م عندك فندق السوفتيل والمريديان يكون على يمينه وفندق المراتيم يبعد عنهم دقيقة مشي ، هذول كلهم جنب بعض ، وقريب منهم محطة القطار ، وشارع المشاة تروح له مشي تاخذ تقريبا لو على راحتك مشي 10 دقايق .
والحلوو انك تبتدي شارع المشاة من بدايته عند النافوورة .
الأسواق قريبه من هالفنادق ولاتفوت متعة التسوق في ميونخ ..
وعندك بعد قريب من هالفنادق ، وانت طالع من البوابة الزجاجية لفندق المريديان روح يميين وكمل سيدة لحد مايجيك محل الc&a بعده على طول بتلقى مطعم هندي وعلي لافتة المحل راسمين علم الهند .
جرب الأكل عنده خاصة الماسالا والتكا والتندوري يمي يمي

المرديان حلو ..
قريب من المحطه الرئيسيه ومثل ماقالت اختي روح المسك

كذلك عندك ميركور ستى سنتر او ميركور الاستاد او انا بين متجرين كاف هوف و هيرتى....
وضعت رابط فنادق من ميونخ كلها قريبه جدا من المارين

المريديان روعه سكنا فيه من اربع سنين
معاملتهم كانت واايد زينه
الغرف مقاسها زين
والفندق نظيف واكلهم بعد حلو
واهم شي موقعه قريب على المارين
اما السوفيتيل صراحه ما انصحك انك تسكن فيه
نحن سكنا فيه هاي السنه لانه ما كان في حجز في المريديان
اول شي في موضفين معاملتهم مب اوكي..
بس مب كلهم(الحق ينقال).
ثاني شي الغرف وايد ضيقه..وعزك الله الحمامات مكشوفه
وثالث شي الاكل مب شي نحن جربنا بس الريوق اول يوم وصلنا
الله لا يراويك.من هذاك اليوم دوم نتريق من برع
ناخذلنا خبز من المحطه.
واكثر شي قهرني في هذا الفندق النظافه.
ما ينظفون الغرفه عدل...نحن نرد انظفها عقب ما يطلعون.ههه
سامحني طولت عليك
بس صراحه قطعت وعد على نفس اني اقول حق اخواني العرب
والمسلمين عن هذا الفندق انه ما ينفع.
واتمنى اكون ساعدتك.