وعليكم السلام ورحمة الله وبركاته
حياك الله اخي
الخطوط السعودية بالفعل تطور اسطولها وصارت تستخدم طائرة البوينج 777-300 الى جاكرتا وهي طائرات حديثة
مدة 15 يوم مناسبة وانت طالع في موسم الامطار
التكلفة اليومية التقريبية بتكون بين 250 الى 300 دولار لكم جميعاً شاملة السكن والمواصلات ( سيارة خاصة بسائقها ) والاكل والشرب ودخول الاماكن السياحية
والوقت اللي انت طالع فيه ما فيه زحمة فممكن انك تصرف اقل

اخي العزيز طارق,
الله يعطيك الف عافيه على الرد الشامل والسريع..
طيب ممكن مخطط للرحله لل 15 يوم,, كيف تتوزع على جميع المناطق السياحيه..
واذا ممكن افضل جاكرتا تكون اخر شي... يعني الافضل ما انزل بجاكرتا, من مطارها مباشره إلى احد المناطق اللي بتحددها في المخطط..
واعطيها كم يوم بعدين 3 ايام مثلا قبل العوده للوطن..
واستفسار اخير,, هل المناطق اللي بتكون بالمخطط كلها الذهاب لها طيران؟, او ممكن سياره..
واذا طيران هل احجز من هنا افضل؟
مع خالص التحيه

ابشر ...
الوصول الى جاكرتا بيكون يوم الثلاثاء 23 ( صحح لي اذا كنت غلطان )
عند الوصول الى جاكرتا تتجه مباشرة بالسيارة الى الجبل ( المسافة بدون زحمة من ساعة ونصف الى ساعتين )
الجبل 6 ايام ( من تاريخ 23 الى 29 )
التوجه الى باندونق بالسيارة ( تقريباً ثلاث ساعات )
باندونق يومين ( من تاريخ 29 الى 1 )
السفر الى بالي بالطائرة من مطار باندونق
بالي 4 ايام ( من تاريخ 1 الى 5 )
العودة بالطائرة من بالي الى جاكرتا
جاكرتا يومين ( من تاريخ 5 الى 7 )

• الافضل الحجز المبكر للطيران خصوصاً من مطار باندونق الى بالي لا توجد الا رحلتين يومياً على طيران اير اسيا وحدة الصباح وهذه اللي يفضل تحجز عليها والثانية المغرب

الله يعطيك العافيه اخي العزيز طارق,
ما شاء الله تخطيط ولا احسن..
ونعم كلامك صحيح, الوصول بيكون في 23 أبريل..
لكن معذره حصل تغيير بسيط بتاريخ الرحله..
بيكون من 29 أبريل - 14 مايو
يعني تقريبا 14 يوم بدون الذهاب والاياب..
الوصول بيكون في 30 أبريل..
راح اوزع الايام واعطيني رأيك مره ثانيه ..
بونشاك من 30 أبريل إلى 5 مايو (5 ليال)
باندوق من 5 مايو إلى 7 (ليلتين)
بالي من 7 مايو إلى 12 مايو ( 5 ليال)
جاكرتا من 12 إلى 14 (ليلتين)
اذا فيه تعديل.. تفضل حسب ما هو مناسب..
بالنسبه لباندوق, هل ممكن ازيد فيها ليله من ليالي بالي؟ او كذا افضل؟
بالنسبه للطيران, دخلت على موقع اير اسيا وعجبتني اسعاره, ودي احجز من الحين بعد ما استقر على المخطط, اشرايك بفكرة الحجز اونلاين؟
بالنسبه للسكن في بونشاك افضل اخذ فيلا..
وباندوق فندق
لكن بالنسبه لبالي, وين الافضل اخذ فندق او فيلا؟
انا منبهر صراحه من الاسعار في بوكينق ببلاش, لان متعود على اسعار فنادق اوروبا اغلى..
بإنتظار رأيك.. ولك خالص تحياتي

كذا الجدول ماشاءالله حلو
لا تزيد باندونق الا اذا لك وجهة نظر
وبالنسبة للاجواء في ابريل احلا اجواء
امطار واجواء خيالية في اغلب الاماكن اللي بتزورها باذن الله
واهم شي للتمشية لا تنسى الخروج بدري عشان تزور اكثر من مكان ومنطقة في نفس اليوم
والاسعار معقوله هالايام واهم نقطة مافيه زحمه يعني ان شاءالله بتاخذون راحتكم
ولا تنسى قبل الرحلة تنسق مع احد السواقين اللي تشوف انهم كويسين والاغلب يتعامل معهم وعارفين للبلد
من حيث الاماكن والاوقات والاسعار واي استفسار يعطيك الجواب يعني السواق نص التنسيق
وبالتوفيق لكم في رحلتكم ان شاءالله

ما قصر اخونا البرنس المسافر بالجواب
اذا كانت لك رغبة في زيادة يوم في باندونق من رأيي انك تأخذها من ايام بالي مثل ما تفضلت ( اشوف ان تخصيصك لباندونق يومين جيد )
الحجز اونلاين افضل بكثير ولا تنسى اذا كان معكم وزن زايد انك تشتريها اثناء الحجز
في بالي يوجد عندك كل الخيارات من فلل وفنادق
اذا بتاخذ فندق في بالي بيكون قريب من الاسواق والمطاعم والحركة واذا بتاخذ فيلا بتكون في منتجع في منطقة هادئة جداً
برشح لك منتجعين وفندق في بالي
فندق ديسكفري
https://www.booking.com/hotel/id/discovery-kartika-plaza.html?aid=1300939
منتجع دريم لاند
https://www.booking.com/hotel/id/the-dreamland-luxury-villas-spa.ar.html?aid=1300939
منتجع the bli bli villas and soa
https://www.booking.com/hotel/id/the-bli-bli-residence.ar.html?aid=1300939
في باندونق اكيد فندق سنسا
https://www.booking.com/hotel/id/sensa.ar.html?aid=1300939
جاكرتا فندق بلومان
https://www.booking.com/hotel/id/pullman-jakarta-central-park.ar.html?aid=1300939

أخي البرنس المسافر,
كفيت ووفيت عزيزي.. الله يعطيك العافيه
ونعم كلامك صحيح, راح اخلي باندوق يومين فقط..
وطمنتنا بالنسبه للجو, بس ان شاء الله مايكون مرطب, مثل اجواء ماليزيا حسب كلام اللي زاروا ماليزيا
آخر سفره لي في جولاي الماضي لكذا دوله اوروبيه, كانت الاجواء حااره.. بدون رطوبه لكن جد حر..
فإن شا الله تكون الاجواء زينه بأندونيسيا..
تحياتي لك عزيزي

أخي العزيز طارق
ألف شكر لك كفييت ووفيت عزيزي,,
بطلع على الفنادق اللي اعطيتني.. الحمدلله ان فيه فلل حتى من بوكينق.. لان لاحظت ان اغلب الفلل في بونشاك
ماتكون موجوده في بوكينق, لازم بالتلفون..
بالنسبه للحجز الداخلي اونلاين... زين انك نبهتني عن الوزن الزائد..
المشكله ما ادري الان كم بيكون الوزن .. لكن بشوف بقدر الوزن من عندي..
وسؤال بخصوص الاوزان للشحن في الطائرات..
مثلا لو كان في خطوط الوزن عندهم للشخص 23 كيلو
واحنا مثلا شخصين.. وعندنا شنطه وحده بس ووزنها 30 كيلو..
هل راح يعتبرون ان الوزن مناسب بحيث ان لنا متبقى كم كيلو للشخص الثاني؟
او لا بد تكون الشنطه الوحده 23 كيلو؟؟
والف شكر لكم

من هالناحية خطوط الطيران ما تدقق على وزن القطعة الواحدة كثير بس تبي الرأي قسم الوزن على عدة شنط بحيث ما يتعدى وزن الشنطة 23 الى 25 كيلو لانهم ما يهتمون بعدد القطع والاهم هو انك ما تتعدى الوزن النهائي المسموح لك