1. اه كيف ابتدي ووين انتهي ايام حلوه ورائعه

رحلة ((وده نيوزليندا)) الى كرايست شيرش
سلام عليكم
اولا اتأسف للي وعدتهم بشرح كامل عن رحلتي واخلفت وعدي بسبب ظروف كثيره
وانا اليوم انزل لكم رحلتي كامله
من الالف الى الياء
الجزء الاول
^
^
^
^
^

اه كيف ابتدي ووين انتهي ايام حلوه ورائعه

يوم كنت بالمطار الدمام لاني طالع لدبي ثم سنغافوره ثم كرايست شيرش يو انا بالمطار الدمام دخلت من البوابه المغادرون وانا قلبي طايح برجلي انتو عارفين مدى خوفي ههه جلست بغرفة المغادرون جلس بجنبي رجال من اهل الخبر موظف المهم دقيت سوالف معه وقلت له وين رايح نفخ نفسه وقالي اوكلاند ههه توقعي مابعرفها او يبي يرتز عندي ويقول احم احم انا مسافر دوله عدله مو مثلك خ وهو توقعني رايح لدبي المهم ألني وين رايح قلت كرايست شيرش نيوزليندا حسيت وجه طلع فيها 3 علامات تعجب خ انصدم المهم هو مسيرته من الدمام الى دبي ثم سنغافوره ثم اوكلاند المهم ركب معي بالطائره وجلسنا ويا بعض ودقينا سوالف يوم يوم وصلنا دبي نزلت من الطائره وكلي حزن لفراق الخطوط السعوديه ههه المهم نزلنا صلينا وركبنا الطياره ثانيه من دبي الى سنغافوره يعني جلستنا بدبي ساعه الا ربع المهم ركبنا بالخطوط السنغافوريه وجلست كذالك جنب الرجال ودقينا سوالف الين اقلعت وحنا بالجو كل اشوي اهتزت الطائره وانا خايف والرجال الي جنبي عرف اني خايف وكل اشوي روعني ههه الله يهديه المهم قدموا لنا الاكل السنع والحركات والواين ههه بس لا تخافون ماشربت خ المهم جلست اتابع افلام بالطائره ونمت وياليتني مانمت لانه كان في جيبي نظارتي انكسرت يوم انا نايم المهم حزنت اكثر>>>مو ناقص انا ههه
وبعدها وصلنا للمطار سنغافوره الرجال طائرته بعد 3 ساعات اما انا بعد 14 ساعه ههه الرجال جلس معي اشوي وطلع للطائره وانا جلست اعد البلاط المطار بروحي ههه
انواع الخوف المهم تشجعت ولا اهتميت وكان بنفس الوقت مباراة بين دولتي لكأس العالم ههه جلست اتابع وانا اكره شي عندي المباريات كنت اتابع بالقصب عشان يضيع الوقت ههه
المهم رحت الغرفه الي معطيني اياه مجانا ونمت وقبل الاقلاع بساعتين قمت ورحت للمغادره بعد مافريت المطار كله ههه ركبت الطائره الى كريست شيرش ويوم جلست بالكرسي شفت ماوري ركب معنا بنفس الطياره ههه انا خفت وطاح قلبي باصبع رجلي ههه المهم قمت ادعي وافخ عليه عشان مايركب جنبي ههه>>>مو بايع عمري
المهم هو راح اخر الطائره وركب جنبي كيوي مع زوجته جايين من بريطانيا انواع الفله وياهم
وقبل مانوصل استراليا كنت اشوف الطائره بالخريطه تقطع نص استراليا واشوف السعوديه بعديه قلت بنفسي ((محد معي الا رب العالمين وماراح ينسى عبده))
المهم قبل مانوصل كريست شيرش بنص ساعه انواع الهزات بالطائره واشوف الجبال الضخمه جنبي بالطائره ههه قلت بنفسي ((تخيل عمر تطيح الطياره ولا تصقع بالجبل وش بتسوي)) ههه
المهم وصلنا للمطار كريست شيرش
تتبع..........