نشر في باريس

راح أكون بفرنسا لكن

أنا لميــاء

11-10-2022 - 11:31 am

أهلا بالكل ..
فيكم الخير والله ،
قرأت كثير بالمنتدى، وربي استفدت منكم فائدة يمكن ما كنت راح أحصلها إلا لو رحت لباريس ورجعت للسعودية عشر مرات !
على العموم مالكم بالطويلة .. قررت أنا وزوجي نطلع لفرنسا هالإجازة لمدة شهرين (يعني تقريبا من بآخر شهر 6 ، إلى شهر سبعة وثمانية ) ..
والسبب هو إني حابة أكمل دراستي بأحد المعاهد الفرنسية ..
وقع الاختيار على معهد كافيلام في فيشي ..
وأنا اعرف انها مدينة صغننة وغير سياحية .. علشان كذا فكرت إننا ممكن نطلع كل ويك إند لباريس مثلا ..
مثل ما انتم عارفين شهرين فترة طويلة جدا على مدينة صغيرة مثل فيشي ..
وممكن أيضا لو تيسر طلعنا لمدن ثانية مثل كان ونيس وموناكو .. يعتمد على المسافة وسهولة المواصلات
لا سيما وانو معنا طفل اسم الله عمره بذاك الوقت بيكون 9 شهور بس !
أسئلتي لكم :
اللي اعرفه ان التنقل من فيشي الى باريس يشتغرق ثلاث ساعات ..
بس انا ماني عارفة نظام المواصلات بالضبط، يعني هالثلاث ساعات عن طريق القطار والا كيف ؟
وكم سعر التذكرة روحة وجية طبعا ؟
ايش المدن السياحية او الجميلة اللي اقدر ازورها خلال تواجدي في فيشي ؟
وكم يستغرقون بالعادة؟ وهل اتنقل بينهم من خلال المترو او كيف؟ وكم سعر التذكرة للبالغ روحة وجية ؟
أي نصائح ثانية تتعلق بفيشي أو الدراسة أو أي شيء في الحياة ؟ < طماعة
مشكورين .. وراح أدعي للي يفك أزمتي .

التعليقات (9)

فيصل

11-10-2022 - 03:03 pm

أبشري اختي بنحاول بس تكتبين لي الاسم المدينه بالانجليزي ولا الفرنسي

أنا لميــاء

11-10-2022 - 04:04 pm

أهلا أخوي فيصل ..
أنا تعبت وأنا أفر بالمواقع الفرنسية والإنجليزية .. وانقطعت بي السبل لأن فيشي - من سوء حظي -
ماحد يكتب عنها ولا يعطيها وجه ! رغم انو فيها عدد لا بأس به بالطلاب العرب والخليجيين المبتعثين للجامعات الفرنسية ,,
على العموم يمكن يطلع شيء معك ما طلع معي .. هذا اسم المدينة سواء بالانجليزي او الفرنسي : Vichy
و
Merci d'avance

فيصل

11-10-2022 - 05:05 pm

http://maps.google.com/maps?f=d&source=s_d&saddr=Paris,+France&daddr=Vichy,+France&hl=ar&geocode=FVt-6QIdi98jACkPt-IGH27mRzFglIxow4ILBA%3BFTnIvwIdvTg0ACnpc5lfEM32RzEwuOvLrzwJBA&mra=ls&sll=48.180739,6.328125&sspn=5.538609,18.149414&ie=UTF8&z=7
تطلع لها من محطه Gare de Lyon وهي قريبه فيشي من مدينه ليون ساعتين ونص
http://maps.google.com/maps?f=d&source=s_d&saddr=Lyon,+France&daddr=Vichy,+France&geocode=FYNaugIdGcRJACmXh-hqUer0RzHwIbvkKqsIBA%3BFTnIvwIdvTg0ACnpc5lfEM32RzEwuOvLrzwJBA&hl=ar&mra=ltm&sll=45.77952,4.135135&sspn=0.724075,2.268677&ie=UTF8&ll=45.562141,4.136353&spn=0.726886,2.268677&z=9
تعتبر من جنوب شرق فرنسا محطات القطار اللي تطلع لها

درجات الحراره
http://www.wunderground.com/global/stations/07374.html
مرتبط به للانشطه
http://www.frenchentree.com/france-auvergne/displayarticle.asp?id=23804
عساها تكفي يارب
يطلعلها القطار الاوربي تقريبا 30 يورو بس اتوقع فيه ارخص من هالمبلغ بكثير بالقطارات الفرنسيه
http://www.bonjourlafrance.com/buses_vichy_eurolines_bus_stop_53060_199.aspx.aspx
شبكه الباصات بفيشي

أنا لميــاء

11-10-2022 - 06:06 pm

شكرا .. جدا ..
ما اخفيك ضعت بالمواقع اللي عطيتني شوي ..
الرابط اللي قبل الاخير مثلا تبع شبكة الباصات .. يعني كل هالستوبز بفيشي ؟
وتودي الباصات هذي للمدن الباقية ؟
طيب جلست ادور عالاسعار مالقيتها ؟
وانا ماسبق جربت نظام البس ستوبز فودي اسأل وش فرقه عن القطار ؟ يعني يتوقف كثير والا كيف ؟
ومريح بوجود طفل لم يتعد السنة ؟
بس عالعموم ماقصرت يعني اذا لقيت وقت ترد على استفساراتي ياليت ماتبخل ...
خصوصا واني رغم معرفتي بالانجليزية لكن خبرتي بالمواقع واللوكيشنز جدا ضعيفة

أنا لميــاء

11-10-2022 - 07:07 pm

شغلة ثانية ..
ياليت أي أحد سواء الاخ فيصل او اي متخصص يخبرني عن افضل شركة فرنسية لخطوط الجوال ..
ووش الافضل اشتري خط من هناك او اظل على شريحتي او مافيه فرق كبير ؟
واين يكمن الفرق ؟
معليش كثرت أسئلة .

فيصل

11-10-2022 - 08:08 pm

هلا أختي والله ما ادري الاسعار بس الأمور مش معقده للدرجه ذي بالعكس حتي مدينتكم حلوه نبي منها تقرير مو تنسين
الباصات مريحه للأطفال ما أشوف فيها أي مشاكل كنا نطلع الباص السياحي اللي كل مره موقف والاطفال مبسوطين ومروقين
وش تصيرين علي شريحتك يا شيخه الا اذا انتي من عملاء التميز للاتصالات ولا راقي موبايلي واستقبال فقط لان المسج اعتقد يوصل الي 15 ريال فقط
لا اشتري شريحه هناك ويمدحون اورنج لانها تشتغل ببريطانيا وسويسرا مع ان ليبار كذلك تشتغل في باريس ولندن
لكن من ناحيه اقوى شبكه هي s f r وعروض اورنج كثيره ولازم من جوازك للشراء

أنا لميــاء

11-10-2022 - 09:09 pm

شكرا وربي يجزاك خير ما قصرت والله ..
وبعدين بالنسبة للتقرير .. بصراحة انا توقعت انك تساعدنا لوجه الله .. ببلاش يعني ..
لكن صدق من قال .. بفرنسا مافيه شيء مجاني

فيصل

11-10-2022 - 10:10 pm

مو ملزومه بالتقرير يا أختي بس حبيت ان غيرك لو جاء يسأل يلقى عنها معلومات تفيده فقط لا غير
ويا كلمه مكانك ردي
سوري لطلبي

أنا لميــاء

11-10-2022 - 11:11 pm

مجرد ( مزحة ) يا فيصل .. اعتقدت انها واضحة ..
ولا احد ينكر جهودك كبيرة باستفسارات الاعضاء وهو شيء تشكر عليه
وبالنسبة للتقرير فللأعضاء حق علينا مثل مافادونا نفيدهم..
شكرا مرة ثانية.

باريس المسافرون العرب

راح أكون بفرنسا لكن