في البداية هناك اسأله مهمه
حددي نقطه الوصول ونقطه المغادره
اذا هذا الي تقصدونه
خلو البدايه ميونخ - زيلامسي - زيورخ - ميونخ وهذا افضل لكم
ابعد مسافه هي مابين زيلامسي الى زيورخ 5 ساعات ونص تقريبا
انترلاكن شبيهه لزيلامسي
فا خلكم بزيلامسي افضل
بالتوفيق

مرحبا..شكرا على سرعة الرد
خلاص قصينا التذاكر الوصول فيينا والمغادره ميونخ
رايك نخليها زيورخ اقرب لزيلامسي مع انه بناخذ سياره وراح نتقل بها ان شاء الله على راحتنا
هذي اول سفره لنا لاوروبا ودنا نمر على كذا مكان بس بدون تعب كثير

من زيلامسي الى زيورخ تقريبا 5 ساعات ونص
تقدرون تضيفون بين زيلامسي وزيورخ تمرون ليله بأنسبورع
خلكم عليها

معليش تعبتك معي السموحه.....برايك اكنسل زيورخ ونصير بانسبورك والا نخليها راحه يوم
بس كذا راح تكثر الحجوزات والتنقلات وهالشئ ممل
اذا ماعليك امر رتبي الجدول من 10 يوليو الى 24يوليو.......الوصول فيينا والمغادره ميونخ
شاكره ومقدره تعاونك

نصيحتي لك المخطط متعب
بما انه الوصول فيينا والعوده ميونخ
خلي المخطط
عندك 14 ليله يعني 15 يوم
ليلتين فيينا - ليلتين سالزبورغ - 7 ليالي زيلامسي او كابرون - 3 ليالي ميونخ
انتوا عائلتين ماشاء الله كبيره يفضل يكون كذا مخططكم ولو حبيتوا تزيدون ليله في فيينا ننقصها من زيلامسي بس فيينا ما فيها طبيعه مره والتسوق احلى شي في ميونخ
وخليت سبعه ليالي في زيلامسي افضل لك ويطلع السعر ارخص لكم
اذا لسه ما حجزتوا من فيينا وعادي تلغلونها نضيف الريف الالماني
ميونخ وصول فقط - قارمش - زيلامسي - سالزبورغ - ميونخ
ولو حبيتوا تزورون العاب اليورب الرائعه تخلون الذهاب الى ميونخ والعوده من فرانكفورت عشان اقرب لكم ولو حبيتوا ترجعون من يمونخ بس راح تكون المسافه شوي طويله لانكم تضربونها مرتين
ميونخ وصول فقط - ليلتين سالزبورغ - 6 ليالي زيلامسي - 3ليالي ميونخ - ليلتين رست - ليله فرانفكورت او ميونخ
وانا اشوف المخطط الاخير افضل لاتفوتون زياره العاب اليورب بارك والامر راجع لكم
استئجار السياره مهم جدا لكم

راي اختي بنت صائب 100%
لانه جدولك متعب
لكن هذي رغبتك
اذا في مجال تغيرون افضل

الف الف شكر لكم....اخواني الوصول والمغادره مانقدر نغير لاننا اخذنا التذاكر
والجدول اللي حطيناه بعد رايكم هو
ليلتين فيينا
6ليال زيلامسي
3ليالي زيورخ
3ليالي ميونخ
وش رايكم والا نحط انسبورك بدل زيورخ
المشكله ودنا نمر على النمسا والمانيا وسويسرا بس وشلون
حنا قلنا زيورخ عشان نقدر نروح انترلاكن ونشوفها ونرجع بنفس اليوم وبعد نقدر نروح ارض هايدي بنفس اليوم والا انا غلطانه
والله مفتشله منكم

عندك 14 ليله بس حرام كل هالتنقلات والله
اذا حجزتوا الذهاب على فيينا والعوده من ميونخ
ليلتين فيينا - 3ليالي سالزبورغ - 6 ليالي زيلامسي - 3ليالي ميونخ
من فيينا الى سالزبورغ بالقطار وبعدها استاجروا السياره من القريه الالمانيه القريبه منها وسلموا السياره في ميونخ
هذا اسهل مخطط وبدون تعب ولاشي وفيه العاب في فيينا وقريب من سالزبورغ وقريب من ميونخ ولكن اغلبها للاطفال
وسويسرا خلوها برحله ثانيه والامر راجع لك

ماقصرتوا الله يعافيكم...اختي سالسبورغ قريبه لزيلامسي نقدر نروح لها منها ونرجع بنفس اليوم
السياره راح ناخذها من فيينا اليوم الثاني ونطلع بها على زيلامسي وراح نسلمها بميونخ وندفع الضريبه
مادري اختي اذا كانت زيورخ حلوه ونقدر نروح منها لانترلاكن وارض هايدي مو مشكله الطريق خاصة اذا كان ممتع وغير وعر واذا تعرفين شقق حلوه علميني
معليش ابتعبك معي بس مالي الا الله ثم انتم