السلام عليكم جميعا
اعزائي انا مواطن صالح ماعلي من احد ولا احد عليه مني )
انا قررت اخذ عمره مع الوالدة (( الله يحفضها لي ولايحرمني برهآ ))
المهم يااخوان الحمدلله انا كل شي تمام عندي التذاكر والطيران وكل شي ..
ماعدا شيء واحد لحس ابو مخ مخي ...!!
السكن
مرره اقول دار لغفران واحصل ابو المدح هنآآ ثم شوي يقلبوون الناس عليه ويسبوونه
ثم الرافلز وخلاص اجزم الا سالفة المصاعد ذي مااش احسها تعب على الوالدة
وشوي الهليتون بس مااش احس انه قديم ...
المهم اني خلااص ماعاد ادري وين اروح
قلت يااولد مالك الا ابراج الميرديان >>> وحجزت فيها
بس مااش بعيده والوالده بتتعب مع ذا الباصات وصراحه ودي اكون قريب من الحرم ...!!المهم انا معي زوجتي وامي
وصراحه ابغى غرفه وصالة جنب الحرم وتصير سعرها معقول لاني برضوا راح اضيف سرير لأمي يعني ابقلب الصاله غرفه نوم ....
بس ماحصلت شي
دار الغفران زين بس مشكلته اول شيء الصاله مفتوحه على غرفة النوم وهذا عيبها
وابراج البيت مادري احس انها تعب الوصول لها ؟؟ ولا وش رايكم ...؟؟
والهيلتون من التقارير احس انه متهالك ...؟؟
والتوحيد >> كم كهرب الفنادق لاني ناوي اهرب معي وحده بالطيارة مع الغلايه ...
والله مالها داعي بس وش اسوي مااقدر اترك قهوة امي الله يحفظها لي ...تكفوون يالربع افيدوني والله ابخليها تدعي لكم