عليكم السلام ورحمة الله وبركاته
إذا يوم إقلاعكم من هنا يوم 29 ويوم رجعتكم يوم 13 معناه عندكم 13 ليله
وانت ماحددت رغباتك في ماليزيا هل تفضل جزر هادئه مثل لنكاوي او نشطه مثل بينانق
او مرتفعات مثل جينتنق و الكاميرون وعموما الجدول الأنسب حسب رايي
ليلتين سيلانقور او بورت ديكسون -- اربع ليال بالي -- ثلاث ليال لنكاوي او بينانق -- اربع ليال كوالالمبور
والجدول ممكن يتعدل حسب الرغبه ممكن تقديم لنكاوي او بينانق علي بالي
طبعا مافيه طيران مباشر لبالي إلا عن طريق كوالالمبور او جاكرتا و الأفضل من كوالالمبور

يوم الوصول هو 29 يوم الاقلاع 28
فقد ابغا كوالالمبور ولنكاوي وبالي
وكيفية الذهاب الى بالي وكم السعر

يونكس واب
طيب اوكيه يعني عندك يوم زياده ممكن تخليه اخر يوم في بورت ديكسون
في منتجع قراند ليكزس كل غرفه ببركة سباحه خاصه داخل الغرفه اسعاره معقوله
وهي تبعد عن كوالالمبور حوالي ساعه ونص ومن المطار حدود ساعه تقريبا
وسيلانقور قريبه من كوالالمبور بس للراحه بعد السفر الطويل ثم المواصله لبالي او لنكاوي
الأفضل تجلسون فيها اول ليلتين او في بورت ديكسون تبعد حدود ساعه من المطار
والجدول ممكن يصير
ليلتين سيلانقور -- اربع ليال بالي -- ثلاث ليال لنكاوي -- اربع ليال كوالالمبور - اخر ليله بورت ديكسون
ممكن تلغون سيلانقور لو ماتبون الألعاب المائيه والصن واي لاقون وتجلسون اول ليله او ليلتين ببورت ديكسون
او حتي ممكن تجلسون بكوالالمبور المهم ضروري الراحه اول ليلتين ثم المواصله الي بالي او لنكاوي
والجدول ممكن تقدم لنكاوي قبل بالي و ممكن تزود في ايام لنكاوي لو حبيت
دامك انت حاط براسك بس لنكاوي وبالي وكوالالمبور خلاص قسم الأيام علي اللي تبي بس
مثل ماقلت ضروري تريح او ليله او ليلتين ثم تواصل و بالي برضه مثل ماقلت لازم عن طريق كوالالمبور
والتذاكر تكلف حسب موقع آير آسيا للشخص الواحد تقريبا 600 رنقت للواحد ذهاب وعوده ممكن تزيد
حق العفش حوالي 30 او 40 رنقت حسب العفش اللي تختاره انت بس السعر في هالحدود من 600 إلي 650 تقريبا