تجربتي مع البي فيو فندق جيد وشاطئه نظيف انصحك فيه
ولنكاوي لاقون انا اعتبر احلى ايام عشتها فيه الصراحة هذا الفندق جيد من كل النواحي انصحك تاخذ غرفة على البحر
اما باقي الفنادق فليست لدي تجربة معهم حتى احكم عليهم
تحياتي

كلها طيبة ، بالتوفيق

صن واي لقون الفندق عادي اثاثه قديم
واحد جنبه كان روعه اربع نجوم بس مادري وش اسمه
بس الملاهي والسوق متازه

فله
الفندق اسمه
البيراميد تاورز
فندق رائع جدا

سامي العتيبي
يا هلا وغلا بيك اخوي سامي العتيبي
بالنسبة لرأي في الفنادق اللي إخترتها نبدأ :
1/ كورس وفيدرل بكوالالمبور:
هذا الفندق ما قد جربته واذا تبي الحق اول مره اسمع به
لكن يمكن اني اساعدك اذا جبت لي اسمه بالانجليزي ويكون السبيلنق صحيح
وانصحك بأحد الفنادق التالية : الماريوت أو الويستن أو الريجنت كلها خمس نجوم
2/ باي فيو بيتش بينانج:
سكنت فيه السنة الماضية برحلة شهر العسل, وكانت غرفة مع بلكونة وهو
فندق يعتبر أربع نجوم جيد جدا, نظيف, أكله جيد, شاطئه جميل, تعاملهم جيد
وفكرة تصميم المسبح حلوه, أسعاره مناسبة جدا, أثاثه عادي لكن ليس سيء
يقع باخر السوق الليلي على شارع باتوي فرنجي ( شارع السوق الليلي)
تقدر تروح للسوق مشي أو بالتاكسي ب 6 رنجت وهو قريب من الحدائق
( الفراشات, التوابل , الفواكة ), وأيضا مصنع الأقمشة, وهذا موقع الفندق
تقدر تدخل وتشوف الأسعار وصور للغرف :
http://www.bayviewhotels.com/beach/
3/ فندق لنكاوي لاقون لنكاوي :
سكنت فيه السنة الماضية برحلة شهر العسل وكان رائع رائع وهادئ جدا
يتوفر فيه نوعين من الغرف, غرف في مبنى الفندق وتتوفر ببلكونه وبدون
وغرف عبارة عن سويت ( كوخ ) على البحر, يتميز بهدوئه وبعده عن
الضوضاء, وهو قريب جدا من المطار وموقعه بالنصف بين الاماكن السياحية
في لنكاوي , وهو يعتبر خمس نجوم فندق مصمم تصميم ريفي بسيط, نظيف جدا
والاكل جيد جدا,والأثاث ممتاز وجو الفندق العام ممتاز, وهذا موقهم على النت
تقدر تدخل وتشوف الأسعار وصور الغرف والسويتات ( الأكواخ ) :
http://www.langkawilagoonresort.com/
4/ فندق صن واي لاقون سيلانجور :
فندق ممتاز جدا جدا جدا وفخم يعتبر من أفخم الفنادق اللي اخترتها
كنت قد اخترته السنة الماضية من ضمن الرحلة واخذت ليلة بالفندق
وليلة فيلا الهوني مون بمسبح خاص, الفندق بشكل عام ممتاز جدا
هو عبارة عن فندق خمس نجوم يحوي ( فندق + مدينة ألعاب + مجمع )
وهو قمة في المتعة أثاث فخم, تصميم فخم, نظافة, اكل جيد لكن غير متنوع,
المجمع الذي بجانبة ممتاز جداً يحوي صالة تزلج وسينما وماركات عالمية
ومطاعم أسعاره مناسبة, مدينة الألعاب تحوي ألعاب كهربائية وألعاب مائية
تحتاج إلى ملابس سباحة فلا تنسى ذلك حتى تستمتع وما تفوتك مثل ما فاتتني
لأني نسيت الملابس وهذا موقعهم على النت تقدر تدخل وتشوف الأسعار والصور :
http://www.sunwayhotels.com/
وإن شاء الله أكون أفدتك عن الفنادق اللي ذكرت, وإذا شفت نفسك متوهق
وعالق في النص عطني خبر بس ومالك إلا طيبت الخاطر , أضبط لك كل شي
من طأ طأ إلى سلام عليكم على قول إخونه المصراوين.
راح أرفق لك رابط في جميع فنادق ماليزيا بالصور يعني طب وتخير :
https://artravelers.com/p/re/57426
وحياك ربي في أي وقت خيو

الأخ / سامي العتيبي
السلام عليكم ورحمة الله وبركاته
من واقع تجربه ،، راح افيدك عن فندقي البي فيو ببينانق واللنكاوي لاقون ،،،
الأول : رخيص بالمقارنة مع الفنادق الأخرى اللي اسعارها نار ،، الغرفة عادية ،، لكن حركة ونشاطات مميزة
على الشاطئ ،، انصح به .. وانصحك بالغرف اللي تسمى sea vieo اللي وانت داخل مع بوابة الفندق تكون الواجهة اللي بجانب الواجهة الأمامية المطلة على البحر تماماً من اليسار ...
اما الثاني : فأنصحك به وبقوة ،، وهومميز جداً وهادئ ،، ورومانسي ،، و اوصيك بالغرفة رقم 310إذا ما خانتني الذاكرة ، وهي بالوصف لما تصعد الدور الثالث تأخذ يمين مع السيب حتى اخر غرفة على اليسار مطله على البحر ،، هذه الغرفة خيالية ( على شرفتين ) شرفة مطله على البحر فيها بلكونه ،، وشرفة مطله على الجبل ،، اذا حصلت لك راح تدعيلي
ولا يفوتك تأخذ اول ليلتين بالخيول الذهبية ،،
مع تمنياتنا لك برحلة موفقة ،،، تحياتي ...

كوروس سكنت فيه وصراحة أعجبني لنظافته ولموقعه المتميز وأحسن من فندق مريديان الخبر بألف مرة

الغالي
ffaazz22
تسلم على التوضيح والله يعطيك العافية
بو شرف
الطيف تشريفك للمكان الله لا يحرمني منك
فلة
تسلمين للتوضيح يعطيك العافية
ewaleed
تسلم للتشريف
زمان الصمت
الغالي زمان الصمت
الله يخليك يارب حضورك واضافتك اسعدتني ولا نتستغني عنك الله يعطيك العافية
تسلم
الأشعل
ما قصرت يالغالي للتوضيح الجميل وتسلم
mon
ما قصرت ويعطيك العافية