شهد الشهد
26-04-2022 - 03:32 pm
هذا أول يوم لي في العرب المسافرون.. ومو مصدقة نفسي إني أقدر أحصل من هالمكان على كل الأسئلة اللي شاغلتني
م
بعون الله بعد العيد راح أنزل أبوظبي وأقيم فيها لفترة،، يعني مطلوب مني أأثث بيت بسرعة هناك لفترة مؤقتة
عشان جذي أحتاج أعرف...
أسماء محلات بيع الأثاث بأسعار معقولة
أسماء محلات بيع الأواني المنزلية...وإذا في فرع لمحلات رامز هناك ..دلوني عليه
أسماء محلات التسوق( السوبرماركت)
أبي أعرف أماكن التسوق (اللقطه) على قولة المصريين، لأني مابي أهدر فلوس على الفاضي
وتقبلوا شكري مقدماً.
المهم شي محلات اثاث وايد في ابوظبي منها ( حول الامارات و هوم سنتر و ايكيا ) بس انا افضل المحلات في الشارجه و عجمان .. يعني احنا شفنا اثاث في حول الامارات في ابوظبي ..ونفسه في فرع الشارجه ارخص عنه ..لاتنسين انه في العاصمه الاسعار اغلى
وعن المواعين عندج ( ايكا )
ورامز ما سمعت عنه في ابوظبي
والسوبرماركت شي وايد عندج سوبرمارت فاطمة و الامارات
والتسوق عندج ابوظبي مول ومارينا مول و الخالديه مول و المهيري مول و الوحده و الراحه .. وسوق مدينه زايد
ان شاء الله تكونين استفدي ولو شي بسيط ..وحياج في بلدج الثاني