السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
ماحددت نوع الهدايا الغالي !
على العموم ..الهدايا التذكاريه مثل قلاصات الحليب والشاي يفضل من هارودز وايكون عليها اسم هارودز ( اكثر ناس ايسوون هالحركه الموظفين عشان ايروون الموظفين الباقين انهم سافروا لندن :8888: )
اما الماركات مثل الشناط والملابس والخ .. مكانها في شارع نيو بوند ستريت + شارع سولان ستريت
اما الملابس الرخيصه في محل برايمارك
واي خدمه احنا في الخدمه

يحلم يسافر
هلا باخي الفاضل آدخل هذا الرابط آن شاءالله تستفيد منه
https://artravelers.com/p/re/214034

القطري
ههه والله ضحكتني يا القطري ( ماحددت نوع الهدايا يا الغالي ) وبثقه الرجال حاط عنوان طول بعرض يسال عن العطور ههه ما الومك جو لندن يدوخ عليك بالعافيه اما بالنسبه للاخ اللي سأل عن العطور انصحك بعطر فيزا موجود بسلفرج بس تحصله عندهم ونوار نوار من توم فورد وعطولار سلفرج تهبل وبالسلامه يارب

رحلة موفقة انصحك
بعطورات من قسم العطر في سيلفرجز
ادخل من باب سيلفرجز اللي مقابل ستار بكس اكسفورد ستريت
على مدخل العطر دايركت عندهم عطورات غريبة ومافي منها بالخليج روعة روايحها
وللاسف الان اسمائهم مش عندي ...بس معروف القسم اللي اول ما تدخل في عطر اسمة فيزا روعة ومنه اربع انواع
وبعد شيء تشاينا مادري ايش روعة
وفي مجموعة تقريبا 15 نوع بس كلها بالعود والمسك روعة

العطور النسائيه الحلوه اللي نصيحه تشتريها إهيا العطور الحصريه بسيلفرجز وهارفي نيكولز وهارودز لأن في عطور
موجوده عندنا بالخليج مايسوي تشتريها
1- عطر أزوري ( إيستي لودر من سيلفردجز) يبيعونه في منتديات نسائيه لأن نادر وحلو
2- مجموعة توم فورد بس نصيحه أحلي شيء الجديد ( عود وود / أريبيان ) أحلي شيء جديد
3- عطر شانيل الجديد اللي موموجود إلا في بوتيكهم بلندن ( واحد إسمه 22 / وواحد إسمه بيج ) موموجودين بالخليج
4- عطر فيزا مافي منه بس شوي قديم صار
ونصيحه روح أول دبنهامز فيها عطور حلوه وموغاليه حق هدايا لأن هذي العطور شويه غاليه بس ماتغلي علي حبايبك