RudaAli فارس الجبيل موادع1
و لايهونون الباقين
وينكم
محتاج وقفتكم معي

ابشر بسعدك بس عطني فرصة شوي وارد عليك

كثر الله من أمثالك

السلام عليكم
وعذرا للتأخير
اخوي المدة انا اشوفها قصيره للتنقلات يعني 12 يوم يادوب تكفي للاستمتاع بلندن انا شخصياً لا افضل التنقلات الكثيره خاصة اذا المدة قصيرة ولمن لديهم اطفال
لكن اذا انتم شخصين مثلا لايمنع ذلك
ونديرمير بامكانك الذهاب لها من محطة اوستن في لندن الى محطة ونديرمير ولو بحثت في المنتدى لوجدت الكثير من التقارير التي تفيدك في طريقة الذهاب
علما ان المسافة تقريبا 5 ساعات بالقطار
انا شخصيا لااحب التقيد بجدول معين للزيارات في لندن خاصة لان كل المناطق السياحية فيها قريبة من بعض بامكانك زيارتها جميعا خاصة اذا كانت معاك بطاقة الاويستر لانها محصوره في زون 1 و 2
بطاقة الاوستر بامكانك شرائها من اي محطة اندرقراوند ( من محطة ماربل ارش ) ستجد مكتب مبيعات اخبره انك تريدها لمدة اسبوع كامل شامل الاندرقراوند+ الباصات
سعرها 34 باوند للشخص البالغ والاطفال مجانا لاول مره ويتم تجديدها بعد انتهاء صلاحيتها لاسبوع آخر
متاحف لندن جميعها مجانية هناك متحف الطبيعة والعلوم ومتحف لندن في راسبل سكوير ومتحف النقل والمواصلات في كوفنت قاردن
نجي الحين للملاهي
التون تاور + شينغستون + الثورب بارك
ابعدهم لك من الاقرب للندن في المسافة
شينغستون تصلح للاطفال اكثر
الثورب بارك جميلة جدا واغلب العابها مائية خذ حسابك بملابس السباحة
التون تاور بعيده شوي عن لندن تقريبا ساعه ونص بالقطار وثما بالباص ربع ساعة الى الملاهي
جميعها انصحك بعدم زيارتها في عطل الاسبوع وذلك لتفادي الزحمة
وندسور يتم الذهاب لها من محطة بادنغتون الى وندسور بالقطار المسافة ساعة تقريبا
واسمح لي بالنسبة للجدول السياحي يوجد مواضيع مثبته بامكانك اختيار منها مايناسب
بصراحة نتعب كثير وكل يوم بالاجابة على نفس الاسئلة بحيث اغلب الاخوان الله يجزاهم خير لايكلفون نفسهم بقراءة التقارير والبحث ويفتح موضوع لنفس الأسئلة ويعلم الله ماودنا نرد احد وماوجدنا هنا الا لخدمتكم ولا لنا منه ولافضل فيها الفضل لله سبحانة وودنا لو اختصرنا الأسئلة للأشياء اللي فعلا يصعب على الواحد فهمها ارجوا ان لاتفهم كلامي هذاانه تذمر او شي حاشا لله مااقصد وانها ابرك الساعات اللي نخدمكم فيها واسعدها وودنا فقط انكم تسهلونها عليكم اولا قبل علينا لان بترتيب الافكار والبرامج بأذن الله ستكون السفرة ممتعة وبدون مشاكل
ولايهمك يالغالي اي شي يخطر في بالك ومنت فاهمة ابشر والله بسعدك ولو تبي رقمي ارسله لك على الخاص وبكون معاك حتى وانت مسافر باي وقت كلمني وابد مافيها احراج وترانا نتفهم ونقدر وكلنا الله يعلم كنا مثلكم مانعرف شي لكن الحمد لله بالخيرين امثالكم تعلمنا وكسبنا خبرتنا وحان الوقت نرد لو شي بسيط من جمايلهم علينا بخدمة اخواننا المسافرين الجدد
عسى الله يكتب لنا واياكم مافيه الخير

ماقصر مشرفنا كفى ووفى ماشاء الله عليه….

يعطيك العافية يا فارس الجبيل ما قصرت كفيت و وفيت .. وهذي أول سفرة لي لبريطانيا وما أعرف فيها شيء نهائياً
وأعذرنا على التكرار بالمواضيع بس وش أسوي القلق وعمايله يخلي الواحد يعيد في المواضيع . وأنا قريت عدة مواضيع وفادتني بس يكون هناك سؤال محدد في جزئية مهمه تخلي الواحد يسأل عنها
لأن يختلف الشخص من واحد لواحد لأن فيه أماكن لكبار السن وأماكن للعوائل والأطفال وأماكن للشباب وكل مكان من الأماكن يصلح لأشخاص وما يصلح لأشخاص
وأبي أرتاح في أني أحدد سؤال معين وأبي أجابة معينة
وما قصرتوا في الأجابة وبالعكس العرب المسافرون مرجع مهم لكل سائح
وأخصص بالشكل الجزيل
لفارس الجبيل و RudaAli و موادع
وبالعكس والله ما نستغني عنكم خصوصاً في بريطانيا بالتحديد أنتم مرجعنا للسياحة في هالدولة
لكن أعذروني ما بقى شيء على الرحلة الرحلة الأسبوع الجاي
وأكيد راح يجي في مخيلتي كم سؤال محير راح أسأله لكم بهالموضوع
شكراً لكم

حياك الله بكل وقت لو فيه اي سؤال محدد من عيوننا….
اما تخطيط برامج سياحية اعتقد الافضل صاحب الموضوع يعمله بنفسه حسب مايفضل…. والاعضاء مايقصروا التقارير جميلة والفزعات جاهزة^^
رحلة سعيدة...

السلام عليكم أخوي مبدأيا شوف انا اقول لك شي يمكن ينطبق عليك ويمكن لأ..

• بخصوص جدولك ترى مره طبيعي انه ينظغط وتظطر انك تاخذ عالأقل يومين زيادة تعوض الأشياء الي مامداك تسويها عرفت !

لذلك وانت في لندن خليك وين ماتروح عندك خريطة صغيرة موضح عليها الأماكن السياحية عساس تمشي وتخطط وانت هناك بس طبعا بيكون عندك صورة من قبل ان شنو جنب شنو وهكذا ...
اما بخصوص الwindermere حلوة جدا ويومين انشالله كافيه وطريقة الوصول لها كالتالي :-
تدخل الموقع الرسمي للقطارات وهو http://www.nationalrail.co.uk
وتحجز تذكرتك على شان تحصل على سعر كويس وهو فالعادة 70 باوند ذهاب وعودة للشخص الواحد والفيزا اللي راح تحجز فيها خليها معاك عساس لمن تروح محطة القطار تطبع التذكرة !
ولو ماحبيت فتقدر تحجزها وانت هناك في بريطانيا بس بتكون أغلى أكيد
وبخصوص السكن انصحك تسكن في belsfield hotel على طول عالبحيرة رائع واسعاره زوينة
ورحلة موفقة

يعطيك العافية أخ عبود صراحة خدمتني كثير خصوصاً في رابط محطة القطار لونديرمير ( البحيرات )