يسعدني صباحكم ومساكم
اليوم حبيت اكون ضيفتكم من خلال مشاركتي
المتواضعه في بوابة فرنسا ، واللي لها فضل في سفرتي
الاخيره لفرنسا ، لأنه منكم جمعت معلوماتي واستفدت
منها في سفرتي الأخيره ، واتمنى انه تقريري ينال رضاكم
في عيد الاضحى اللي فات كانت اجازة العيد طويله شوي فقررنا نسافر
فرنسا ، وبالتحديد دزني لاند علشان عيالي خاطرهم فيها ، وسافرنا مدة 6
أيام في بداية 12 والحمدالله كانت رحله جميله بس كان الجو
بارد ، ولكن للأسف مانزل علينا سنو ( ثلج )وأذكر سكنا في
الماريوت القريب من دزني ، وحجزنا تذاكر الدزني مدة 3أيام ، ومن
الماريوت نسير للدزني بطريقتين أحيانا نسير لموقف الباص القريب من
الماريوت ونركب الباص رقم 34 ، وأحيانا ندفع للفندق 2 يوروعن كل
شخص ويوفرون النا باص خاص له مواقيت معينه ويودينا للدزني
وعموما المسافه بين الدزني والماريوت بالباص 10 دقائق ، وفي خلال
المده اللي يلسناها زرنا الشانز وبرج ايفل ، ومره سرنا سوق الاوت ليت
لافيلج والقريب من الماريوت ، يعني بالباص نسيرله وهاي الرحله كانت
مخصصه لعيالي ، وعقبها بشهر حالفني الحظ وسرت مره ثانيه باريس
وهاي المره سكنت في الشانز مدة اسبوع وكان الهدف تسوق ، ولكن
للأسف ماجمعت معلومات ولاصورت للمنتدى ، لأنه وقتها كنت مشغوله
لشوشتي في التسوق ، والفرق بين السفرتين كبير ، الاولى للعيال يعني
فيها مسؤوليه وتعب أكبر ولكن لها متعتها الخاصه ، والسفره الثانيه
كانت غير ، يمكن من أجمل سفراتي ، فيها الراحه والمتعه والذكريات
الجميله اللي ماتنسى ، وصارت باريس عزيزه جدا على قلبي وأحبها وايد:5zcf9:
واذا الله قدرني بسافرلها كل شتاء ، لأنها أحلى بوايد من الصيف .
بالنسبه لفندق الماريوت مابتكلم عنه هنيه وبنزله في تقرير منفصل
والحين اترككم مع صور منوعه لدزني لاند باريس