1. نبدا بالمرحلة الاولى :

صباح الخير ..
يعطيكم العافية على مجهوداتكم .. بدون الله ثم بدونكم ما فكرنا نطب اوروبا
ابي الناس الشقردية يتبرعون من وقتهم وياي .. في تخطيط رحلة الى اوروربا .. من البداية .. لين يوم السفر .. بعدها بريحكم من موضوعي .. و دعوة .. رضى الله عنك وارضاك .. ف رضا الله احسن من رضانا ..
تاريخ السفرة : السبت / 18 - 9 ( الوصول المتوقع .. الفجر او الظهر بحد اقصى )
تاريخ العودة : الجمعة / 1 - 10 ( العودة العصر او الليل )
عدد الايام : 12 يوم ( بدون يومين اللي للروحة والردة فالطيران )
العدد : ثلاثة ، تونا في زهرة شبابنا ( عشان تعرفون متطلباتنا بالسفر )
الميزانية : بحدود 1100 دينار كويتي للفرد ( لمراعاة تكاليف السكن .. الخ )
متطلبات الرحلة : ذبحنا الغبار ودرجة الحرارة الخمسينية .. ف ندور ( مناظر الطبيعة بالذات الشلالات + معالم اثرية وتاريخية .. الخ )
المرحلة الاولى : خطة السير .
المرحلة الثانية : حجز التذاكر .
المرحلة الثالثة : حجز الفنادق .
المرحلة الرابعه : احداثيات الاماكن وبعض الاستفسارات الاخرى

نبدا بالمرحلة الاولى :

خط رحلة مبدئي // بعد ما قريت مواضيع شتى >> الوصول فرانكفورت علطول الى ميونخ ( 3 ) - زلمسي وفيينا ( 4 ) - فينسيا ( 1 ) - سويسرا (3) - فرانكفورت والعودة

• لاحظنا الطيرات لو نزلنا في فرانكفورت التذكرة 155 دينار كويتي ( الكويت الى فرانكفورت * لفتهانزا * .. ولو رحنا الكويت فرانكفورت ميونخ .. 203 دينار ( ليفتهانزا ) .. اما القطرية * كويت دوحة ميونخ * 230 دينار )

س : شرايكم بخطة الرحلة .. وهل من تعديل وحذف ونتف وزيادة عليها .. رايكم بالامراء ؟
س : الطيران .. نروح من فرانكفورت الى ميونخ طيران او على السيارة المستاجره او ننزل في ميونخ مع مراعاة الاسعار اعلاه ؟
س : ودنا نستاجر سيارة .. شكثر يكلف البنزين سمعت انه غالي .. ولا ناخذ سيارة ديزل مدري غاز .. الخ ؟
عسى الله لا يهينكم .. ودمتم