amona bh
22-06-2022 - 08:46 am
مرحباً إخواني و أخواتي
حبيت تقولون لي رايكم في مخططي للسفر طبعا الرحلة لشخصين أنا و زوجي (رحلة شهر عسل متأخر )
إحنا من البحرين
حجزها تذاكر الطيران بحرين ميونخ بحرين و عندنا 11 يوم و نص
و المخطط هو كالاتي:
ميونخ نزول فقط و استاجار السيارة من سيكست ( بحجز من موقعهم او استأجر دايركت من هناك احسن؟)
من ميونخ بنروح على زيلامسي (زوجي حاب يزورها ولو أني خبرته انها شوي مخربة المخطط) و بنقعد فيها يومين
و منها على قارمش ليوم واحد
و بعدين بنطلع على fishbach او فشباخ زيارة سريعة جداً و لنركب العبارة و نعبر البحيرة لكونستانز و نزور السيلايف و منها راسا بنطلع على انترلاكن و بنقضي فيها 3 ايام ان شاء الله
و بعدها من انترلاكن على روشت لمدة 3 ايام ( نزور اليوروب بارك و ستراسبورق و و فريبورق)
و بعدها على ميونخ يومين و نسلم السيارة و نرجع البحرين ان شاء الله
طبعا أنا مب منقبة فما اعتقد في إشكالية دخولي فرنسا
و الفيزا بنطلعها من السفارة الالمانية و تكلف في حدود 32 دينار لكل شخص او 320 ريال
الفنادق للحين ما حجزناها ( وهذا سبب وأخيرها في الفيزا ) لكن ما بغيت أحجز الفنادق قبل ما أخذ رايكم في المخطط و بعدين اقدر اسوي كحومات فنادق
مشكورين يا جماعة مقدما
المخطط فيه كثير تنقلات هذا اولا
عندي استفسارات
اولا متى السفر ؟؟ الساعه كم وصولكم مطار ميونخ
وبعدين المدينه الي ذكرتيها فشباخ اتعرفين وين صايره بالظبط او لا . لان في اكثر من مدينه بالمانيا تحمل هذا الاسم بعضها بعيد عن كونستانتز
عموما لو كان تبون تمشون على نفس المخطط
يكون زيلامسي ثم غارمش ثم انترلاكن ثم روشت ثم ميونخ مع الغاء الباقي