بسم الله الرحمن الرحيم
اتمنى من العزيز الجليل ان يوفقني لاستكمال حلمي بزيارة الولايات المتحدة
في البداية:
صراحة كنت شايل السفر لأمريكا من بالي ولكن بالصدفة وانأ اقلب في كبتن قوقل دخلت على الابلكيشن حق السفارة وقلبت فيه وتحمست اعبية, جمعت كل المعلومات اللي يحتاجونها وعبيت الابلكيشن
رحت للسفارة ( واغلطو ) أعطوني فيزا 5 سنوات
اليوم الي استلمت فيه الفيزا قصيت تذاكر رحلتي القادمة واللي بعدها ( الصيفية)
تفاصيل الرحلة
الذهاب في 29/10/2011 العودة في 17/11/2011
الخطوط التركية ( درجة أولى بسعر 4600 ريال)
خطة الرحلة:
السكن في A لمدة يومين
السكن في B لمدة يومين
السكن في C لمدة يوم
السكن في D لمدة يومين
السكن في E لمدة يوم
السكن في F لمدة يومين
السكن في G لمدة يومين
السكن في H لمدة يومين
السكن في I لمدة يومين
السكن في J لمدة يومين
سيكون استأجار السيارة من نيويورك وتسليمها في مطار ميامي ( ارغب باستأجار جيب صغير)
استفسارات:
إذا فيه احد يعرف شركة رخيصة لاجار السيارات ياليت يفيدني ( بحثت في ALAMO & NATIONAL)
هل يأجرون السيارات برخصة السواقة السعودية ولا لازم رخصة دولية
لم احجز الفنادق حتى ألان ( أتمنى تفيدوني عن الفنادق المجربة في المدن اللي بزورها)
هل يوجد موقع في النت للحجز بأسعار أفضل من (بوكينج – اقودا –هوتيلز)
بخصوص تذاكر دزني لاند هل اقها الحين ولا اذا وصلت
انا محتار في حجوزات الفنادق ( يعني ما ادري المدينه اللي بمرها كم بسكن فيها وهل بتعجبني ولا لا اخاف احجز ويقيدني الحجز, يعني اذا شفت ديره زينه حجزت فيها ونمت بس هل تفرق الاسعار كثير)
هل تنصحوني بالسياقه في الفتره المسائية ولا فقط في الصباح)
بخصوص نيويورك صراحة فنادقها مره غالية ( هل في حي كويس للسكن وآمن ورخيص)
هل فيه ملاحظات على خطة السير ( اضافه او الغاء بعض المدن )
السؤال الأخير : معاي أي فون ومسويلة جيلريك هل فيه مشكله في دخوله في المطار أو لا
اتمنى من الجميع التعاون
والوعد تقرير الرحلة بالتفصيل الممل
تحياتي...