مشكور اخوي على هالصور الحلوه .. وماقصرت يعطيك العافية .. بس ياليت لو كان فيه على الاقل تقرير بسيط عن رحلتك ..

اذا مانت الصور من جوال
فهي رائعة
بالتوفيق اخوي

The King
الصور رائعه مع انها من جوال
ما قصرت
ونبي مثل ما قالت ألأخت شنطة سفر
تقرير كامل ومفصل
وننتضرك أخي الكريم

صور جميلة أخى الكريم .....
والحمد لله على السلا مة ......
تحياتى ...

OOOOOOOOO OOOOOOOOO
شنطة سفر
OOOOOOOOO OOOOOOOOO

مشكورين اخواني على الردود المشجعة
وهذا طلبكم تقرير للرحلة:
تاريخ السفر 4/5/2005 نقطة الانطلاق من مطار البحرين الدولي الساعة 7:30 صباحا(8:30 صباحا بتوقيت الامارات)
وصلت مطار دبي الساعة 9:20 صباحا يتوقيت دبي . والصراحة عجبني مطار دبي جدا جدا ولكن تعبت من المشي
و ركبت السيارة المجانية في المطار ما ادري شو يسمونها. المهم من وصلت دبي اخذت تكسي ويا كثر زحمة الشوارع وصلت الى سوق نايف بعد نص ساعة , سكنت في فندق الرمال الحمراء في سوق نايف(فندق لا باس به) , بعدها مباشرة ذهبت الى التسوق في سوق نايف والساعة 11صباحا بتوقيت دبي ذهبت الى سيتي سنتر وعجبني وايد . تقريبا رجعت الفندق الساعة 2 الظهر . والساعة 4 العصر رحت حديقة الصفا حديقة جميلة ولكن لم اتوقع طول الطريق مع ازدحام السير حيث بلغت اجرة التكسي 40 درهم. وطلعت من الحديقة الساعة 5 المغرب و المعضلة تبدا.. ما حصلت تكسي في الرجوع الا الساعة 7 المغرب ما ادري ليش التكاسي ما يوقفون. وقفت تاكسي وقلت ليه سوق نايف الله يخليك قال لي( راح يبدل السائق وما يقدر يروح مكان بعيد). المهم الساعة 8 اكملت التسوق الى الساعة 10 في الليل.
واليوم الثاني قضيته في التسوق والشراء(خبركم اهل البحرين يحبون التسوق خصوصا في دبي) , زرت متحف دبي , ذهبت اليه عن طريق العبرة( السفينة ) .اما ليلة الجمعة فقد تساقطت قطرات المطر الممتعة حيث اتصلت بالاهل في البحرين فرحا بالاجواء الرائعة.اما اليوم الاخير وهو يوم الجمعة فقد اسيقظت باكرا للعودة الى ارض الوطن.
وهذي هي رحلتي بالتفصيل. مملة شوي لان ما زرت اماكن كثيرة خصوصا الحديقة المائية. بس إنشاء الله مرة ثانية لي زيارة الى دبي .
وسلامتكم

ماشالله عليك اخوي theking .. مع ان رحلتك قصيرة مره بس قضيت وقتك كله بالتسوق ... واحس فيك مارتحت لانك وعلى حسب كلامك انك وصلت الساعة 9:30 لمطار دبي واخذت نص ساعة في الطريق الين الفندق وبعدين الساعة11 طلعت تتسوق الين الساعة 10 المساء .. اكيد نمت بدري :thumb_ico على هالتعب طول اليوم ... المهم تكون استانست في دبي ..
يعطيك العافية اخوي ..

تسلم أخويه theking
على هذه الصور الجميله لدبي .. والتقرير الخفيف
وماشاء الله عليك أستغليت وقتك بشكل حلو ..
بس حبيت أعرف رأيك بمتحف دبي .. وهل فعلا يستحق الزيارة بالنسبة لزوار مدينة دبي ؟؟
وان شاء الله زيارتك للامارات تتكرر .. وحياك الله

مشكورة اختي miss_Dubai_2003
بالنسبة الى متحف دبي فهو يستحق الزيارة خصوصا بالنسبة للسائح
انصحك باخذ كاميرا مزودة بفلاش لان المكان مظلم نوعا ما