1. أولا السلام عليكم ورحمة الله وبركاته

أولا السلام عليكم ورحمة الله وبركاته

الحمد لله انتهيت من أغلب برنامجي الموضوع لزيارة سويسرا أتمنى تعطوني رأيكم فيه ولو فيه تعديل أو خطأ وعندي استفسارات قليلة أبيكم تفزعون لي ميدو أو لورد أو أبو عزيز وفيصل ولا هانوا البقية أي واحد عنده خلفيه يفزع لي لأني متقروش صراحة ومشتت
البرنامج
اليوم الأول
وصول والتوجه لفندق بريستول تسجيل الدخول والراحة قليلا
النزول للبحيرة ومن ثم العشاء والعودة للفندق
اوك ،، حاول ماتتعشى بالمطاعم داخل احياء جنيف او بوقت متاخر
اليوم الثاني
استلام السيارة والذهاب لانترلاكن مرورا بمصنع الشوكلاته ومنزل الجبن
والذهاب للفندق دورنت تسجيل الدخول ومن ثم التجول قرب الفندق والنزول لانترلاكن ان كان هناك وقت والتجول فيها وفي حديقتها
اهم شي هو انك تضبط اعدادت القارمن
لو واجهت مشاكل بالتوجيه والارشاد ادخل على خانة اعدادت وضبط الوضع الافتراضي
واتركه على حاله بدون تعديلات وراح يشتغل معك 100%
الطريق لانترلاكن ممتع وقبل توصل مصنع الشوكلاته راح تجيك منطقة اسمها bullle
اذا ظهرت عندك بالقارمن وبالطريق تاكد ان مسارك سليم
اليوم الثالث
قمة اليونيفيرا + قرية قريندوالد
ok
الرابع
مطل Heim wehfluh
بلاد الدباديب
الميستري بارك
جيس باخ + مع بحيرة برينز والتجول في القرية مع البحيرة
ولو في وقت زيارة متحف بولنبيرج المفتوح للبيوت والحياة السويسرية
احس هاليوم مزحوم شوية
لو تأجل متحف الحياة السويسرية لاحقاَ افضل
الخامس
قرية وادي لوتربرون
https://www.youtube.com/watch?v=Vrg07dnLbOY
شلال ستو باخ + (ترومبل باخ)..... ترومبل باخ وش رايكم فيه معي طفل 5 سنوات
البحيرة الزرقاء
صعب انك تجمع بين الوادي وبين البحيرة الزرقاء
لذلك خلك بالوادي ووشوف الشلال ومنها اطلع بالقطار لقرية وينجن ومنها اطلع تلفريك
لقمة Männlichen
حلوة تقدر تاخذ اطفالك معك لها وجوها مناسب
شاهدها فيديو الوادي والقمه
https://www.youtube.com/watch?v=licEwRpYDmE
السادس
خروج من الفندق والتوجه الى لوسرين مع التوقف في مطل لونجيرن ولو كان الوقت مبكرا
على طريقك تقدر تمر على مطل بحيرة برينز ولونجرن والبحيرة كمان عند القرية
التوجه لبيت هايدي ومن ثم العودة للفندق وتسجيل الدخول والتجول حوليه
اذا راح تنزل في لوسيرين اوك بيكون مخططك حلو
ومن ثم الذهاب الى وسط المدينة لزيارة الجسر الخشبي الاسد النائم الغداء العودة للفندق
نصب الاسد تلققاه جنب المواقف بوسط المدينة
يوجد مقطع فيديو بنفس القناة باسم نصب الاسد
السابع
قمة تتلس ومن ثم التجول في القرى القريبة
العودة للمدينة والتجول في اسواقها
Ok
الثامن
الخروج من الفندق والذهاب الى روست
ملاهي والخروج عصرا لتسجيل دخول في فندق Am park
والعودة للملاهي او التجول في القرية
ok
التاسع
الخروج من الفندق والذهاب الى مونترو
راحة حولين الفندق فقط مع الاسواق القريبة
مشوارك بعيد ههه
وايش يويدك لمونترو يارجل
خذ راحه ترى معك عائلة وانت ماخذ سويسرا الغرب
الى اقصى الشرق الشمالي وبعدها تبي الجنوب مونترو
العاشر
خروج من الفندق مرورا بحديقة الحيوان القريبة منها ومن ثم التوجه الى جنيف
زيارة القرى القريبة
الحادي عشر
زيارة بعض الأسواق
وتسليم السيارة ظهراا
والاستعداد للمغادرة باذن الله
اذا حجزك من الجانب الفرنسي لابد تسليم السيارة
هام جداَ
الثاني عشر
نزل برنامج سايجك بجوالك الخاص باوروبا
يكشف لك كاميرات ساهر
شاهد المقطع
https://www.youtube.com/watch?v=2z3hy5CwOb8
التجول في السوق ومن ثم الذهاب الى المطار للعودة الى الوطن بامشيئة اللهالأسئلة ؟
بالنسبة لشلال جيس باخ في التقارير كاني أشوف الطريق مسار واحد فقط ؟
الطريق مزدوج رايح جاي كنك بتطلع عقبه صغيره
من الدخول الى وصول المواقف في هذه الحالة لو صادفت سيارة !!
في مكان بالطريق رغم انه صغير يسمح بمرور سيارة اخرى
يعني العالم هناك تطبق نظرية
القيادة فن ذوق واخلاق
تدخل على الزرع عادي ؟
أو انه الطريق سهل وواسع بس في الصور غير الطبيعة
بصراحة السؤال هذامشغلني
لاتشغل بالك بمثل هالامور راح تمر عليها وتشوف عاديةالسؤال الثاني
الآن لما أبي اتوجه لانترلاكن اضبط الاحداثيات على المصنع او المواقف أو على قرية بروك Broc
وعند العودة للطريق السريع اضبطه على بيرن؟ واول ما استلم الطرق اغيره على انترلاكن.. بصراحه القارمن ما اعرف له تمام لكن قريت مواضيع الشباب هنا ماقصروا كفوا ووفوا
انت تضبط الجهاز على المكان الي تبغاه ومحدده
مثال بتطلع من جنيف تضبط الاعدادت على قرية بروك
او على مواقف مواقف مصنع نسلته
ومنها تضبطه على عنوان فندقك في انترلاكن
لاكن انتبه الطريق من بيكون جبلي وضيق شوي لكن ممتع جدا جدا جدا
واذا ماتبي هالطريق اضبطه بعد المصنع على بيرن بس مشوارالثالث
مطل لونجيرن طريقه صعب والا سهل لاني شايف انه من وسط غابات ولا اني شايف الخط من قوقل ماب
عباره عن طريق رايح جاي
وفي سيارات تمر والوضع عادي
حتى انك بتشوف باصات بالطريق نفسهاتمنى اني اشوف ارائكم وردودكم باسرع وقت
شكرا من القلب
تقدر تزور مدينة ثون الكلاسيكية
لاتنسى الافياش الخاصة بسويسرا
ترى مو سهل تلقاها هناك الا بالمطار

يالورد بيض الله وجهك بصراحة كفيت ووفيت أما بالنسبة لعشاء جنيف حيكون قبل عصرا خ يعني حول او قبل المغرب اما بالنسبة للخروج في الليل نهائيا شايلها من دماغي
أجل المتحف لغيناه واحتمال لو اشوف ان فيها تعب او شي راح الغي اشياء واماكن هناك
أما بالنسبة لمونترو ( كنت بزورها من لوسرين واخلي يوروبارك من لوسرين بس قلت تعب فقررت انه اروح للملاهي يوم وانام واسكن هناك ومن الصباح انطلق لمونترو ومونترو ماراح اروح اي مكان بخليه راحه يعني حولين الفندق وبيني وبينك ادور الخط السريع المسافه مثل انترلاكن 270 تقريبا
ومونترو برتاح فيها وجنيف اليوم اللي قبل السفر شكلي بخليه راحة بعد

السلام عليكم ورحمة الله وبركاته::يا هلا والله بأخوي أبو عزوزي..
والله ياخوك ماعلى اخوي اللورد زود في اللي قاله..لكن اللي بقوله وجهة نظر..ممكن ترتاح معاها.
فيه انشطة في انترلكن قريبة منها ..مثل كهوف ساينت بيتس ومطل هاردر كلم والمطل هيموفلو والطيران الشراعي ومنتزه جنقفرو.
هذه اذا كان عندك وقت تسويها ..أوكي...يعني مجرد احتياط.
انت ترتب نشاطين الى ثلاثة في اليوم ..والرابع اختياري..او بإمكانك اضافة اي نشاط يقترحه عليك مكاتب الادلة السياحية او الاستقبال في الفندق.
احتمال يكون فيه سيرك قريب او مهرجان او فعاليات او اماكن استجمام ومساج او العاب مائية وغيره.

• -

زيارة القمة من قرية لوتربرونن افضل من قريندوالد ..لوجود شلال تروميل باخ في نفس المنطقة...واضرب عصفورين بحجر.
شلال ريخين باخ وبحيرة البلاوسيه (الزرقاء) والاوشن سي وقرية كاندرشتيج الي فيها الزحليقة الصيفية كلها قريبة من بعض في الجنوب الغربي لانترلكن .
وتاخذ يوم كامل.
شلال القس باخ وخوانق نهر الار.برضو قريبين من بعض.
هل بيت هايدي زيارته ضرورية.؟؟
لأن المشوار من انترلكن ..200 كم تقريبا.
مدينة الالعاب تقفل عند الساعة السادسة مساءا...فليس شرطا تطلع تسوي تسجيل دخول للفندق وترجع مرة ثانية.
ولا تنسى فيه محل بسطة على يدك اليمين وانت خارج من مدينة الالعاب ..يعني قبل ما توصل الكوبري ..يبيع فراولة وفواكه ومربيات ..شي خيال.
وبإمكانك تقطف الفراولة بنفسك ..
في منترو بإمكانك زيارة جلاسيير 3000..اذا كان الحماس لسه موجود.
واذا بغيت الاستكنان ..فانت في مونترو.
ما شاء الله عليك ...مخططك رائع وجميل..وشكلك دوخت السبع دوخات عشانه..ههه
ونصيحتي يبو عبد العزيز لا عاد تفكر في البرنامج حق الرحلة ..خلاص.
طول بالك ..وريح اعصابك ..واستهدي بالله.
لأن كثرة التوتر راح تفقدك متعة الرحلة...وانت طالع عشان تنبسط وتغير الاجواء ..
وصدقني..باذن الله الامور راح تمشي معاك تساهيل . >>> من توكل على الله فهو حسبه.
وبالتوفيق ورحلة سعيدة يبو عزوزي.

السلام عليكم
الف شكر لك ياصاحب الموضوع فقد نبهتنا على اماكن لم نعرفها من خلال بحثنا واسمحلي ان اطرح بعض الاسئلة على خبرائنا اللورد وميدو
1-قمة اليونيفيرا كم احتاج من ساعه لتغطيتها كاملة بجميع القرى فيها (وينجن وقريندالد وغيرها)
ولزيارة التروميل باخ في نفس اليوم هل ازورها اولا ام القمة؟
2-هناك 4 مطلات في انترلاكن (Heim wehfluh وهاردر كلم و هيموفلو ولونجيرن) اين اماكنهم وايهم افضل وهل هو يغني عن زيارة البقيه؟
3-بلاد الدبايب والخانق والبلو سي والاوشن سي وقمة تتلس هل تستحق الزيارة للشباب ام لا؟
4-لماذا لا ينصح بالتجول والعشاء ليلا في جنيف؟
5-الميستري بارك اين موقعها وهل ساهر عندهم يكون واضح وسهل رؤيته ام يحتاج لتنزيل برامج؟
شاكرلكم مقدما

انا قريت بعض برنامجك وحبيت اضع لك اول ملاحظاتي وهي بعد الانتقال من انترلاكن برنامجك مضغوط ومزحوم وقريه هايدي بعيده نوعا ماء لذلك انصحك بالتالي طبعا مطل لونجرين بيجيك على الطريق وبامكانك التوقف لبعض الوقت ثم تواصل الى لوزيرن وتتوقف فيها تتمشى على جسرها الخشبي وما يحتاج تطلع قمة يكفيك قمة اليونفيرا (توب اوف يورب) بعد ما تتغدى في لوزيرن وتتمشى تواصل طريقك لزيورخ وتسكن فيها لسببين الاول انها قريبة من قريه هايدي وقريبه من شلال الراين اجمل شلال في اوروبا وبصراحة هو الشلال الذي يستحق العناء وتقدر تغطيه مع قرية هايدي بيوم واحد تنتقل بعدها الى روست تحياتي

1. ونشاط القمة والقرى اللي بتمر عليها ..البعض يجعله يوم كامل مخصص له.

هلا أخوي كون ..وبعد اذن صاحب الموضوع .طبعا.
::
القمة اذا ودك تزورها من الصباح بدري اول ما تفتح ..أوكي..راح تحصل على تخفيض في سعر التذاكر..شي يسمونه إيرلي بيرد.
يعني بدال التذكرة ما تكون 170 فرنك ..تكون 130 فرنك. >>تقريبا على حسب محطة المغادرة.
http://www.jungfrau.ch/en/tourism/travel-information/tickets-fares/lauterbrunnen/
التروميل باخ تقدر تزوره في اي وقت ..لكن القمة الاهم...وهو اقرب الى لوتربرونن.

ونشاط القمة والقرى اللي بتمر عليها ..البعض يجعله يوم كامل مخصص له.

لأن رحلة الذهاب ساعتين ..والرجعة ساعتين..وشوية لعب في الثلج ساعة وكهف جليدي ساعة ومطعم ومقهى وجلسة ساعتين..وتمشية في القرية الفلانية ..خلص اليوم.بالنسبة للمطلات ..Heim wehfluh هو نفسه الهيموفلو >>> ترجمة ذاتية خ...ترجمتها بقوقل ونطقها كلمة عجيبة وفيها حرف خاء ..قلت ترجمة حرفية احسن.
هذا قريب من سنتر انترلكن.
حط اسمه في خرائط قوقل ويطلع لك.
ومطل هاردر كلم برضو قريب من السنتر
Harder Kulm
مطل لونجيرن في الشمال الشرقي لأنترلكن..والبعض يروح له وهو رايح للوزيرن.
Lungernبالنسبة لقمة تتلس..تقريبا نفس قمة اوروبا ..والبعض يفضل عدم جمع نفس النشاطين في السفرة.
وتعتبر الارخص
الخانق والبلاوسي جميلة وتستحق الزيارة. >>> البقية لك الخيار بزيارتهم ..على حسب مود الشباب اللي عندك والوقت الكافي.
اوروبا بشكل عام يفضل عدم الخروج بعد الساعة التاسعة الى العاشرة مساءا..لأن نشاط اللي بالي بالك يبدأ يشتغل.
وساعتها ..الجلسة في الفندق أبرك.المايستري بارك هي نفسها الجنقفرو بارك
jungfraupark
قريبة من مطار انترلكن.بالنسبة لساهر..اغلب كاميراتهم ثابتة...لكن السرعات محددة..وما تحتاج تسرع أصلا.
في القرى والمدن من 30 الى 50 كم\س
في الهاي وي من 100 الى 120 كم\س
في الانفاق 80 كم\س
>>>>وسلم على خط A5 في المانيا وانت رايح رست..(Open Speed)http://www.interlaken.ch/en/discover-interlaken.html
هذا موقع انترلكن السياحي..اطلع عليه ..وشوف الانشطة المناسبة لكم كشباب
مثل الطيران الشراعي او الرافتنج.

السلام عليكم
الف الف شكر لك اخي العزيز ميدو فعلا ماقصرت والله ابدا
1-شلالات الراين هل تستحق الزياره ام لا؟
2-الرافتنج اين اجده في انترلاكن؟
3-بالنسبة للقمه ماهو افضل مكان للانطلاق لها لان في الجدول العديد من الاماكن واصبحت في حيره من امري؟

السلام عليكم
وعليكم السلام ورحمة الله وبركاته ..هلا اخوي..
الف الف شكر لك اخي العزيز ميدو فعلا ماقصرت والله ابدا