رحلة موفقة
وجدول ممتاز
لاينقصك الا تطبيقه
ابومعن

الجدول ممتاز توكل على الله ولا تشيل هم
رحله موفقه وترجع بصحه وعافيه يارب

انسان ولهان يعطيك العافيه
اخوي ابو فارس الفضل بالاول والاخير لله ثم جهودك الجباره معاي تسلم ثم تسلم ثم تسلم ويعطيك مليون الف عافيه علي مساعداتك اللي قدمته لي
بس مارديتو علي بالنسبه لانسبروك ؟؟ وبرضو وش رايكم ازيد حاجه في ميونخ او تكفي الشوارع هذي ؟؟

طيب اخواني
هل ترتيب الاماكن السياحيه كويس ؟؟ يعني بالترتيب عشان مااروح لمكان ومن بكره اروح لمكان ثاني الاقيه قريب للاول ...
اخيرا شاكر لكم وربي اني ادعي لكم في ساعه هالاستجابه الله لايحرمكم يارب الاجر

1. هنا اذا خلصتوا ممكن تروحون تشترون تذاكر القطار من محطة فيينا

فيينا :
لازم يتم شراء تذاكر القطار من فيينا الى سالزبورغ في اليوم الثاني بالكثير علشان يوم الرحله ماتشيلون هم شراء التذاكر
اليوم الاول يوم الوصول / التعرف على منطقة الفندق والتجول في ساحة ستيفانز الشهيرة
وفي المساء ممكن الذهاب الى ملاهي براتر بالمترو على المسار الاحمر وتتمشون فيها
أو ( بدال الملاهي تروحون الى حديقة وبرج الدانوب كله واحد اللي يناسبكم )
اليوم الثاني / ممكن تزورون قصر الشونبرون ( يأخذ وقت طويل لأن مساحته كبيره ) والقصر موجود على مسار المترو اللي باللون الاخضر , واذا خلصتوا من القصر تركبون المترو الى حديقة شتاد بارك ايضا موجوده على المسار الاخضر للمترو

هنا اذا خلصتوا ممكن تروحون تشترون تذاكر القطار من محطة فيينا

اليوم الثالث ( يوم المغادره ) / يفضل اذا حجزتوا رحلة القطار من فيينا الى سالزبورغ انه يكون وقتها تقريبا 10 صباحا , لان مدة الرحله ساعتين و 40 دقيقه تقريبا وبعد لازم تحسبون حساب لموعد استلام السياره من القريه الالمانيه القريبه من سالزبورغ
سالزبورغ :
اليوم الأول ( يوم الوصول ) / الذهاب للفندق والراحه قليلا وبعدها تأخذون تاكسي الى القريه الالمانيه وتستلمون السياره منها
وترجعون للفندق توقفون السياره عنده او توقفونها في مواقف حديقة الميرابيل
, وتنزلون تتمشون مشي في حديقة الميرابيل , ونهر السالزاك وممكن تركوبون السفينه السياحيه في النهر , وتمشون الى سالزبورغ القديمه والقلعه
اليوم الثاني / الذهاب بالسياره الى القرى الجميله وولف قانق , وبعدها سانكت جيلجن , وبعدها فوشل آم سي
( الجوله تأخذ وقت كبير اذا ركبتوا القطار البخاري في وولف قانق , وركبتوا التلفريك في سانكت جيلجن )
ممكن اذا فيه وقت تروحون للاوت لت القريب من سالزبورغ
اليوم الثالث ( يوم المغادره ) / جوله بسيطه في سالزبورغ والانطلاق الى كابرون
كابرون:
اليوم الاول يوم الوصول / التعرف على المنطقه المحيطة بالفندق , والتجول حول بحيرة زيلامسي وركوب القوارب الصغيره , والاستمتاع بالكوفي شوب التابع لفندق القراند اللي على البحيرة
اليوم الثاني / الصعود الى قمة كابرون الثلجية اذا كان الجو مشمس , وبعدها جولة في سنتر بلدة كابرون عند المقاهي والمحلات وممكن تروح للزحليقه الصيفيه الموجوده في بلدة كابرون
اليوم الثالث / زيارة شلالات كريمل , وبعدها جلسه عند بحيرة زيلامسي
اليوم الرابع / ممكن تزورون شلال زغموند ثون والخوانق الخشبيه القريب من كابرون , وبعده تطلعون لبحيرات التجمع الاصطناعية في كابرون
اليوم الخامس / ممكن زيارة قرية سالفيدين وفيها الزحليقه الصيفيه , وبعده تروحون الى قرية باد قاستين وقرية باد هوف قاستين
اليوم السادس ( يوم المغادرة ) / جوله بسيطه في سنتر زيلامسي وشراء بعض التذكارات من المحلات في السنتر
والانطلاق الى ايروالد وفي الطريق من زيلامسي الى ايروالد ممكن وضع احداثية مصنع سواروفسكي القريب من انسبروك وتمرون عليه لأنها على نفس الطريق واذا خلصتوا منها تضعون احداثية قرية ايروالد

قارمش :
اليوم الاول ( يوم الوصول ) / جوله حول الفندق والتعرف على المنطقه وجوله في سنتر قارمش
اليوم الثاني / الصعود الى قمة zugspitze وتبعد 25 كلم عن سنتر قارمش وبعد النزول منها الجلوس على البحيرة وركوب القوارب الصغيره
اليوم الثالث ( يوم المغادرة ) / جوله في سنتر قارمش وومكن زيارة الخوانق المائيه وتبعد تقريبا 6 كلم عن سنتر قارمش
وبعدها السفر الى ميونيخ
اسمها بالانجليزي Garmisch Partenkirchen ونختصرها بقارمش
احداثية سنتر قرية قارمش
n 47 29.541
e 011 05.174
احداثية مواقف قريبه من بحيرة ابسي الجميله تبعد عن قارمش من 15 الى 20 دقيقه
n 47 27.422
e 010 59.492
احداثية مواقف قمة zugspitze القريبة من قارمش وتبعد تقريبا 25 كلم , وسعر الصعود بالتلفريك 65 يورو تقريبا
n 47 25.575
e 010 56.468
احداثية الخوانق المائية partnachklamm قريبه من قارمش
n 47 28.246
e 011 07.090
ميونيخ :
اليوم الاول ( يوم الوصول ) / التعرف على المنطقة المحيطة بالفندق وبعدها تركب المترو وتروح
الى ساحة المارين وساحة الكارل وتتمشى فيهم , ويربط بينهم شارع مشاة ماتدخله سيارات
اليوم الثاني / الذهاب في الصباح الى حديقة الاولمبياد ومتحف bmw
واول العصر ممكن تروح الحديقة الانجليزية
اليوم الثالث ( يوم المغادرة ) / ممكن الصباح تزور شارع الماركات ( شارع المكسيميليان ) وبعدها تطلع للمطار
تحياتي لك والله يوفقك ويرزقك رحله سعيده وممتعه