السلام عليكم ورحمته وبركاته
اولا هذه اول اطلاله لي بهذا المنتدى الكبير..
واتمنى ان افيد واستفيد في هذا الصرح الشامخ..
انا حجزت على الخطوط السيرلانكيه ودفعت وخذيت التذاكر ولله الحمد..
من يوم 5-7-2011 الى 19-7-2011..
وميزانيه الرحله هي 12 الف ربال لشخصين شامله الفنادق والتسوق والطيران الداخلي..
ومن خلال استفادتي من المواضيع الموجوده حبيت اسوي برنامجي بالطريقه التاليه:
3 ايام سلانجور و 4 ايام لنكاوي و7 ايام كوالالمبور..
بحيث اطلع طيران من سلانجور الى لنكاوي ومن ثم العوده الى كوالالمبور بنفس الطائره..
والاماكن السياحيه ماشاء الله عليكم ماقصرتوا مايحتاج الواحد يسأل ..
بس ياخذله فرتين بالمنتدى ويعرف كل شي ..
(((( الاستفسارات ))))
(1) هل احجز الفنادق اذا وصلت عندهم..او عن طريق النت افضل ؟؟؟
وانا حاولت احجز عن طريق النت بس اللي وقفني هي البطاقه الائتمانيه..ماني عارف شسالفتها
(2) الطيران من سلانقور الى لنكاوي..هل احجز اول ما اجي لسلانجور او احجز الان؟؟ وشلون اخذ التذاكر ؟؟
(3) انا حطيت ميزانيه للفنادق بحيث مايتعدى ال300 ريال لليوم الواحد..لذلك
ابي افضل الفنادق ( كوالا ) اللي تكون قريبه من شارع العرب وقريبه من محطات القطار مونوتريل..
( قريبه اقصد مشيا على الاقدام)
ومتشكرين اوي اوي..