راعية_بانكوك
06-08-2022 - 06:52 am
مرحبا ملايين ما سدن ..
ارجو من الاخوان مساعدتي ..
انا ان شاء الله الاسبوع الياي ناوية ارووح التشيك بس اللي اباه منكم :- علما اني رايحه سياحه مش علاج ... وبروحها 10 ايام ..
1- احسن منطقة انزل فيها ؟
2- فندق نظيف وجريب من كل شي ؟
3- على اي طيران اروح ؟
4- الاسواق عندهم ؟
5- كيف اذا بروح مثلا بلجيكا ...؟ كيف اسوي الفيزا
6- كم ساعه من التشيك الى بلجيكا ؟
7- كيف الصرف عندهم ؟ يعني 1000 درهم ؟
8- وين الاماكن اللي اقدر اروحها غير المتاحف ؟
9- كيف الجو شهر 7 ؟
اترياكم بليز ردو علية .......
الأخت راعية بانكوك
سأحاول الرد على قدر معلوماتي
1. أحسن مناطق التشيك براغ ومدينة كارلوفي فاري للسياحة .
2. في براغ فندق الماريوت عجيب وقريب من كل شي في السنتر تقريباً .
3. الطيران التشيكي يطلع من دبي دايركت لبراغ ومدة الرحلة 6 ساعات .
4. في سنتر براغ كله محلات تجارية وأسواق وفيه مركز تجاري ويوجد به مطعم عربي والكارفور .
5. لازم تسوين فيزا لبلجيكا عن طريق السفارة البلجيكية في الإمارات .
6. لا أعلم كم المدة بين التشيك وبلجيكا للأسف .
7. الصرف ال 100 يورو ب 2800 كرونا وال 100 دولار ب 2200 كرونا تقريباً .
8. عموماً براغ جميلة جداً وكارلوفي فاري للراحة والإستجمام .
9. الجو لطيف ودرجة الحرارة تقريباً بين 17 و 25 درجة مئوية حسب معلوماتي .
مع تحياتي