السلام عليكم ورحمة الله وبركاته
عندي اسئلة واتمنى منكم انكم تساعدوني فيها والي يجاوبني
اوعده بدعوه في ظهر الغيب من اطهر مكان (مكة) وفي افضل زمان (رمضان)
ووعد مني راح ادعيله في المسجد الحرام بجانب الكعبه المشرفه
نويت السفر للمغرب لمدة 3 او 4 ايام
ناويه على كازا ان شاءالله
الميزانية مابين 13الف الى 15 الف
ابي اعرف وش افضل الفنادق في كازا من 5 نجوم ل4 نجوم ؟وكم تقريبا يكلفني السكن في هذه المده؟
وش هي الاسواق الموجودة بكازا الشعبيه؟ وايضا ناويه ازور مروكومول ان شاءالله (ياريت اعرف افضل المحلات الي تبيع التكشيطه والقفطان)
وكم تبعد المسافه بين الاسواق الشعبيه والسوق المركزي موروكو مول؟
وش ترشحون لي افضل فندق يكون قريب من الاسواق؟ واذا سبق لكم اتعاملتم مع سواقين اذا تعرفون احد معين ترشحونه لي او استخدم التكاسي افضل
وش افضل خطوط المغربيه ولا غيرها؟ وهل احتاج للتعامل مع المكاتب السياحيه لتنسيق الحجوزات؟ واذا سبق لكم التعامل مع مكاتب او وكالات سياحيه ياريت تدلوني عليها
واذا حبيت ازور اسبانيا لمدة يومين هل الميزانيه بتكون كافيه
عارفه اسئلتي كثيره اتمنى تجاوبوني بأسرع وقت الله يسعد قلب الي يرد على استفساراتي
محتاجه المعلومات وياريت الي عنده اضافه اكون شاكره له
دمتم بود