السلام عليكم ورحمه الله وبركاته ..
طبعا كثرت وانا انزل مواضيع كلها استفسارات : (
المفروض انه الان جاء وقت اللي انا افيدكم بدال ما استفيد منكم ..
لكن تحملوني بحكم انها اول سفره لي لاوروبا ..
واوعدكم باذن الله بتقرير ما صار ولا استوى ...
من اول ما حجزت الطيران قبل شهرين وانا ابحث واقرا اربع وعشرين ساعه ابي اتوصل لخطه سير شامله ومريحه ..
وكل مره اطلع برأي جديد
كنت متوقعه الموضوع اسهل من كذا , لكن يالله قربت اخلص ..
سفرتي باذن الله الذهاب يوم 30 يوليو , العوده 23 اغسطس ..
الرياض - القاهره - ميونخ
ميونخ - القاهره - الرياض ..
عن طريق الخطوط المصريه .. عائلة مكونه من 5 اشخاص و3 اطفال ..
اغلب التنقلات راح تكون عن طريق سياره ..
طبعا باقي اقل من 3 شهور على موعد الرحله , والفنادق زي ماهو معروف بشهر اغسطس مزحومه جدا .. ف قلت ضروري اخلص ترتيب خطه السير عشان ابدا بالفنادق قبل لا يروح علي الوقت ..
فيه اقتراحين لخطة السير واتمنى ترشحون لي الافضل وتذكرون لي السلبيات والايجابييات ..
الاقتراح الاول كالتالي :
محطه الوصول : ميونخ
ميونخ - بادن
بادن - باريس
باريس - جنيف
جنيف - انترلاكن
انترلاكن - التوقف بقرية هايدي
قريه هايدي - زيلامسي
زيلامسي - ميونخ
العوده ميونخ ..
الاقتراح الثاني :
ميونخ الوصول
ميونخ - بادن
بادن - باريس
باريس - جنيف
جنيف - انترلاكن
انترلاكن - ميلانو
ميلانو - فينيسيا
فينيسيا - زيلامسي
العوده ميونخ ..
طبعا انا عندي رغبه ملحه اني ازور فينيسيا ليله , وميلانو قالوا لي مافيها شي يستحق , ف مادري الغي الجزء الايطالي او لا
قلت استشيركم : (
اعتذر على الاطاله .. لكن مالي الا الله ثم انتم ..
مشكورين مقدما ..