اي اقتراح ؟ : )

1. ممكن تاخذ رحله نهريه بالنهر نص ساعه او ساعه و تمر علي كل هذا ..

اول شي انا ضد الجداول .. كل يوم له موده و وقته و اللي يمشي حسب الظروف .. ماحب التقيد بالجداول بس بعطيك ملاخظات عامه
اول شي اجور رود (شارع العرب) مافيه شي عشان تحط له وقت .. ممكن تروح له اذا تبي تاكل بمطاعم عربيه غير جذي مافيه شي .. مطاعم عربيه و قهاوي شيشه و بقالات و دكاكين عربيه و ايرانيه .. في محلات عرب و صيدليات و سوالف بس كلها وخر عنها .. دبلات السعر و نصب في نصب
اول يوم صح .. خله بالاوكسفورد و ممكن تتمشى بالهايدبارك
بيق بين و جسر لندن .. ماراح تطول فيهم يعني مجرد بتمر تشوفهم و تصور يمهم ..

ممكن تاخذ رحله نهريه بالنهر نص ساعه او ساعه و تمر علي كل هذا ..

و ممكن تاخذون جوله بالبيق باص يوم او يومين بكيفكم و يمر فيكم بكل الاماكن السياحه و يشمل جوله نهريه مجانا مع التذاكره و متحف الشمع و البيكاديللي و النايس بريدج و القصر و النهر و لندن اي و .. كل مكان تبون تنزلون فيه و لي خلصتو تاخذون الباص اللي يمر و تروحون المكان اللي بعده و المكان اللي ما تبون تنزلون فيه تمرون تشوفونه و انتو بالباص بس ..
اوفر لكم و اختصار للوفت و تشوفون كل الاماكن بدون تقيد .. كتبت عنه بالتفصيل في موضوعي اللي بالتوقيع مع الاسعار و ماكن التجمع و الحجز
صدق او لا تصدق بالبيكاديللي .. و البيكاديللي حلاتها بالليل .. لما تسكر الاسواق او المغربيات تقدر تروح لها .. و اذا تحب الصبح هم ما يمنع اذا انتو عايله و ما تبون الزحمه ..
الكوفنت قاردن لو تخليها يوم الاحد افضل .. اونس ..
و علي فكره انت ممكن تتسوق علي كيفك بالايام الاولي لا تحشر نفسك بالايام الاخيره بس .. و تخلي الاغراض بالفندق تحت بالستور روم علي ما تروح باريس و ترجع .. هذا دايم اللي نسويه ..
بيستر فيلج يفضل تكون بالاول و قبل التسوق ..
مدام بتروح شبربوش خل معاها الويستفيلد مول .. يم بعض علي طول و منها تشوف المول .. و في الويستفيلد اليديد في سترافورد اذا صار عندك وقت زوروه ..

شكرا اختي على ملاحظاتك ،،
الكوفنت جاردن انا فعلا حاطتها الأحد شكلك ما انتبهتي
لأني افضّل الميادين والساحات تكون دائما بالويك اند اونس ;)
يعطيك الف عافيه