اخوي المخطط ممتاز بس عدد المدن كثير على الايام
خليك على المدن المذكورة مع استبعاد جنيف وميلان
وبيكون تنسيقك ممتاز
والمبلغ يبيلك تزودة الى 20 الف على الاقل
كون فية سكن وسيارة واكل وشرب ومصروف

ابوطلال شاكر مشاركتك .... لكن انت تقول اكنسل جنسف وميلان ليه؟ انا حاط جنيف عشان القهاوي والساحات والتقاط الصور في المناطق السياحيه وبالنسبة ميلان اخترتها عشان الاوتلت اللي فيها
عموما عادي ماتفرق معاي لكن انا حاط في بالي كل المدن الباقيه مناظر طبيعيه ولا اخفيك انا احتاج بعد شي مودرن للتصوير والتمشيه وقعدات القهوه وشرب كبتشينو وشوكولاته لان اعتقد المدن العاديه والقرى مافيها ولا انا غلطان؟
رتبولي من جديد وانا معاكم حى لو تبون اغير محطة الوصول والاقلاع سواء ميونيخ او فينا
وين افضل مطار استاجر منه السياره ميونيخ ولا فينا؟
وعلموني وين السهرات ووين الاوتلت للتسوق ؟

فعلا المدن كثيره بنسبه لعدد الايام
جنيف ماتستاهل والله فيينا مليانه كفيهات وراح تنبسط فيها
فيينا 3 - زيلامسي 4 - هايدي لاند 1 - انترلاكن 3 -ميلان 2
وممكن تكنسل هايدي وتخلي اليوم في انترلاكن وتزورها من انترلاكن او وانت رايح لانترلاكن تزوروها
اذا عجبك المخطط اقدر انصحك بي فنادق
تقديري لك

مخطط جنون أنثى رائع
فعلا
شيل العفش حط العفش
جمله تقال لمن ايامه قليه وتنقلاته بين المدن كثيره
ليست العبره في عدد المدن التي ستزور
ولكن العبره في أستجمامك وراحتك
أنتبه من مصروفك تراه قليل عليكم
أرفعه لعشرين الف شامل السياره

اشكركم اخت جنون انثى والاخ وليد الرسسؤال مهم وسريع بالنسبة لاستئجار السياره ما احتاجها لا في ميونخ ولا في فينا ولكن1- بآخذ قطار الى سالزبورغ ومن ثم استاجرسيارخ من قرية freilassing حوالي 15 دقيقةعن سالزبورغ لانها المانية واسلم السياره في ميونيخ عشان ما يحتسبون استلام وتسليم سياره في دولة اخرى2- استأجر من فينا واسلم في ميونيخا3- استأجر من ميونيخ واسلم في فيناوين الصحيح دلوني بسرعه عشان يعتمد عليه حجز الطيران لايطير

وصولك فيينا
أذهب من فيينا الى سالزبورغ قطار
من سالزبورغ تاكسي ب16 يورو الى فريلاسينغ الألمانيه
سلم سيارتك أول ماتوصل ميونخ يعني لاتستخدم السياره بميونخ فقط سلمها
وخل نهاية رحلتك من ميونخ يعني رجعتك من ميونخ
يصير مخططك ذهاب - ديرتك - فيينا
الأياب ميونخ - ديرتك
خذ التذكره من الأنترنت أرخص
مر على جميع الشركات وشوف أسعار التذاكر
أرشح لك القطريه أو الأمارتيه
قص التذكره من النت أرخص
وأختار بصفحة الحجز ((وجهات متعدده)) عشان تقدر تخلي وصولك فيينا والعوده من ميونخ
أحجز السياره من موقع سيكست المشهور
فيه موضوع يشرح فيه خطوات الحجز بالعربي
أكتب في العم قوقل هذه العباره
شرح أستئجار سياره من شركة سيكست بالصور
لاتنسى أن يتطابق أسمك اللي بالجواز ورقم الجواز لما تحجز طيران بالنت
لاتنسى رخصتك السعوديه ورخصتك الدوليه والجواز وورقة الحجز بالنسبه للسياره
الرخصه الدوليه يطلعها لك اي مكتب سياحي أو مكتب خدمات ب130 ريال بعشر دقايق
يبغون منك صورتين أي مقاس عادي (نفس الصور اللي حطيتها بالفيزا عطهم )
وصوره من رخصتك السعوديه وتأكد أنه صالحه ليست منتهيه
قد يأتي أحد ويقول لك أنا أخذ مني المكتب بس الرخصه السعوديه
أو يأتي أحد ويقول لك أنا أخذو مني بس الرخصه الدوليه
السالفه على نفسية ومزاج اللي بتقابلهم بفريلاسينغ
فأنت خلك سليم وأوراقك كامله 100% ولاتخرب سفرتك بسبب رخصه
الله معك

حبيبي وليد كفيت ووفيت وماقصرت ، ابشرك ماني شايل هم اللغة ولا هم السواقه او كيفية الحجز انا كنت شايل هم الديره اللي ماعمري طبيتها وما احب اروح على عماي ويعطيكم العافيه ماقصرتم
خط الرحلة :
جده - 2 يوم فينا -4 يوم زيلامسي - 4 يوم انترلاكن - 2 يوم ميونيخ - الرياض
جده - فينا طيران
فينا - زيلامسي قطار
زيلامسي الى قرية فريلاسينغ تاكسي لاستئجار سيارة
زيلامسي - انترلاكن وباليوم الثاني في انترلاكن ازور هايدي لاند
انترلاكن - ميونيخ او ميلان للحين افكر
اهم شي بالاخير اوصل ميونيخ يومين مرورا ب زيوريخ واول ما اوصل اسلم سيارتي واجلس يومين والتنقل بالنقل العام
باقي الفنادق ويعطيكم الف عافيه

صار تحديث بسيط على الخطة بسبب الحجوزات وصار المخطط التالي:
الوصول الى ميونيخ

• اجلس في ميونيخ يوم للراحه ثم آخذ قطار الى فينا
• اجلس في فينا يومين
• من فينا الى سالزبورغ بالقطار
• من سالزبورغ استأجر تاكسي الى قرية Freilassing, Germany لاستلام سيارة ايجار
• من Freilassing, Germany الى زيلامسي بالسياره
• اجلس في زيلامسي اربع ايام
• من زيلامسي الى انترلاكن بالسياره اجلس فيها 4 ايام
• من انترلاكن بالسياره الى ميونيخ طبعا اسلم السياره اول ما اوصل ميونيخ واجلس في ميونيخ يومين
• من ميونيخ العوده للوطن

وش رأيكم اوكيه ولا يحتاج تغيير؟
سؤال هل فيه تعب وارهاق ولا الدعوه وناسه؟؟ انا سويت هالخطة عشان اتمشى واكسب سعر رحلة الطيران وسعر استلام وتسليم السياره في دولة اخرى وكذلك التسوق في ميونيخ!!

بالاضافة الى ماسبق حاب اعرف
وش السفارة الاسهل والاسرع في انهاء اجراءات الشنقن حسب الجدول؟
الطيران بالخطوط الايطاليه شلونها معاكم زينه ولا تعبانه؟
باقي حجز السياره والفنادق والقطار وهذي لاحقين عليها ان شاء الله وشكرا لكل من شارك وسيشارك