ريتاج الريان وايد حلو ويديد
3 ايام كافيه انا اشوف ان قسمتيها عدل

ماعندي فكره عن هالفندقين
بس ان شاء الله هالثلاثة أيام بيكونون كفايه
انا باعطيج الأماكن اللي لازم تزورينها وانتي عاد رتبيها وحطيها في الجدول على كيفج
عندج مجمع السيتي سنتر ومجمع فيلاجيو ومجمع اللاند مارك والمول وغيرها من المجمعات
وبعد عندج الكورنيش حلو لازم تمرين عليه حتى لو بالسياره
ولاتنسين سوق واقف اللي يعتبر معلم من معالم قطر
وعندج المتحف الاسلامي لو تحبين المتاحف
ولاتنسين تروحين اللؤلؤه اللي عباره عن جزيرة صناعيه فيها شقق وفلل وسوق ومطاعم وللحين مااكتملت باقي اشياء وايد ماسووها

الكل يمدح هالفندق ويمدح موقعه
سفرة موفقة إن شاء الله
بس متى بيكون وقت الوصول و وقت العودة
عشان نساعدج بجدول حلو تغطين فيه مناطق قطر

حياك الله في بلادك قطر
الفندجقين الي احترت بينهم ممتازين جدا بس فندق رتاج الريان الي استقريت عليه منطقته ممتازه جدا
ومن احلى مناطق قطر وعلى البحر وفي منقطة الكورنيش وقريب منه جدا مجمع السيتي سنتر وختيار موفق أن شاء الله
وبخصوص الاماكن الحلوه هاذا المجموعة من التقارير راح تفيدك أن شاء الله في تنضيم رحلتك
https://artravelers.com/p/re/283370
واي خدمه احنا حاضريلك الغالي

miss doha
مشكوره عزيزتي ريحتيني بكثير عن الفندق

النوريq
يعطيك العافيه يالنوري
غريبه يعني ماعمرك سمعتي عن هالفندقين اكثر الاعضاء مدحووه لي

روح المسك
ان شاء الله بيكون من خامس عيد ولمده ثلاث ايام

qatar3333
تسلم يالغالي على التقرير فادني كثيرر
عندي سؤال لا هنت بخصوص محلات الصرافه (اصرف من ديرتي ولا متوفرين بكثره بقطر )؟

msa11
لانه هالفنادق توها يديده
انا أعرف فنادقنا القديمة المعروفة مثل الريتز أو الشيراتون والفورسيزون
بس رتاج سمعت عنه من قبل لاني أخبر العفاسي سكن فيه لما زارنا في قطر
يقولون لانه الفندق مافيه خمر
بس ماأتذكر إني دخلته علشان جذي ماقدرت أفيدج بخصوصه
على العموم رحلة موفقه
وإن شاء الله إذا رجعتي تقولين لنا شسويتي