ياشباب بالنسبة للفنادق احجزها من بوكنج والا لما اوصل هناك مباشرة من الفندق وين الارخص

عندي استفسار ايضا انا سوف اكون هناك يوم الخميس والجمعه والسبت والاحد ويوم الاثنين ماشي الصبح
بالنسبة ليومي السبت والاحد كيف بيكون الوضع داخل بنشاك انا خايف من الزحمه

مساء الخير اخوي
بخصوص حجز الفنادق
انا عن نفسي حجزت يوم وصلت عندهم فيه الرخيص والغالي
والفنادق كثيرة جدا يعني لاتشيل هم
اما اذا كنت تبي مكان معين الافضل تحجز من بدري عن طريق البوكنج
والحجز في بونشاك الافضل انك تحجز اذا وصلت لان فيه الغالي والرخيص والخيرات
عندك متعددة تلف انت والسواق لين تشوف اللي يناسبك
اذا كانت رحله شبابية
انصحك تحجز ع الطيران القطري الى بالي مباشره
تجلس فيها كم يوم لانها فعلا جميله وتستحق اكثر من اربع اياام
لان فيها فعاليات حلووه مرره ماارح تمل منها
من الغواصه الى الغوص في البحر الي رحلة تجديف جبل بالي والبحيرات
واماكن كثيره مريت عليها تهوس بصرااحه
واذا حسيت نفسك مليت منا بعدها تحجز على بونشاك اما باندونق انا مريت عليها يوم بس
بس حلووه تجرربتها
وبونشااك روعه فيها فعاليات حلوه بعد من البراشوت وسفاري والشلالات
والاجواء روعه
اما جاكرتا يوم يخب عليها بعد

يعني باندونق تستاهل 3 ليالي
الرحلة عائلية ليست شبابية

انا زرتها يووم فقط رحت البركان وتمشيت فيها
ورجعت الى بونشاك
بس من متابعتي للتقارير عنها تستااهل 3 ايام وانت وانا اخوك ادخل
على التقارير اللى مخصصه عن باندونق
وراح تعجبك

هلا فيك اخوي
وبالنسبة للسكن الافضل تنسق بدري وما تضمن الاماكن الجيده والنظيفة تكون فاضية
وبخصوص ترتيب الايام اشوف انه جيد
وبالنسبة للسكن في بالي اذا حاب الهدوء والاسترخاء اقترح عليك منطقة سيمنياك
لان منطقة كوتا صاخبه جدا ومعروفه بهذا الشي
لكن مثل ما يقولون انت واللي ترغبه
وفيه عندك شاطئ جمبران المعروف بالمطاعم على الشاطئ الرائع
والاكلات البحرية الطازجة ومشاهدة الغروب مع الامواج الممتعة
وعندك شاطئ نوسا دوا الالعاب البحرية مثل البراشوت والغوص والبنانا والدونات والدباب البحري والسفينة الطائرة
والصيد
وعندك ايضا مغامرة التجديف في اعلى الجبل
وبالنسبة لبونشاك الاماكن فيها ايضا كثيره
عندك حديقة الزهور - حديقة شيبوداس - بحيرة الألوان
حديقة الشمس - مزارع الفراولة -تامان سفاري الرائعة وعرض الكوبوي الممتع
وزيارة البراشوت واذا مغامر تركب البراشوت من اعلى الجبل -زيارة مسجد التعاون -
وبحيرة الليدو والغداء فيها
وباندونق عندك البركان الثائر -البركان الهادئ - والشلال الكبير
ملاهي تران استديو وايضا فيها متاحف بس لم ازورها
وجاكرتا فيها
التسوق - الاسواق فيها كثيره وفيه منها اسواق فخمه كلها ماركات
وزيارة شاطئ انشول وملاهي دنيا فنتازي
وعمل رحلة لاحد الجزر القريبة من الشاطئ
وان شاءالله اكون افدتك ولو بالشيء القليل
وربي يسهل لك امرك ويتمم لك على خير
دمت بود محبكم / البرنس المسافر