السلام عليكم ورحمة الله وبركاته،،أسعد الله مساء الأعضاء الكرام وكل عام وأنتم بخير،،،
في البداية كل الشكر لكم على تعاونكم معي في إستفساراتي السابقة لرحلتي التي كانت في هذا الشهر وقد ألغيتها لظرف خارج عن إرادتي والخيرة في ما إختاره الله ومالكم بالطواله فأنا برتب حجز الطيران من الآن للعام القادم إن شاء الله بنهاية يوليو 2014 يوم العيد تقريبا إذا شاء ربي ولا أحد يضحك علي يقول وش يبي ذا من ألحين يسأل فكل أعرف بوضعه فالمده تقريباً 17 يوم قد تزيد يوم أو تنقص يوم ونبدأ بالمهم وهو :
الوصول المقترح ميونيخ ليلة في فندق المطار للراحه ثم إنترلاكن 3 ليالي (إقترحوا لي سكن حلو يطل علي بحيرة) ولدي مشكلة في البعد فهل يوجد في المنتصف قرية أرتاح فيها مع أنها بتخسرني يوم للراحه وتتوقعون أقدر أطلع من المطار مباشرة لإنترلاكن ولا إرهاق وتعب بعد السفر وأزيد عليه سفر بالسيارة فتفسد المتعه وش رأيكم .
بعد إنترلاكن التوجه لزيلامسي 8 أو تسع ليالي تقريباً(أبي إقتراحات لشقق حلوه من ناحية الإطلالة ومجربه ومهم يكون فيها بطاقة زيلامسي كابرون) وهنا أبي أعرف هل بيت هايدي تستاهل الزيارة وكم تبعد عن إنترلاكن لأني من خلال إطلاعي على بعض التقارير إنها في قرية مايفيلد أو قريبة منها وهل هي أعني القرية على نفس طريق إنترلاكن زيلامسي بحيث إني أمرها أرتاح فيها يوم ومنها أمر بيت هايدي.
بالنسبة للوصول ميونيخ والعودة من فيينا وتسليم السيارة في فريلاسنق وهذا الخيار الأكثر ملائمة لأني كنت بتجاوز مسألة المسافة بين ميونيخ وإنترلاكن بحيث أخلي الوصول جنيف ومنها إلى إنترلاكن بس بيكون عندي مشكلة ضريبة تسليم السيارة في بلد آخر .
ترى اللي مسبب لي صداع إنترلاكن هل تستحق الزيارة شفت التقارير لها وبعض الأعضاء مبسوط عليها مرة وهذا اللي خلاني أدرجها بالجدول ومشكلتها البعد لأنها لو ماهي بالجدول بطلع من ميونيخ على زيلامسي وكمل عادي إلى سالزبوغ ثم فيينا ومازلت محتار ياليت تريحوني بأرائكم من خلال تجاربكم لأني بحجز على الإماراتية من ألحين وأحجز السكن إن شاء الله ..
سؤال على الطاير ألغيت سكن لهذا الشهر في رمادا سالزبوغ لكني تأخرت وصار فيه تكلفة إلغاء لليلة واحدة أرسلي بوكينج قبل إسبوع يقول إن الفندق يطالبك بالمبلغ تواصل معه وبطاقتي فيزا الراجحي مسبقة الدفع ومافيها رصيد السؤال هل يستمر يطالب ويتابع البطاقة متى ماتوفر رصيد سحبه ولا كيف لأن فلوس التذاكر السابقة بيحولوها لي طيران الإمارات خلال الأيام القادمه وصلني إيميل اليوم منهم وعلى فكرة كلمت بوكينج قالوا لي مالنا شغل هذا بينك وبين الفندق حنا نبلغك فقط.
رحابة صدوركم أوسع لي والله يجزاكم خير أي إستفسار يخص هالسفرة بسدحه هنا مو كذا أفضل ..
مع أطيب تحية..