هذه الروابط ان شاء الله بتفيدكم ,,
https://artravelers.com/p/re/347569
اتمنى لكم الشفاء العاجل ,,

مساء الخير فيه اماكن اللي يسكنها الزنوج دايم مشاكل والخروج في الليل اتوقع انه مشكلة
موفقة يالغالية

شيكاغو معروفه أنه ليست من أكثر المدن أماناً في أمريكا .. لكن ان شاء الله ما يأثر عليكم هالموضوع اذا اتخذتم احتياطاتكم ..
و شيكاغو فيها كثير عرب و مطاعم عربية .. أنا ما رحلت لها إلى الآن لكن أفكر جدياً أروح لها زيارة و منها إلى شلالات نياجرا في الشمال ..
و حلو في شيكاغو أنها مطلة على بحيرة كبيرة اسمها بحيرة ميشيغان .. هذي البحيرة كأنها بحر من ضخامتها .. و فيها حديقة يمدحونها اسمها ميلينيوم بارك ..
و بالتوفيق

لاتحاتين وان شاء الله موفقة برحلتك وعلاجكم وتردون سالمين وغانمين...حبيت أفيدك ان بنت خالتي راحت لها علاج بالصيف وتقول ياكثر العرب وفيها ناس من الخليج جايين للعلاج "عسى الله يشافي كل مريض ويرده لاهله متعافي"
تقبلي مروري....بنت الكويت@

اختي قطرية لاتخافين هالبلاد انا درست فيها سنه ونص واعرفها زين مازين .. البلاد امان وزينه دام انتو مبتعدين عن جنوب المدينه يعني من مطار شيكاغو مرور بالجنوب هذي هي الغير امنه وانتو اصلا منتو محتاجين لها لان كل مرافق المدينه وفنادقها واسواقها والجامعه والمستشفى صايرين في الداون تاون ومنها في الشمال وصدقيني راح تحبين المدينه وتعجبين بها خصوصا الان الجو بدأ يتعدل شوي وعلى فكره ترا احلى داون تاون هو داون تاون شيكاغو والديره حلوه بكل ماتحمله الكلمه من معنى عيبها الوحيد هو جوها في الشتاء بارد وهواها يكسر العظام ولا الباقي كلها تمام التمام والله يشافي مريضكم

placeplace
ميمي سيكو
راحة واستجمام
Stranger Man
مشكورين على الردود الله يطمنكم
صحيح انا متخوفه من شيكاغو من ناحيه الامان بس اتمنى اعرف الاوقات اللي نتجنب الطلعه فيها والامكان
وماعليكم امر بغيت اعرف الاسعار هناك شلون غاليه والا عاديه من ناحيه المطاعم المجمعات المواصلات
وكم اودي معاي مبلغ كاش
اعذروني اذا طولت عليكم

ولاعليج امر عطينا اسم المستشفى ويفضل العنوان تفادياً لتشابه الاسماء عشان نشوف السكن القريب الامن ..
بالنسبه للمطاعم مافيها مشكله مب غاليه .. حددي الموقع وان شاء الله نفيدج

بشكل عام في أمريكا أغلب المحلات تقفل على الساعة 7 أو 8 .. و يمكن 9 في أوقات الويك اند .. يعني ما بتحتاجون تطلعون في وقت متأخر من الليل .. فلا تحاتين على الأوقات المناسبة .. و لا تشيلين هم الأمان .. صدقيني عادي ..
و المبلغ اللي تشيلينه .. نصيحة لا تشيلين كاش وايد .. 2000 دولار يكفي.. لأن ممكن يسألونج في المطار اذا شالة مبلغ كبير .. و بعدين هناك الأفضل تستخدمين بطاقة فيزا أو ماستر كارد..