نشر في مدريد

رحلة شهر العسل بالتفصيل اخوي الليل والنهار تفضل

حمـــادي

10-06-2022 - 10:13 am

السلام عليكم ..
انا مقرر اني اروح اسبانيا ان شاء الله في شهر العسل ..
وعندي استفسارات وايد اتمنى تتحملوني ..
بس لانها اول زيارة لي بتكون .. ومااعرف اشيا وايد عن هذا البلد ..
راح تكون الرحلة من تاريخ 19/2 إلى تاريخ 4/3 يعني 14 يوم و13 ليلة ..
الميزانية 20000 ريال (شاملة الفنادق )
حاب ازور مكان ينفع فيه التسوق وماركات جيدة ..
وطبعا مكان رياضي .. يعني ملعب وغيره ..
ومكان فيه الطبيعه الخضرا (اتوقع بيكون في شمال اسبانيا) ..
حتى الاماكن التاريخية حابين نزورها ..
فياليت اخوي الليل والنهار او الي عندهم خبرة في هذي الامور يساعدوني اسوي مخطط لهذي الرحلة ..
المناطق الي ازورها .. الفنادق الجيدة الي فيها .. الاماكن الي تستحق الزيارة فيها .. عدد الايام في كل منطقة .. وطريقة التنقل للمنطقة الي بعدها ..
يعني الدنيا حوسة عندي .. ابي مخطط شامل اذا ماعليكم امر ..
وطبعا الرحلة راح تكون من مطار مدريد وتنتهي في مطار مدريد ..

التعليقات (6)

حمـــادي

10-06-2022 - 12:27 pm

حمادي
وقت الرحلة تغير ..
الرحلة راح تكون الى تاريخ 2/3 يعني 12 يوم و11 ليلة

الليل و النهار

10-06-2022 - 01:28 pm

قبل كل شئ مبروك الزواج ...
أقترح المخطط سيكون .... مدريد 3 ايام - الجنوب 5 ايام - برشلونة 3 ايام - مدريد يوم = 12 يوم
الجنوب ممكن تسكن في اشبيليا , ملقا , بنا المدينة أو فنخيرولا أي منهم
بعد كل شئ ... انصحك تغير وجهة سفرك إلى شرق اسيا ... لأن في شهر 2 يكون الجو مرة بارد ما أظمن أنكم راح تستمتعون

حمـــادي

10-06-2022 - 02:29 pm

الليل و النهار
تسلم على الرد ..
بالنسبة للجو فشفت ان الحرارة بتكون في فبراير بين 12 و 14 ..
وانا نفسي اسافر شهر العسل اسبانيا ..
بالنسبة لمدريد وبرشلونة .. وين الاماكن الي تنصحني ازورها ؟؟؟
والجنوب وين بالضبط ؟؟ ووين اروح ؟؟
وياليت تخبرني شلون انتقل من منطقة للثانية ..
وتسلم

الليل و النهار

10-06-2022 - 03:30 pm

بالنسبة لمدريد وبرشلونة .. وين الاماكن الي تنصحني ازورها ؟؟؟
https://artravelers.com/p/re/182803
وهذا ردي في احد الأستفسارات لبرشلونة :
اليوم الأول : يعتمد متى الوصول للمدينة
اليوم الثاني :
الصباح :
تشتري تذاكر الباص السياحي لمدة يومين ( مو شرط تشتري تذكرة , ممكن تروح عن طريق المترو و مشي )... و تركب الخط الأحمر من محطة وقوف ساحة كاتولينا و تنزل في
1- Casa Batllo - Fundacio Antoni Tapies
Passeig de Gracia - La Pedrera -2
Sagrada Familia -3
Parc Guell - 4
Barcelona Football Club -5
في المساء تروح Màgica fountain ... النافورة المضيئة (بس تأكد و انت هناك هل هي تشتغل ولا لأ ؟) و بعد تروح Sagrada Familia منظرها في ليل حلو
تكمل باقي يومك في لارمبا و حولها
اليوم الثاني : تروح لمنطقة Montjuïc فيها عدة نشاطات منها تلفريك الجبلي و يوصلك إلى قلعة رائعة , الملعب الألومبي ,, و اشياء كثيرة ( الباص يوديك هناك )
المساء تروح حوض الأسماك
اليوم الأول : في لارمبا و الحي القوطي و المرفا برشلونة ... كلها حول بعض ... ممكن تروح متحف بيكاسو
والجنوب وين بالضبط ؟؟ ووين اروح ؟؟
أبرز المدن هي غرناطة و أبرز معالمها القصر الحمراء
قرطبة و تشاهد الجامع و اشبيليا
انصحك تقرأ التقارير
وياليت تخبرني شلون انتقل من منطقة للثانية ..
القطار أو الطائرة

حمـــادي

10-06-2022 - 04:31 pm

تسلم اخوي على الرد وماقصرت ..
انا قررت حاليا ان الرحلة راح تكون بين مدريد وبرشلونة و مايوركا أو سان سبستيان أو ماريبا
وان شاء الله راح تكون 5 ايام في برشلونة ..
1. مدريد شنو فيها من نشاطات غير الملعب الي راح ازوه ان شاء الله ؟؟ تستاهل كم يوم اقعد فيها ؟؟
2. ماادري صراحة شنو اختار بين (مايوركا أو سان سبستيان أو ماريبا).. أبي منطقة فيها المناطق الطبيعية الخضرا والجبال .. اي وحدة تنصحني فيها ؟؟

الليل و النهار

10-06-2022 - 05:32 pm

. مدريد شنو فيها من نشاطات غير الملعب الي راح ازوه ان شاء الله ؟؟ تستاهل كم يوم اقعد فيها ؟؟
مدريد الحالمة https://artravelers.com/p/re/43812
2. ماادري صراحة شنو اختار بين (مايوركا أو سان سبستيان أو ماريبا).. أبي منطقة فيها المناطق الطبيعية الخضرا والجبال .. اي وحدة تنصحني فيها ؟؟
في فترة الي انت ناوي تروح لها ما أظن تلقى طبيعة ...
سان سبستيان حتكون باردة جدا
انصحك بماربيا أو ملقا

مدريد المسافرون العرب

رحلة شهر العسل بالتفصيل اخوي الليل والنهار تفضل