أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اولا قلنا الواحد يجهز من بدري لكن قبلها ب 9 شهور هاذي جديده ههه انا ماني خبير صراحه في باريس بس سافرت لها من قبل واحب اطمنك ترا الامور سهالات ولا في اي صعوبه عشان الواحد يحاتي بس كمان حلو يكون شغلك جاهز ومرتب المهم بخصوص التذكره سعرها رخيص جدا يعني ما اعتقد تلاقي ارخص من كذى ونصيحتي لك تكلم الخطوط السعوديه وتسألهم هالسؤال بس على ما اعتقد لو بيصير تدفع فرق كان ما عرضوها للبيع قبل هالفتره بس اسأل مكتب الخطوط احسن بخصوص الفنادق بشكل عام فنادق باريس غرفها ضيقه وكثير من الخليجيين يتضايقون من هالشي وكأنهم رايحين الغرفه عشان يلعبوا كوره فيها ههه كبر عقلك واقنع نفسك ان الغرفه للنوم وانت بتكون مرتاح ان شاء الله انا جربت فنادق ال Best Western والصراحه لهم افرع في كل داعوس في باريس ههه فنادقهم متواضعه وعمليه واهم شي انها نظيفه ومرتبه وتعامل موظفينها عجبني صراحه وممكن تلاقي موظفين عرب يساعدوك في اي استفسار ع العموم شوف موقع https://www.booking.com وانت بتاخذ فكره حلوه عن الاسعار والتقييم لكل فندق والمنطقه انا انصحك بالمناطق القريبه من الشانز ( ابعد عن الشانز اذا تبي الرخص والهدوء) عندك مناطق مثل المنطقه (17) (قوس النصر) و (9) الاوبرا بس هاذي تقريبا المنطقه حق اللي يبغي الاسواق سفر لندن فكره حلوه بس ماتسوى تروح يوم واحد ترا الرحله مب رخيصه بالقطار انا اخر مره سألت كانت تقريبا بأكثر من 750ريال (وكان عليها عرض ) ههه هذا موقعهم لو حبيت تشيك بس ما تقدر تشيك على اسعار السنه الجايه http://www.eurostar.com ( على فكره تراك تحتاج فيزا خاصه لبريطانيا ) بخصوص جنيف تراها تبعد 3 ساعات ونص تقريبا اذا الرحله دايركت بس تذكرتها ارخص من تذكرة بريطانيا تقدر تشييك على هالموقع http://www.raileurope.com وترا جنيف اسمها اكبر منها ما فيها فرق كبير عن باريس ولندن انا احس الدول الاوروبيه متشابهه كثير يعني اذا تبغى تزورها من باب العلم بالشيئ مو مشكله يومين حلوين عليها ويمكن كثير ههه رحله قليلة التكاليف مقدور عليها بس انت المتحكم في هالشي ابعد عن الاسواق والهدايا اللي مالها داعي تراك رايح تستانس ولا تغريك الجلسه والرزه في مقاهي باريس ترا ما وراها الا الصرف الزايد ولا فيها زود عن اي مقهى في العالم (هذا غير الاستعراض اللي يرفع الضغط في الشانز) ادفع فلوسك في الاساسيات وخل عنك الكماليات والحاجات اللي مالها داعي اكلك يكون من الفاست فود ابركلك وارخص واخف واسرعلك وابعد عن المطاعم العربيه ترانا شبعانين اكل عربي في ديرتنا وهناك يبيعونه بعشر اضعاف سعره عندنا تخيل ساندويش الفلافل ابو ريالين عندنا ينباع هناك ب 30 ريال !!!! اتمنى لك رحله سعيده وموفقه واي سؤال عندك انا حاظر اذا اقدر اجاوب عليه واللي ما اعرف باقولك ما اعرف عشان ما اتفلسف عليك واوهقك ههه تحياتي لك
