Las Vegas مليئة بالنشاطات والاثارة ...
عليك بالشارع الرئيسي Strip الذي يقطن فيه اجمل فنادق العالم ...
فزيارة الفنادق والتعرف على معالمها نشاط رائع بحد ذاته وتجربة فريدة ...
ففنادقها تجملك من شرق الكرة الارضية الى غربها ومن شمالها الى جنوبها ..
بكل حضارات العالم ومفاجئاته واثارته ...
وهناك العديد من العروض المسرحية المثيرة مثل سيلكي دي سوليه O Show المائي... والعديد العديد !!
والمطاعم بشتى انواعها ... والمراكز التجارية مثل فاشون مول والاوتلت القريب من المطار
قراند كانيون قريبة من لاس فيقاس وتستحق الزيارة !!
هناك العديد من الرحلات ممكن ان تتعرف عليها من مسئولي الرحلات المنتشرين في ارجاء شارع Strip
بالتوفيق ورحلة سعيدة !!

mymoon
والله ياخوي انا ملاحظ هاليومين رحلات العمل كلها في فيغاس ليش ما ادري
انصحك تسكن بالفندق اللي فيه المؤتمر وفيغاس عباره شارع طويل يسمى بالسترب وفيه كل الفنادق وكل فندق فيه بلاوي طبعا غير الكازينو في العاب واسواق وسينمات
ادخل على فيغاس دوت كوم وراح تشوف كل شي بعينك وبالفعل كما هو معروض يعني مو شي بالخيال
لو تعطيني مكان الدوره او المؤتمر اعطيك فندق قريب وجميل
الله يوفقك في رحلتك وترجع لنا سالم وغانم

يعطيك الف عافيه اخوي سواح كويتي حقيقه انا انسان ملتزم ومالي في المراقص والكزينوهات والشغلات هذي مكان انتدابي بيكون في قاعدة نيلس الجويه يعني ابي اماكن سياحيه او مناظر او اسواق تستاهل الواحد يزورها وياخذ هديا ولكم جزيل الشكر انته والاخ impact

mymoon
الله يزيدك حرص ويستر عليك والله فرحتني
مهم جدا انك تسكن في فندق مافيه كازينو واعرف فندق وسكنت فيه ولا اروع ورخيص بعد وبعيد شوي عن الزحمه اللي في السترب يعني راح يصير في اخر السترب
اسم الفندق هلتون فكيشن كلوب رائع جدا ومستواه راقي جدا والغرفه كبيره جدا عباره عن غرفتتين وجاكوزي طبعا غرفه نوم وصاله
واهم شي ما فيه كازينو
المناظر تقدر تروح حق الوادي الكبير وتقدر تروحله بطياره هيلوكوبتر روعه جدا
اما الاسواق فيغاس في السترب كل شي فيه من محلات ومجمعات كل واحد يقول الزود عندي بس الله يعينك على الكازينو وراح تشوف الميشين مال القمار في كل مكان حتى بالحمام وانتوا بكرامه
وانصحك تاجر سياره لزوم المشاوير والاجار عندهم رخيص نوعا ما الا اذا عطوك القاعده سياره بلاش زين بعد

الف شكر ياصاحبي بنالسبه للسكن موفر لي من قبل عمل في Embassy Suites
بالنسبه للوادي الكبير والرحله بالهلكوبتر كم يكلف وهل هو بالساعه والا كيف طريقة التذكره
شاكر لك تعاونك

mymoon
امباسي سويت روعه ويستاهل
بالنسبه للهلكوبتر راح تشوف بروشوات كثيره كل اللي عليك تتصل وياخذونك من الفندق على حسب وقتك لو تبي ياخذونك في ليموزين بعد ما عندهم مانع بس كلشي بحسابه
اعتقد اذا بروحك يطلع عليك غالي لكنه ما يتعدا 100 دولار وتقريبا الرحله لمده نصف ساعه لكن لا تطوفك روعه وحاول انك تصور فيها اذا كنت من محبين الطيران مو مثلي من ركبت الهلكوبتر وانا عظامي ترجف واقول للعيال برد ههه واحنا في فيغاس وبعز الحر

الف شكر اخوي سواح كويتي وبيض الله وجهك ولو خطر في بالي اسئله ابكتب من هناك ان شاء الله