الفندق بعيد عن السنتر صحيح..
ولكنه جدا جدا جدا جميل..
خصوصاً إن كانت الغرفة مطلة على النهر..
لن تندم على السكن في ذلك المكان الجميل

يعني أتوكل على الله وأحجز وإلا أروح للسنتر

شنو الفندق الي ببالك بالسنتر..
فندق هليتون الدانوب جيد جدا .. لكن البعد هو المشكله
تحياتي

أخوي علي هل البعد بيشكل عائق لي خصوصا إني بجلس ثلاث ليالي بس وبعدها على المطار
وبالنسبة لي مافيه فندق حاطه ببالي بالسنتر

رأيي يشكل خصوصا من فترتهم قليله
شوفي الماريوت ورديسون بلو ساس 5 نجوم
واذا 4 نجوم بلغوني

أبي فندق متميز بخدماته وسعره مايتعدى 900 ريال شامل للإفطار
مايهمني شهرة الفندق قد مايهمني فخامته وقربه لمحطة القطار

الي كتبتهم تقريبا بنفس السعر
وشوف ايضا هليتون شتاد بارك 5 نجوم .. ودي فرانس 5 نجوم
ادخل تواريخك وشوف الاسعار وقولي اختيارتك وانا حاضر
تحياتي

سكنت في هذا الفندق عام 2006 ومن اهم مميزاته :
1 - غرفه واسعة جدا ( اعتقد انها اوسع غرف في النمسا )
2 - الفندق مكيف وفخم من ناحية اللوبي والجلسة على النهر والمسبح .
3 - يقدم عددا من القنوات العربية مثل دبي والجزيرة وغيرها .
4 - بوفيه الافطار رائع ومنوع .
5 - طاقم الفندق متعاون
ومن عيوبه :
1 - البعد عن السنتر وعن محطات وسائل النقل العام ( المترو لايصله واقرب محطة ترام اليه تبعد حوالي 300 متر )
2 - لايوجد حوله مطاعم او كافيهات ما عدا سوبرماركت صغير
اقمت فيه 3 ليال والحقيقة كانت ممتعة بسبب الجلس في العصر على النهر ووجود سيارة معي
ارجو أن اكون قد افدتك

أخوي علي شفت أسعار الهيلتون شتاد والفنادق حوله لكن أسعارها مرتفعة
وهذا الفندق داخل مزاجي وبقوة لكن خايف من البعد بس
وما يهمني لو تنقلت بالترام إلا إذا كان فيها إشكالية تشوفونها
كم يبعد هو تقريبا عن السنتر؟
أخوي عبد الإله يعطيك العافية على المعلومة