كل هم نفس الشى ... مدام انت فى سان انتونيو لازم تشوف المدينتين...اختار مدينة منهم لهذى الاجازة والاجازة القادمة روح الثانية.....طبعا هيوستن اقرب لك بحوالى ساعتين عن دالاس

مشكور وانا اخوك
بس تعرف انا مالي كم اسيوع واصل
والمدام والبنوته طفشانين مره
فودي اروح للافضل الحين
وانا عارف اني لازم اروح للمدينتين
فعشان كذا انا ابي الافضل

اعتقد هيوستن. اونس لان فيها خليط كبير من الاجناس....دالاس اغلبها بيض....هيوستن اقرب للبحر....دالاس للشغل افضل.........اسال المعهد او احد هناك. ..وأكيد راح يوضحولك الفرق بين المدينتين افضل

السلان عليكم
مرحبا براعي سان انطونيو
استانس لما احصل حد ساكن في سان انطونيوو
ياهي مدينة لو منك ما اطلع منها
لانه سان انطونيو افضل بكثير من المدينتين اللي ذكرتهم
انا كنت اروح هيوستن في الاجازات واسكن في فندق جي دبليو ماريوت في شارع ويست هايمر شارع فيه كل شي المطاعم العربيه والبقالات وفي شارع يقطع شارع ويست هايمر اسمه ماني متذكر بس فيه كلمة كرفت شارع في بقالات ومطاعم عربيه وعند مجمع الغاليريا مجمع كبير وحلو وتحصل فيه كل شي وعند وكاله ناسا الجويه تقدر تروح لها
دالاس بعد جميله فيها ملاهي six flags ومجمعات تجاريه وايد جميله مع اني سكنت فيهاا شهرين بس كنت كل ويكند اروح سان انطونيو عشان جي ما اعرف فيها شي
انصحك بسان انطونيو يوم بتعرفها بتحبها

والله وانا اخوك سان نتونيو حلوه بس مو للدرجه اللي انت تمدحها
يمكن انت حابها لان لك ربع وجمعات فيها
انا اسألك بالله
وين تروح له في سان انتونيو؟
انا ابي مكان حلو تقدر تروح له بشكل شبه يومي
شارع عليه مطاعم ومقاهي كثيره مثلا
بحيث انك ماتمل من القعده فيه
على كل حال
مشكورين جميعا
ولازلت انتظر اراء الاخرين

و عليكم السلام ...
اولا ... ههه
هذي عشان انك عكسي ... انا في هيوستن و كل ماصار عندي مجال رحت يوم او يومين سان انتونيو، غريبه تبي تطلع منها .. الرفر ووك ماينمل منه.
عموما .. انا سمعت ان دلاس مافيها شي .. تعال هيوستن.
اول ماتدخل هيوستن في منطقه كاتي على يمينك و فيها مجمع اسمه Katy Mill حلو و فيه اوتلت لمحلات كثير.
هذا الشارع اللي تدخل منه هيوستن اسمه I-10 و اذا واصت معاه بتلاقي مجمع ثاني اسمه ميموريال مول على اليمين.
عندك منطقة غالاريا فيها مجمع اسمه غالريا مول. على الوست هايمر رود.
و فيه مجمعين شوي بعيدين عن الديره تقريبا كل واحد 45 دقيقه من منطقه كاتي.
الاول woodland mall هذا مجمع حلو و برا فيه مطاعم.
الثاني اوتلت اسمه هيوستن بريميوم اوتلت .
اتوقع ان ما عندك وقت تروح لهم.
خلصنا من المجمعات و بكتب لك عن اشياء ثانيه

الجزء الثاني...
المطاعم.... اهم شي ههه
انا ما ادري المطاعم نفس اللي في انتونيو او لا بس بقولك احلا اللي رحت لهم.
1- بابا دوكس http://www.pappadeaux.com/home/
متواجد في اماكن كثيره الاي 10 و الوست هايمر ... طبعا هو بحري و عندهم لحم و دجاج . لا يفوتك ال Appetizer Trio
صحيح انه مقبلات بس كثير
2- اذا انت من محبين البرقر ... فيه ثلاث اماكن انصح فيها
سماش برقر ... خطير
بكس برايم ممتاز
و اليوم توني ماكل عند باباز برقر ..على الوست هايمر خطير
3-اتوقع انك تعرف تشيز كيك فاكتوري .. موجود عند مجمع موميريال و داخل غالاريا.
4- المطاعم العربيه كثيره اشهرها فاديز على الوست هايمر . تتجه غرب من غالاريا كنك راجع سان انتونيو و يبعد تقريبا 20 دقيقه من المجمع.
و اذا تذكرت مطاعم بقولك

اماكن تمشيه....
عندك حديقه الحيوان "هيوسن زو" كبيره و حلوه بس الجو اليومين ذي متقلب و ماتضمن الرطوبه.
2- داون تاون اكويريوم صغيره و فيها كم لعبه برى. ادخل على موقعهم يمكن تلاقي كوبونات تخفيض للدخول والالعاب.
3- المتاحف في المنطقه اللي حول حديقه الحيوان كثيره.
4- ممشى كيما http://www.kemahboardwalk.com/
5 - منطقه الداون تاون قريب الاكويريوم.
6- فيه سوق اسمه رايس فالج ... مو بعيده من حديقه الحيوان

اتمنى المعلومات تفيدك و اذا عندك اي سؤال انا حاضر.
بس انتبه لساعات العمل بالنسبه للمجمعات لان في الويك اند يسكرون بدري. قبل لاتروح اي مكان ادخل على موقعهم و تأكد
بالنسبه للشوارع بعضها اسمها toll way فيها رسوم اذا انت مو مشترك مع ايزي تاق. دايمن خل معك صرف و روح للشبابيك و ادفع