- اولا الذهاب في 1 يوليو 2011 والعوده 16 يوليو 2011
السلام عليكم ورحمة الله وبركاتهفي البدايه اقدم الشكر الجزيل للقائمين على هذا الموقع من مشرفين واعضاء والله انكم ماقصرتوا في خدمة اخوانكم جعل الله ماتقدمونه في موازين حسناتكم
ثانيا انا قررت السفر لبلد الاحلام ماليزيا لقضاء شهر العسل في احضان هذه العروس الجميله
اولا الذهاب في 1 يوليو 2011 والعوده 16 يوليو 2011
في البدايه قلت بحجز عن طريق موقع الخطوط السعوديه بنفسي لكن تفاجأت ان الاسعار نار والله كانت اجمالي التذاكر ذهاب وعوده مع الضرائب 6500 ريال لكن نصحني احد الاخوه بالحجز عن طريق مكتب سياحي وفعلا كلمت وكالة ########## وقلت لهم يحجزون لي وبعد يومين كلمني الموظف وقالي لقيت للك حجوزات اجمالي مبلغها 5000 ريال مع الضرائب جده كوالا الذهاب والعوده كوالا الرياض -الرياض جدهفرق 1500 ريال
المهم بعد تفكير عميق في ترتيب الجدول قررت الاتي
يومين سيلالنجور -فندق صن واي لاقون-غرفه اكزفيت هني مون
اربع ايام بيننانق-فندق شانجرلا قولدن ساندس-غرفه اكزكتيف مطله على البحر
ست ايام كوالالمبور-فندق تريدرز-غرفه كلوب على البرجين
يومين بورت ديكسون-منتجع ليجند هومز-اكزاكتيف فيلا
طبعا بعد الاستفسار عن قيمت هذا الجدول شامل للفنادق المذكوره مع تكاليف الرحلات الداخليه قالي الموضف يكلف 15 الف ريال قلت مو مشكله مع العلم اني لسى مادفعت
لكن ناوي ادفع لاني بكون في شهر عسل ولازم الواحد ينبسط
عندي 3 استفسارات اللي هي:1- وش رايكم بالجدول وتقسيمه مع العلم اني وزعت الايام كذا لاني مااحب التنقلات الكثيره وباقي الجزر بزوره في رحله ثانيه ووش رايكم بالفنادق والغرف
2-من ###################### وهل هي موثوقه
3- هل 10 الاف ريال بتكفيني مصاريف اكل وشرب وتنزه وتسويق خلال هذه المدهكثرة الاسئله لكن معليه تحملوني واتمنى تفاعلكم
ولكم جزيل الشكر
بالبركه إن شاء الله
للمعلوميه ممنوع ذكر اسماء المكاتب السياحيه والإكتفاء بمواقع النت المشهوره والموثوقه
بلانسبه للتقسيم والفنادق كلها 100% وممتازه جدا ومستوي الغرف جدا ممتاز
ولكن بما انه شهر عسل لو تزور لنكاوي مابنها وبين بينانق إلا نص ساعه طيران ودامك قطعت
كل هالمسافات فالأفضل تزورها
عموما جدولك وكل شي ممتاز بس لو حبيت تزود لنكاوي وتعدل إلي
ليلتين سيلانقور -- ثلاث لنكاوي -- ثلاث بينانق -- 4 ليال كوالالمبور -- ليلتين بورت ديكسون مع اني اشوف ليله تكفيها
وبالنسبه للسعر ال 15000 ريال إذا شامل التذاكر الدوليه بيكون معقول ومقبول اما فقط فنادق وتذاكر داخليه
فالسعر مبالغ فيه جدا جدا جدا جدا والمفروض حدود من 9000 الي 10000 ريال وإن طار وصل 11000 ريال
وبالنسبه للمصاريف ال 10000 ريال بتكفيك وزياده انت حاول تحسب صرفية اليوم حدود 500 رنقت ممكن تصرف اقل منها
بس انت اصرف 5000 ريال وخل الباقي احتياط في بطاقة صراف او فيزا