وعليكم السلام ورحمة الله وبركاته
مساء النور
اولا ابارك لك بالعرس اخوي وعسى الله يرزقك بالذريه الصالحه
وثانيا بأذن الله الأخوان يفيدونك
وحبيت افيدك بأن قسم تقارير كل شي موجود فيه
واذا تبي تعرف اكثر عن الرحلات ادخل على تقارير تايلند تبي تلقى فيها مايرضيك ان شاء الله

1. والرحلات البحرية طريقة شراء تذاكرها ؟


2. والتكاسي وطريقتهم؟


3. وزوجتي هل الافضل تلبس عباية وحجاب او كيف؟

وابي منكم مساعدة تكفون وش الاماكن الي اروح لها والرحلات البحرية وطريقة الدفع وشراء الرحلات والصرف الافضل من السعودية او اذا وصلت هناك

والرحلات البحرية طريقة شراء تذاكرها ؟

• الرحلات تشنريها من الاكشاك السياحية المنتشرة في بوكيت وبالاخص في الباتونق بيتش وطبعا تحاول تخفض السعر وطبعا الدفع يكون كاش وراح ياخذ منك رقم تلفونك (الخط التايلندي) + اسم الفندق + رقم الغرفة وراح تستلم رصيد وراح يحدد لك موعد لانتظار الميني باص في لوبي الفندق ،، ما عدا رحلة الفانتزي فقط راح تستلم رصيد والدفع يكون في شباك التذاكر في الفنتزي حسب السعر المتفق عليه مع مكتب الرحلات.
• كل الرحلات نفس طريقة الحجز عن طريق الاكشاك سواء بحرية او لا
• بالنسبة للصرف يفضل تصرف مبلغ لزوم اول يوم من بلدك مثلا 1000 ريال تحولها الى بات وباقي المبلغ تحوله كله الى دولارات وتقوم بتحول العملة الى بات هناك في تايلند وطبعا تجنب الصرف في المطارات وانما شوف محلات الصرافة بالشوراع وتجول وشوف اسعار الصرف لان كل مكتب قد يختلف عن الاخر واصرف عند اقوى محل للصرف.

والتكاسي وطريقتهم؟

• في بانكوك التاكسي اما بالعداد او بالاتفاق مع على سعر لان البعض لا يقبل تشغيل العداد ،، واذا تبي توصيل بالتوك توك ايضا تفاوض معه بالسعر واهم شي اتفق عليه على سعر قبل الركوب والا اذا تم السكوت راح يطالبك بمبلغ كبير وانت مجبر تدفع له او تواجه مشاكل ،، لذا اتفق قبل اي توصيل

وزوجتي هل الافضل تلبس عباية وحجاب او كيف؟

• الامر عادي سواء تلبس عباية او مجرد ملابس محتشمة بالحجاب ،، الوضع طبيعي طبعا راح تواجه نظرات استغراب واغلبها من السواح الاجانب اما التايلنديين شعب طيب ولا ينتبه لهذه الامور ابدا خاصة هناك مسلمين تايلنديين ويشكلون نسبة من الشعب ،،

و عليكم السلام و رحمة الله و بركاتة "الف الف الف مبروك و تمنياتي بحياة سعيدة ان شاءالله
أخونا ولد البحرين ما قصر و اعطاك الرد الوافي و الشامل .
تمنياتي لك بسفرة ممتعة و سعيدة ان شاءالله .

الله يبارك فيكم ويعطيكم العافية
وماقصرت اخوي ولد البحرين كفيت ووفيت
بس فية نقطة مافهمتها ليت شرح اوضح لاستلام رصيد وهالامور

• الرحلات تشنريها من الاكشاك السياحية المنتشرة في بوكيت وبالاخص في الباتونق بيتش وطبعا تحاول تخفض السعر وطبعا الدفع يكون كاش وراح ياخذ منك رقم تلفونك (الخط التايلندي) + اسم الفندق + رقم الغرفة وراح تستلم رصيد وراح يحدد لك موعد لانتظار الميني باص في لوبي الفندق ،، ما عدا رحلة الفانتزي فقط راح تستلم رصيد والدفع يكون في شباك التذاكر في الفنتزي حسب السعر المتفق عليه مع مكتب الرحلات.

والشي الثاني خطوط الاتصال انا ابغى اشغل خدمة البلاك بيري كيف الطريقة ووش افضل خط اتصال وبكم قيمتة؟

الله يسلمك التوضيح ،، انك لما بتحجز رحلة من كشك سياحي ويفضل مثلا حجز الرحلة قبلها بيوم او يومين ،، تروح الكشك السياحي وتختار الرحلة وبعد الاختيار تحاول تتفاوض في السعر وطبعا بتدفع له وبعد الدفع تستلم رصيد او وصل استلام لانك راح تسلمع في اليوم الثاني لسائق الباص اللي راح ياخذك من الفندق ،، فقط رحلة وحدة في بوكيت وهي الفانتزي ما راح تدفع للمكتب كاش لان الدفع يكون في مقر الفانتزي عند شباك التذاكر يعني الكشك الساحي يعطيك فقط وصل في بيانات الحجز والسعر المتفق عليه واللي راح تدفعه في شباك تذاكر رحلة الفانتزي.
واهم شي وانت رايح تحجز الرحلات تكون حافظ اسم الفندق ورقم الغرفة وايضا رقم موبايلك "الخط التايلندي"
بالنسبة لشركات الاتصال وخدمة البلاك بيري ،،
هناك الكثير من الشركات وعندهم اشتراكات بالايام وبالاسابيه او بالشهر .. انا اذكر اخذت خدمة لمدة 14 يوم كلفتني شيئ بسيط يعني كانت عندي شريحة تايلندية من سفرة سابقة فقط رحت وضعت فيها رصيد وفعلت الخدمة وتم شحنها 500 بات رصيد واستخدمتها 14 يوم بلاك بيري بالاضافة للاتصالات اللي اجريتها مع صديقي داخل تايلند وكانت كافية ،، والخدمة ممتازة خلال تنقلي لثلاث مناطث وهي بتايا وبوكيت وبانكوك
اسم الشركة هو : true move
واذا تبي شركات اخرى ارشح التالي :
12call
dtac