السلام عليكم ورحمة الله وبركاته اولا هذي اول مشاركة لي اخوكم parasail ,ومعناه البرشوت البحري وسميت نفسي بهاذا الاسم لان لدي قارب برشوت بحري وهذه الرحلة ليست لي بل لاحد الأخوان واسمه ابو فارس اللذين قامو بتجربت هاذه المغامرة ووصورها احلى تصوير ووصفوها باحلى وصف ونقلت توثيقهم لها أخوكم ((ابوحمد)) وهو كتالى:
لم يكن يوم الجمعة الماضي يوماً اعتيادياً
فقد كنا على موعد مثير
موعد ممتع بمحتواه
القصة بدأت من قرابة اسبوعين
حينما اتصل علي اخي الاكبر ابوفيصل ودار بيني وبينه الحوار التالي
اهلين ابوفارس
هلا حبيب قلبي بوفيصل
اخبارك ؟
تمام الحمد لله
المهم وانا اخوك ابيك تزورني
قلت له ان شاء الله خير بجيلك البيت في اقرب فرصة
قال لاوانا اخوك ابيك تزورني في الهاف مون
قلت وش السالفة ؟
قال ياخي ابي اركبك البراشوت
قلت سلامات ياخوي اي برشوت انتهت الحرب مع الحوثيين
قال يالطعس جايبين براشوت من اسبانيا وابغاك تركب ونسحبك بالقارب
قلت ايه هين انتظرني بس
قال ليش
قلت ياخي الروح عزيزة وانا ابوعيال
قال والله مااخليك الا لما اشوفك في السما تحلق
قلت يصير خير
دارت الايام واخوي دائماً يلح علي بتجربة البراشوت
الى ان فكرت بالموضوع واستحسنت الفكره
اتصلت في ابوخالد ( النوخذة الشرقي ) يوم الخميس في الليل
وقلت له جهز نفسك بكره الصباح نبي نركب البراشوت
قال والله خوش فكره
خلاص انتظرك الساعة 8
انطلقنا على بركة الله صباح الجمعة
ووصلنا شاطئ نصف القمر ( هاف مون )
كانت البداية بركوب قارب اخوي ابوفيصل
واخذ فينا جولة لمدة ساعتين
وطبعاً ماقصر بحركاته النص كم
يعني أكثر من مرة بغينا ننزل في البحر من التفحيط
اليكم بداية الصور والتعليق سيأتي عليها
كانت الشمس ساطعة ولكن الاجواء لطيفة ولون البحر جميل جداً
وصل حبيب القلب ابوفيصل
التقاء العدسات
حوار بين النوخذة الشرقي والنوخذة بوفيصل
ابوفيصل يسأل ابوخالد تتوقع ابوفارس شجاع فعلاً ويركب البراشوت ولا خرطي
وانا اقول ايه هين .. الجواب ماترون لاماتسمعون
بعد الصلاة رجعنا وشفنا قارب البارشوت معاه زباين قبلنا
للمعلومية يوجد القارب بمنتجع شاطى النخيل والقارب مستورد من اسبانيا وفيه 8 مظلات
وسعر الشخص 250 ريال لمدة ربع ساعة تقريباً
والقارب مايطلع بأقل من 4 اشخاص لكن الرجال نعرفه وطلعونا الثلاثة
اترككم مع صور للمجموعة الي قبلنا
وكان تحليقهم منخفض