nobody
19-11-2022 - 11:17 am
السلام عليكم جميعاً
رحت في عام 2003م في رحلة رائعة وخيالية بكل المقاييس وكان التوقيت ممتاز جداً.
سبق ونشرت المقال هذا في منتدى يقال له مكشات لكن رغب أخوي " الشاب مشرف ساحة أسبانيا " في إني انشره عموماً شوفوا الرحلة
انا قبل فترة سافرت لي سفرة من أجمل سفرات حياتي وإستغرقت اسبوعين والله وفقني وجبت معي كمرة وصورت حول 400 صورة، ولكن صعبه جداً احطها كلها لذلك قلت احط بعضها و إستحملوني لأن الصور واجد.
بدأت الرحلة في يوم 27 رجب وتوجهت انا وربعي للنمسا وبالتحديد للعاصمة فيينا.
هي صحيح جميلة و مليانة إحتفالات لكن ماش ماجازت لي ما قعت فيها إلا 3 ايام بس .
هذي صورة رافد من روافد نهر الدانوب
وهذي صورة نهر الدانوب بكبره، لكن شئ عجيب لاحظته ان في وسط العاصمة الناس بيض لكن يوم قطعت نهر الراين ما تشوف إلا سمران
وهذي صورة برج أحد شركات الجوال وتقدر تدخله بمبلغ مالي لكن مادرينا إلا متأخرين " وتقدر تمارس رياضة البنجي جنبنق بربطون في رجليك مغاط وينطلونك من فوق " .
ثم رحت لسالزبورغ " آأأه يا سالزبورغ " رائعة من روائع الدنيا، ومن المعروف عنها انها مسقط رأس موزارت الموسيقار الكبير راعي السمفونيات إياها. واول شئ طبعاً تبي تشوفه نهرها. والقلعة الكبيرة
انا أخذتني الصور وانا فوق القلعة وكان الجو خيال فأخذت صور واجد منها هذي
وثم رحت للقصر الملكي إلي كان يروح له ملك النمسا في فصل الصيف.
ومن ميزات سالزبورغ انها على الحدود مع ألمانيا يعني نرقد في النمسا ونفطر في المانيا ونرجع نتغدى في النمسا، لا جواز ولا بطاقة أحوال ولا فين تشتغل " ويالله الحمد امان " .
عاد من أول الرحلات كانت لكهوف الثلج وصدقوني يا جماعة إنها برد برد برد، يعني كل إلي يحيط بك ثلج وكلش متجمد و أولهم خشمك.