1. يقول الشاعر ..


2. لاهب طاري السفر خاطري ذاب


3. المطلوب لاهنتوا ..


4. كبدايه ابي جميع الايجابيات والسلبيات وابي ارائكم بكل شفافيه وضوح


5. ندخل في محاور النقاش ..

بسم الله >> هذا العضو يشمر عن ساعديه ..

يقول الشاعر ..

لاهب طاري السفر خاطري ذاب

اولا / انا ارفع قبعة الاحترام و التقدير لكل المشرفين الدائمين في هالصرح ولا يهونون الاداره العليا والاعضاء .. >> بس لو تسمعون شووري وتشوفون حل بصندوق الخيارات لاني ابي اكبر الخط واضبطه بس مو راضي يستجيب معي
,,,
انا بالنسبه لسفرتي الجايه بتكون نقطة تحوول بما انو اول مره اسافر خارج المملكه .. وطاري هالسفر ان شاء الله العرسس >>>انصقلت الفكره في دمجتي المكوره ولون ان الفكره كانت فكره بتراء بما ان الميزانيه تحكمها بس الاصرار يحتم علي اني اواصل .. وواصلنا الفكره بمساعدة الجميع ..
انا والله لي فتره متواصل معكم في المنتدى وهالتواصل فرض علي اشياء كثيره منها اني استفيد من تجارب الاعضاء وخبرات المشرفين ..
ومن هالمبدأ حبيت اشارك بمخطط الرحله اللي اعتبره خظه بدايئيه الى هاللحظه . وحبيت اطرحها في هالصفحه لمشاركتكم
الحلو بالموضوع
ان الخطه قابله للتعديل تماماً في حال ابداء الرأي من جميع الاعضاء وانا اتمنى اان الاعضاء يطرح افكاره وكأنه الرحله رحلته .. عشان اذا صار شي تراني بستقبل القبله وبدعي عليكم ..!
مدخل ..
انا عرسي ان شاء الله في تاريخ 2/8/1431ه يوافق بالميلادي 14 جولاي ومقرر ان سفرتي تكون ان شاء الله .. بعدها بخمس ايام ..
طبعا الحجز بيكون على الخطوط الفرنسيه ولو اني احس انها غاليه شوي .. بس نصائح الاخوان عندي بالدوام كانت كفيله اني اواصل في هالخطوط ..
الرحله بتكون على فيينا 3 ايام في فندق اسمه ibis wein ,, و 3 ايام بزيلامسي بفندق اسمه lutinah .. و 3 ايام بميونيخ بفندق اسمه merael msse و 3 ايام بباريس طبعا طبعا بنطلع باريس عن طريق طيران داخلي من ميونيخ ووبباريس بنكون في فندق اسمه brescia ....
..

المطلوب لاهنتوا ..

كبدايه ابي جميع الايجابيات والسلبيات وابي ارائكم بكل شفافيه وضوح

طبعا توزيع الايام كان عن طريق صديق مقرب لي له خبره كبيره في مجال السياحه بحكم شغله في هالمجال .. ويمكن بيلفتكم ان الفنادق من 3 نجوم - 4 نجوم طبعا ذا صار برغبتي انا لاني اعتقد اني ماني في حاجه الرفاهيه الزايده ..

ندخل في محاور النقاش ..

1- كبدايه او كمحطه اولى وهي اللي بتكون النمسا .. المده كافيه وهل توزيعها حلو ولو تلاحظون ان زيلامسي ماهي موجوده وذي كانت نصيحه من جميع المستشارين .. ياليت تكون الاجابه بالتفصيل الممل (مع العلم ان ميزانيتي محدوده )
2- بالنسبه للتنقلات الداخليه تنصحوني بالسياره ولا وشلون بالضبط وخذوا بعين الاعتبار اني اول مره امد رجوولي خارج المملكه وش تنحصوني فيه (مع العلم ان ميزانيتي محدوده )
3- بالنسبه لميونيخ كان الاجماع من جميع المستشارين بانها بتكون محطه رائعه بين النمسا وفرنسا (مع العلم ان ميزانيتي محدوده )
4- بالنسبه لباريس كانت فكرتي انا واصريت انها تكون محطه اخيره حتى لو اضطريت اني اخذ قرض (مع العلم ان ميزانيتي محدوده )
طبعا الموضوع على صفحات بيضاء .. يعني اطلقوا العنان لاناملكم ماابي احد يستحي .. الكل يحط اللي بدمجته في هالموضوع .. لانه مثل ماقلت في الاعلى ان هالرحله بتكون نقطة تحوول ايجابيه او سلبيه وهذا بيكون عن طريقكم ..
والف شكر للجميع