هلابك يالغالي ,...
بصراحة توزيع الأيام رائع ... والفنادق حلوة ومميزة ...
لكن بصراحة فندق ( الهاردروك بينانغ ) ... مزعج وأنصحك بتغييره ..
بصراحة ( الهاردروك ) مايناسب المحافظين ... ستايله غربي للأسف ...

وافي بزمن جافي
لك من اسمك نصيب .... جزاك الله خير بجد وافي
طيب وش تنصحني بدل الهارد روك؟؟

حبيب قلبي والله ... تسلم ياغلاهم
أرشح لك فندق ( الهوليدي إن )

وافي ... جزاك الله خير .. وكثر الله من أمثالك
جاري البحث عن الفندق

تأمر ياكل الغلا ...
وتفضل هذا رابط ( الهوليدي إن ) من موقع ( بوكينق ) ...
https://www.booking.com/hotel/my/holiday-inn-resort-penang.ar.html?aid=1300939

يا سلام عليك يا أخي وافي .. كل يوم يزداد حبي وإحترامي لك .. أدامك الله دليلاً وناصحاً وأخاً عزيزاً ..
إذا ميزانيتك تسمح يا حبذا تسكن في كوالا في تردرز(ديلوكس مطله عالبرجين) أو رويال شولان بما أنك في شهر العسل

دام العمدة وافي تكلم فهو كافي
ولكن من خلال تجربة واذا تبي شهر عسل صح
انا جربت البراميد في سيلانجور اختيار رائع
وفي لنكاوي لايطوفك دانا لنكاوي خيال ونظيف وحق شهر عسل بجد
بينانج سكنت في الباي فيو .. كان عادي يمكن هناك افضل منه
وفي كوالالمبور انا سكنت الباسفك ريجنسي وكان عادي ولايصلح لشهر العسل

في ردي السابق .. عطيتك من واقع تجربه ولا اقدر افتيك بدون تجربة
وملاحظة في بينانج الناس تركز على منطقة الباتو فرينجي وهو شاطيء يوجد فيه العديد من الفنادق المميزة وسوق الليل ( زي الاسواق الشعبية عندنا ) والمطاعم العربية
طبعاً الفنادق اللي يمر بها شارع السوق الليلي هي الشانقرلا والقولدن ساندس والهوليدي ان والبارك رويل ، الهارد روك والباي فيو بنفس الشارع بس بعيدة عن السوق الليلي
وفي الهوليدي ان دام ذكره اخونا وافي .. ترى فيه مبنيين واحد برج وهو بالخلف والثاني مبنى عادي وهو على الشاطئ .. الافضل كاطلالة طبعاً اللي على الشاطئ ولكن كنظافة لم اجرب ذلك

بسم الله الرحمن الرحيم
حبيبي شف وناخوك انا سكنت في ثلاث فنادق في بيننق الصراحة كلهن رهيبة بس انت تقول شهر عسل فأنا بعطيك الثلاثة وملاحظاتها وانت تقرر
1_ شنقريللا قولدن ساندز: الفندق رايق محترم فيه فخامة البوفيه حقهم حليو فيه الغرف والاثاث فخم شغل نظيف يقع على شارع النايت ماركت قباله مقهى عربي على مااذكر.
2_ لون باين هذا زين غرفة ارخص من الشنقريلا والهارد روك وحلو مرة بس فيه عيب كبير (النمل واجد لا ويجيك ذاك النمل الابيض اللي يالله تشوف)
3_الهارد روك الصراحة هذا اللي استانست فيه تحس فيه حياة ناس رايحة وناس جاية والاجانب يحيونه لانه فيه كلش تبي الفخامة تلقى تبي المطاعم تلقى (فيه مطعم ايطالي رهيب) وتبي ساعة الصدر تلقى يعني بالعربي توب ون. ايضا باضيف شي اذا تبغى بعد تسمع موسيقى وقيتار وبيانو تراهم يبدون عقب المغرب ناس رايقة وتسمع