بالوقت الحالي كل شي غالي يعني الهاي سيزون

ماكان العشم .. 32 مشاهدة .. وردين فقط ؟؟
عموماً شكراً جزيلاً للي شاركوني ..
الاخ https://artravelers.com فكرت بالصين .. لكن لما اصير تاجرة محترفة .. كبداية اقول تايلند احسن ولا شرايك ؟؟
والاخ https://artravelers.com يعني الهاي سيزون يمكن يفرق بالفنادق والمطاعم لكن البضاعه بتكون من اسواق الجملة اتوقع اسعارها ماتتأثر ولا انا غلطانة ؟؟
تحملوني عندي تساؤلات كثيرة وفيكم البركة ..

من وجهة نظر الصين افضل
لان بداء الملاحظه على استقلال العرب في بانكوك
تحياتي

فكره ناجحه وانا اضمن لك الربح ميه بالميه وبضاعتهم زينه خاصة الأسواق الي في بانكوك من تجربة واحد من الربع ولو انها بسيطة
بس المشكله البضاعه هذي كلها يسمحون لك بتدخيلها كلها او في ضرائب هذا اهم شي تسأل عنه وموفق ان شاء الله

العزيز https://artravelers.com مافهمت الجزء الثاني من ردك ..
ولو سمحت لو تبين لي لماذا الافضلية هي للصين .. اتمنى من كل الاعضاء ان يوضح لي لماذا الافضلية للصين ..
العزيز ابو العلمين اشكر لك تشجيعك لي .. ولو توضح لي صديقك تاجر باي نوع من السلع وهل كان يملك محل او لا ..
من ناحية دخول البضاعه .. دبرت امرها مبدئياً لاتقلق

نفس الي تبي تشتري ساعات وشنط واتوقع اخذ نعال نسائيه عزكم الله
ماعنده لا محل ولا شي خواته تكفلوا ببيع الساعات والشنط لأنه كلها نسائيه اذا اهلك بيساعدونك ببيع البضاعه توكل على الله اما اذا ماعندك احد يساعدك لاتتوهق وتطيح بجبدك البضاعه

الجزء الثاني اخوي
هو ان اذا شافوو الخليجي ارفعو عليه الاسعار و بداء شغل النصب فا اذا تعرف احد و تثق فيه جدا يكون معاك دائم في شراء البضاعه يكون كلام حلوو اما لحالك تتعب شوي
بالنصبه للصين انا اشوف ناس يجيبون بضائع و يمدحون الشغل من الصين و سهولة توفر كل مايحتاجونه و سهولة الشحن

السلام عليكم
اذا البضاعه تقليد اهنيك الكميه هذي ما تدش
والكميه هذي كبير حيل الف ساعه وميتين جنطه صعب تصريفها والتأخير فيها ينزل في سعرها
انا اقول انت توك بادي خلك على قدك 50 جنطه
وساعات لا تاخذ
عندك المنتجات التايلنديه
في منتج شريته ومشى وياي وبرجع اخذ منه
بخاخ للشعر ومكياجات من شركه تايلنديه موجوده هناك
السعر يفرق على حسب الكوالتي
يعني في تايلند تلقى الكوري وتلقى الصيني
وعلى كلام الاخ سألنا لقينا الهاي الكوالتي في الصين من 20 الى 30 دينار كويتي
وتايلند يبدى التقليد من 2 الى 40 دينار
انا اقول اذا انت تاجر جنطه خلك على تايلند الصين تذكرتها على القطريه 360 دينار
والوزن والشحن مناك الى الكويت راح يكلف عليك والسكن والشرب هم بعد راح يكلف عليك والفيزا
اما تايلند على الاتحاد 165دينار
احسبها عدل اهم يشترون من كوريا والصين بسعر رخيص واذا كسرت فيه تاخذها نفس سعر الصين
اما تبي تاخذ كميه كبيره مثل هذي فهذي فيها مخاطره
اول شي
الجمارك
وثاني شي
التصريف
وثالث شي
الموديل
يروح بسرعه
يعني الهبه شانيل قلبوا فجأه على قوتشي وفجأه يقلبون على برادا
ورابع شي
كثرة اللي يبيعون
النت مواقع كثيره
والاسواق
مغاتير
مجمع مناور
سوق السالميه
حوش السالميه
سوق الجمعه
المزادات
يعني انا اقول
لا تستعجل على نفسك علشان لا يصيدونك
خلك طقه طقه لين تعرف القمنده بعدين طق طقتك ونام