد شف بانكونك من الطياره وابي اخذ الكميره علشان اصور وماحصلتها اللمهم احنا على نيتنا قلنا كله واحد نطلع الاول او في الاخيره كلها نص ساعه واحنا طالعين ويوم طلعنا قلت خوي ياولد الخرمه لها تاثير على راسي لي 5 ساعات مادخنت شف لنا زاويه ندخن فيها قال انت مهبول تبي نتبهذل واخير حصلنا على غرفة المدخنين ودخنا احلى سيجاره الله يعفينا ولا يبلاكم فيه اللمهم طلعنا ياولد مانعرف لا انجليزي ولا حاجه وندور على عرب ماكو كلهم اروبين قلت خوي قم خلنا نصف مع هذا الصف وصفينا نص ساعه وفي الاخير قال خذ جوازك وانقلع رح فيز واشر على ايده هناك هو ماقاله كذا بس شكله ههه لاحضوا نزلنا اخر الركاب من الطائر جلوسنا ندخن ونصف ساعه في صف وفي الاخير قال هناك شف الزحمه كان رقمي باقي عليه 70 اللمهم وجاء الفرج وحصلنا عرب بس مثلنا ضايعه الطاسه ياولد ياولد وخذنا الورقه علشان نعبيها اللمهم قلت خوي الله يعلن ريال مايعز صاحبه شف لنا اقرب تايلندي وعطه المقسوم واشوف تايلندي تقل حاس فينا واشر في ايده وقال تعال ونروح لمه ومعنا 4 هدوره مثلنا ويكتب لنا النموذج اللمهم عطيته 150 بات عني وعن خوي ونروح للفيز اللمهم قال التذكره يابو الشباب قلت سم طال عمرك وشافها وصورها وقال التذكره اوكيه عندك اقل من 15 يوم ويوم جاء لشباب اللي تعرفنا عليهم قال لهم انقلعوا روحوا عدلوا التذاكر وتعالوا اللمهم ويوم جاء دورنا انا احسبه وهو اللي ياخذ 1000 بات واقوم احط 1000 بات في الجواز وقعد ييدخل بيناتي ويقعد يصارخ في وجهي وانا مدري ايش يقول والتفت عن يمين واحصل عربي قلت ايش يبي النشبه جاء وماقصر قال يقول كم معك فلوس وقالي لاتطلع كل دراهمك طلع شوي واقم واطلع له 1000 يورو وعطاني الجواز و1000 بات قلت ايش السالف قالي العربي هذه هناك تدفع اللمهم ونختم ونتظر الشباب لانهم كلهم يبغون يرحون على بتايا انتضرهم 10 دقائق واتوا الى صالة العفش واخذنا الشناط قلت ياولد الحين يبغون يفقعون روسنا لانه ممنوع تدخل اكثر من كرزين قلت ياشباب كل واحد ياخذ كرز اللمهم طلعنا من عند البوابه ولا واحد فتشنا وشف العالم كلن يضحك ويقول تاكسي تعرف عندي خبر كم ياخذون البركه فيكم واحنا مكاسر فيهم ومعنا ورقه هو يكتب واحنا نشطب ونكتب 800 بات اللمهم وافقوا ونركب الباص وحط راسي وخذ نوم والشباب بدا فيهم الطرب وشغل ومدريت الى صاحبي يقول قم وصلنا اللمهم معنا واحد قال نبي نسكن في vc قلت معصي وين زهرة الخليج قال شفه على يسارك قلت قله يخلي زهرة الخليج على يمينه قال وين قلت فيه فندق حلو جدا حاول فين بس صرت عنيد قال خلاص نروح نشوفه ان اعجبنا سكنا فيه وان معجبنا بني نروح على vc قلت تمام وانا كاتب الوصف في دفتر الملاحظات البركه من القيصر كاظم يوم صار حرف T قلت رح يسار ثم يمين على طول ونحصل الفندق ونزل انا وواحد منهم علشان نشوفه على ارض الواقع اللمهم دخلنا على الغرف يوم قال اللي نزل معي هذا الفندق افضل من VC اللمهم نزلنا نبي السعر قال 650 قلنا مانبي غرفه وحده احنا نبي 6 غرف قال لو تاخذ الفندق كله نحسبه لك 650 قلنا على برك الله ياولد نزل الشناط ونزل ونسلمهم الجوزات ولا عطيناهم ولا بات وعطونا السفتي بوكس وصعدنا على الغرف واخذ شور على السريع استعداد للخروج ماودنا تفوت علينا لحظه واحده توجهنا الى منطقة العرب كان صاحبنا اللى تعرفنا عليه جاء سابقا الى تايلند وقال فيه مطعم حلو اسمه ابو عبدالله صاحبه كويتي والعماله عراقات تعشينا شي خفيف ثم بداء التمشي والتسكع في زقاقيق بتايا الى قرب الفجر ثم اخذنا التعب وذهبنا الى الفندق لكي ننام ثم بداء يومنا الجديد مع بدايه العصر فذهبنا كالعاده الى ابو عبدالله لانه تخوفنا من الاكل التايلندي من ناحية الحلال والحرام وتجنبناه ثم اتجهنا الى الشاطي الذي ياتي بعد شارع جهنم واسمتعنا في المناظر الخلابه والجمهور الغفير كلن وله نشاطه منهم من يمارس السباح ومنهم من يمارس الصيد ومنهم من يمارس ركوب دباب البحر كلن وله اختصاص ثم بدنا نتمشى في الاسواق القريبه مه حتى منتصف الليل ثم قررنا قرار جنوني في نفس الوقت اقترحنا انه بتايا تختلف عن كل المدن التي زرنها سابقا وخاصه العربيه انه سوف نواصل الى بكرى المغرب ثم ننام الى الساعه 2 الليل ثم الذهاب الى السهر الى الساعه 6 ثم الرجوع الى الفندق والنوم لمدة ساعتين ثم الذهاب للتمشي بين مواقع السياحيه وصار افضل برنامج بعض الايام نطبقه وبعض الايام لانطبقه ولكن هذه هو افضل برنامج من ناحية النوم والتمشي والسهر الاماكن التي زرناها والاهم هي :.
البرج ذي الطابق 55 الصراحه كانت امنيتي من اول مانزلت بتايا ولكن كل اليوم بكرى بكرى الى ماداهمنا الوقت وقررت ان اذهب وحدي رفض صاحبي ان يذهب معي بسبب خوفه من الاماكن المرتفعه قررت قرار هو انه اخرج من الفندق واول شخص يقابلني سوف اعرض عليه ان يذهب معي الى البرج وحصلت شخص يتكلم اللغه العربيه بتكسر ووافق و ذهبنا على الدباب وقال ان الوقت مبكرا سوف اذهب لك الى مكان مرتفع وجميل جدا جدا قلت انت ابوه وسمه يالله بينا الصراحه مكان روعه مكان يطل على بتايا على ناحية البحر وكان الوقت بعد الفجر بساعه وكان بارد الجو بس روعه اه تشوف السفن تستعد للبحار بين الجزر الصراحه مكان روعه مكان ممتع بما تحمله الكلمه
ثم ذهبنا الى معبد بوذا الصراحه نحمد الله على نعمة الاسلام كان الصنم ضخم جدا جد يعبدونه وكان اللي معي مسلم بالاسم فقط وقعدنا نضحك بصوت منخفض وقال هذه الصنم الكبير كل يوم يعبدون واحد يوم السبت له صنم محدد والاحد وباقي الايام الاسبوع الصراحه حمد ربي على نعمة الاسلام ثم ذهبنا راجعين الى مطعم زهرة الخليج لكي نتاول الفطرو ثم الذهاب الى البرج وافطرنا شي خفف كالعاده ثم انطلقنا الى البرج الذي كان مقرر انه انزل من عنده بواسطة الحبل وانا في الطريق التفت عليها واقول سوف انزل من فوق وازعجته ازعاج ووصلنا بحمد لله وقصينا التذاكر ثم التوجه للمصعد الصراحه مو زي مصاعدنا مدريت الى وصلنا بخلال 10 ثواني ثم اخذت اقعداخذ صور واللي معاي يضحك يقول ليش مستعجل خل التصوير فوق قلت فيه شي بعد فوق قال ايه خلنا نشرب المشروب ونطلع طلعنا الصراحه مكان يجن فوق تشوف البشر زي علبة البيبسي من طول ارتفاعه وبديت اصور المناظر من فوق من جميع الاتجاهات ومن سوء حظي انه نظرت الى الاسفل يوم بدا قلب يقرقع من الخوف واشوف الصينين ماسكين سرا يبغون ينزلون من عند الحبل الصراحه حاولت بكل ماتحمل الكلمه بس ماقدرت قلت هذه مولي هذه اللي قلبه من حجر واروح الى اللى ينزل فيها شخصين وانا احاول ماش طلعت ذروق جاء خوي وقال ها ايش فيك قلت مافيني شي قالت ايش هوقرارك قلت في ايش قالت اييهم تبي تنزل قلت ابي انزل مع اللفت وبدات الضحكات تهز البرج من قوتها قالت وين اللي يبي ينزل ها صرت خواف انت مو راجل لو كنت رجال كان اثبت عند كلامك وبدا التهزي وانا احاول اتجنب ولكن قلت والله ثم والله لو يطلع جدي عبدالله من قبره ويقول انزل والله لقول لالالالالالالالالالا دور على غير وين اللفت قالت فيه تلفريك قلت هذه عادي اللمهم نزلنا واخذت كم صوره من فوق للتحت المهم يوم شفت الصاروخ قلت هذا ركبت فيه عدة مرات منها في مصر ومنها في جده هذه عادي استغلت الفرصه قالت خلاص تركب قلت ايه اركب ونزلنا وبدينا ناخذ جوله في الملاهي المائيه وشف الضحك على العالم اللهم قصيت تذكره واتجهنا الى الصاروخ وما ادراك مالصاروخ اللمهم قلت للي يشغل اللعبه بالاشاره كم مره تطلع وتنزل اشار في اصبعه مره واحده اللمهم ركبت والضحك في فمي ماتفارق لانه عارفه اصلا ومستعد الركوب واللي قهرني زود انه اللي جنبي صغار في السن وخذ ضحك قلت ايه هذه شكلها ابسط من اللي من مصر يوم استعد للنطلق والله العظيم انه اول ماطلع عادي ووقف في اخر شي لمد5 ثواني ونزل مره واحده الى اسفل شي والله انه احس من قوة النزول انه جسمي ارتفع كانه طحت من الكرسي حسيت قلبي طاح والله العظيم انه ماستطعت افتح عيوني يوم نزلت وانا بقمة الخوف والعيون تدمع اللمهم ابي افك حزام الامان مو راضي ينفك اثره يطلع مرتين وامثل عليهم اني تعبان وحصل لي شبه غيوبه بس اللعبه مامشت عليهم وانا اشتم واللعن اللى قدامي والناس تصور وتضحك علي وانا بقمة الثوران اللمهم ويطلع ثاني من دون اي تنبيه انه طلع وحصل زي الاول واشد وخلصت ونزلت اول مانزلت مسكة الارض اتاكد ان فعلا على الارض او لا اللهم واقعد اشتم واللعن اللى معي وقلت رح جب ماء ابي اشرب ريقي ناشف من الروعه ورجولي ماتقوى تشيلهم اللمهم بعد الضهر رجعنا الى فندقي وودعت صاحبي على انه اشوفه في وقت ثاني
ومن الامكان فعلا تستحق الذهاب اليها جوله على الجزر اخذنا قارب واتجهنا الى ثلاث جزر الجزيره الاول كانت عباره عن رماية اسلحه انواع واشكال من مسدس من ورشاش كلانش وام خمس والقناصه وغيرها الصراحه ماجربت الى ثلاث انواع الرشاش ومسدس وام خمس وكان ضرباتي في ام خمس 10/8 اما الرشاش كان 6/10 اما المسدس كان 1/10
ثم ذهبنا الى جزيره ثانيه وكانت عباره عن جزيره وفيها بعض السكان المحلين وبيعون الخضروات وغيرها من صناعه يدوي وكانت التمشيفيها اما عن طريق الفيل او تكون على الارجل اخذنا فيها لفه لمدة ساعتين وكانت جوله لابس فيها ثم الذهاب الى الجزيره الثالثه والله مدري ايش هي لان الصراحه نمت في القارب من قوة التعب اللي فيني
وحديقة التماسيح كانت لابس فيها شفنا العروض مع المدربين كانت من جد روعه واخذنا كم صوره مع التماسيح ولايزعلون علينا السحالي ههه مساكين السحالي مالهم شي يذكر
ورحنا على عالم البحار فعلا مكان اكثر من رائع تشوف انواع الاسماك من ابحار او يكون ميت سبحان الله انواع غريبه جدا واحجام صغير وكبيره
ا
اما بالنسبه لبانكوك ماجلسنا فيها الا يومين كانت اغلبها تسوق وجينا على فندق قريس وقال كله فل وسكنا في فندق بعيد عن منطقة نانا وكان غالي جدا 2000بس فيه ميزه وهو هدو الفندق اذا خليت قريس على يمينك تروح طوالي اذا جاك الكبري اطلع من تحته وعلى طول مايقارب كيلوا يجي الفندق على اليمين
بالنسبه للاسواق رحنا على السوق الصيني بس الصراح ضيعنا فيه ماندري وين نروح احنا كان اهتمامنا في الكميوتر واجهزتها بس ماحصلنا اللي في بالنا واخذنا تاكسي ودنا على محل كميوترات بس كان غالي مره وحقدة على عجوز مت من القهر سالت البائع وكان عمرها 30 سنه تشتغل في المحل يوم جت تقول السعر قالت لها صاحبة المحل قالت مارايح يشتري لاتقولي له السعر وانا مدري ايش السالفه قالي صاحبي عن السالفه وقهرت منها على انه والله انهم اغلى من السعوديه
بعض المواقف الطريفه والمبكيه هي الشخص اللي حصلنا نيم في صالة المطار كان رجعته قبلنا 5 ايام بسبب اشتراك ابيه بمزاين الابل العتبان يوم جت موعد رحلته قاعد يبكي والله العظيم من قلب بقول ماودي ارجع ابي اقعد انا حبيت اهلها ايش اسوي اذا رحت للرياض تبين اقابل بعارين لا وقعد يبكي من قلب وانا خوي يابن الحلا رح الوالد تلقاه باشد الحاجه لك وكلمه من وكلمه من هناك بالاخير قال لا انتم ماتحبوني تيون تفتكون منى بس ماني رايح ابي اقعد على قلوبكم يالله يالله وافق وراح
الموقف الثاني كان رحنا للمطار من دون تاكيد الحجز يوم وصلنا المطار قالوا رحلتكم فات عليكم لانكم ماكدتم الحجز يابن الحلال ونكلم المشرفه ويالله وافقت بس قالت تراى من ابوظبي الى الرياض مافيه الا بعد اربع وعشرين ساعه قلنا يالله في الامارات بين اهلنا يوم وصلنا على ابو ظبي طلعنا على دبي وسكنا في فندق وخذ نوم من الساعه 3 الظهر الى الساعه 10 بالليل يوم صحينا تعشينا وسهرنا وقال خوي لاتنام ترى طيارتنا على الساعه 11 يبي يجي السواق ياخذنا قلت نم وارتاح وانا من الساعه 5 الى الساعه 9 وانا قاعد على النت ماودي انام بس كما يقولون النوم سلطان وغلب عبى النوم وماصحينا الا الساعه 12 وعلى طول المطار بس لاسف طارة الطياره ياولد قال حق الخطوط الاتحاد بكرى فيه طياره قلت لا لا لا بكرى عندي دوام مايصير اللمهم واطلع على مكتب الخطوط السعوديه مقفل وادخل الصاله الداخليه واحجز على السعوديه الساعه 5 بس كانت غاليه جدا الشخص الواحد1200 ريال بس الله يخلف
كنت ناوي انه يكون التقرير عباره عن ابيات شعر لانه صاحبي شاعر واول ماوصلنا على المطار عطانا كم بيت وكل ماشفنا موقع مايقصر معي وانه انبه احفظها علشان الشباب نتحفهم في ابيات شعر بس لم رجعنا صاحبنا عجز يتذكر ابيات وعطاني كم بيت بس خرابيط قلت يابن الحلال اعصر روحك قال خلاص رجعنا ونسينا كل شي اذا رحنا مره ثانيه ابشر الخير
اما بالنسبه للصور والله مصور بس عجزت انزلهم وفيه صور فيها اصحبنا وماعندي فاتشوب بس انشاء احاول انزلها لكم
ورحلتي القادمه في اول جمعه من شهر محرم ان شاء الله
هذه اللي اتذكره واسف على الاطاله واستخدام اللغه العاميه وهذا اول تقرير لي اكتبه