بسم الله الرحمن الرحيم
اخواني الاعزاء اعضاء منتدى المسافرون العرب اعضاء الصرح الكبير
والله انكم فخر ووسالم على كل صدر عربي
اخواني انا مشارك جديد لكن متابع قديم مو قديم قديم
وانا الصراحه استفدت منكم واجد وماقصرتو والله وان شاء الله بميزان حسناتكم
حبيت اشاركم بموضوع وأخذ رايكم فيه طبعا لاخلا ولا عدم ومانستغني
عن مشورتكم ومع العلم اني رحت لرحله صيف 2007
وكانت كالآتي
1- ميونخ ------- ليلتين
2- سالزبروق -- ليلتين
3 - زيلامسي-- 3 ليالي
4- فينيسا ----- ليله
5- ميلان ------- ليله
6- زيورخ -------- ليله
7- انترلاكن ---- 3 ليالي
8- جينيف ----- ليلتين
9- باريس ----- ليله بباريس وليله بدزني
كانت الرحله بدون تخطيط قوي بس كان التخطط بأخذ اسماء المناطق من الاصدقاء
وحنا رتبنا امورنا هناك من جميع النواحي السكن والرحلات
(( ولد عمي رفيق الرحله ههه مامنه فايده بس يصور البقر ))
وكانت وسيله التنقل من يورب كار سياره audi a4 وجهازي قارمن
كنت اتمنى اني انزل رحلتي 2007 بس للاسف نسيت بعض التفاصيل بخصوص
الاسعار وغيرها بس الصور موجوده700 صوره ههه
ادري طولت عليكم
وان شاء الله الصيف الجاي ناوين نروح وخططنا كالأتي
1- ميونخ ------- ليله
2- سالزبورق -- ليلتين
3- زيلامسي -- 3 ليالي
4- انترلاكن ---- 4 ليالي
5- ريست او سترازبورق او اي منطقه قريبه من اليورب بارك --- 3 ليالي
6- باريس ------ ليلتين
7- ديزني لاند -- ليلتين
المده 17 ليله 18 يوم الناقل الجوي طيران الامارات
كويت -- ميونخ \ باريس -- كويت
الناقل الارضي اليورب كار (( bmw 525 -- audi a6 -- mercedes e 220 )) لم يتم التحديد
طبعا هالرحله راح تكون عائليه كل واحد مع زوجته
وبخصوص الفنادق
1- ميونخ لم يتم التحديد بس المهم يكون قريب من السنتر
2- سالزبورق فندق ايليفانت elefant
3- زيلامسي فندق قراند
4- انترلاكن فتدق بيليفي
5- اليورب بارك او ماحولها لم يتم التحديد
6- باريس لم يتم التحديد بس الفندق اللي سكنته المره اللي طافت
ممتاز 4 نجوم وقريب جدا من الشانز وسعره ممتاز بس مااذكر اسمه
7- دزني فندق دريم كاسل
الميزانيه المرصوده
1- 1200 دينار = تقريبا 3000 يورو للسكن --- بواقع 70 دينار لليله = تقريبا 200 يورو
2- 600 دينار = تقريبا 1500 يورو للطيران
3- 550 دينار = تقريبا 1350 يورو للسياره
4- 2000 دينار = تقريبا 5200 يورو مصروف جيب
باخذ المقوله تزيد ولا تقصر بعين الاعتبار
السفره ان شاء الله 29-7-2009 الساعه 3:45 فجرا بتوقيت السعوديه
والوصول لميونخ الساعه 1:00 الظهر بتوقيت ميونخ
والعوده 15-8-2009 الساعه 9:50 المسا بتوقيت باريس
والوصول 16-8-2009 الساعه 8:25 صباحا بتوقيت السعوديه
واتمنى انكم ماتبخلون علي وتعطوني ارائكم