هاوي الديار
17-04-2022 - 12:40 pm
السلام عليكم جميعاً ، بعد مشاورات كثيرة رتبت برنامج لمدة 15 يوم في كل من فرنسا و سويسرا :x1: 7 ايام في باريس و 7 ايام في انترلاكن و يوم في جنيف ثم العودة إلى ارض الوطن، بانسبة للفنادق انا عندي اشتراك في شركة سياحية تقدر توفر لي سكن في فندق من 4 نجوم أو خمس نجوم بسعر لا يتجاوز 1600 دولار لمدة اسبوع ، وبالنسبة لجنيف سوف ادفعه بسعر كامل، ابي منكم إذا تكرمتو كم الميزانية التي تجب توفرها (اقصد المتوسط ) لابذخ زايد:112: السفر للسياحة فقط و التمشي الاكل مايهمني و لا التسدح في المقاهي .
السفر اما في شهر 7 أو 8 و لشخصين مع طفلين 4 خمس سنوات و سنه .
ولكم فائق الشكر و التقدير مقدماً :x1:
و تروح و ترجع بالسلامه
والمصاريف تعتمد على الشخص بس اتوقع متوسط 100 الى 120 يورو باليوم لشخصين الاكل و القهاوي و غيره
هذا اذا ما تبغى كل يوم مطاعم و قهاوي واماكن راقيه
يعني عندك مطعم الديوان بوفيه شخصين تقريبا 60 يورو لكن ماكدونالدز 20 يورو لشخصين
قهوة الماريوت و غيرها اللي على الشانز 25 يورو لشخصين كل واحد قهوه وحلا
لكن ماكدونالدز 5 يورو لشخصين نفس الطلب .
و الاماكن السياحيه مثل المتاحف و برج ايفل والاوبرا و غيرها للشخص من 8 الى 20 يور باليوم
بمعنى مختصر اذا تبي تاكل و تتقهوى في احسن الاماكن المصروف اليومي تقريبا من 150 الى 200 يورو
لكن اذا تبي مطاعم الوجبات السريعه و القهاوي العاديه وتراها نفس الطعم بس شكل القهوه غير هذا يبي منك مصروف يومي 100 يورو تكفي و زياده ,,, انا اتكلم عن شخصين .
فيه محل شاورما على شارع واشنطن جدا رائع .. طبعا شارع واشطن مربوط بالشانز يعني وانت بالشانز لو تسأل دلوك و في نفس الشارع في مطعم عراقي سندوتشاته جدا رائعه و لكن ما يصلح للعوائل , يعني قبل تروح للفندق تاخذ معك سندوتشات عشاء .
والله تعبت من الكتابه
ياليت وصلت لك اللي تبيه
تحياتي