بنت الاتحاد
ياهلا اختي وحياك الله بين اهلك وناسك
بالنسبه لبون مدينه صغيره مو كبيره مره ولكنها جميله جدآ ومريحه نفسيآ ....
في منطقه اسمها بادقودسبيرغ يكثر فيها المحلات العربيه والمطاعم العربيه والسوبر ماركتات العربيه
حتى لوح لمحلات بالعربي ....
فندق ادلر الي تقصدين ياليت تعطيني موقعه علشان اقدر اشوفه بالخريطه
لان كان فيه فندق ادلر في بادقودسبيرغ فماادري هو والا غيره ....
بالنسبه للجو يكون بارد جدآ جدآ ويكون برضو فيه ثلج ....
بالنسبه للنصائح كالعاده كآنك في اي مدينه اوروبيه لازم تحترزين من كل شي ...
مع انه هناك امان جدآ وشعب جدآ لطيف ولكن الحذر واجب ...
طبعآ لازم تاخذيم معاك لبس يدفي لان زي ماقلت لك بيكون برد ...
وطبعآ القهوه العربيه اذا انتي من محبيها والتمر .....
الاكل كل شي موجود هناك فيه ناس تروح تاخذ جبن وشاهي ومربى و
لا تفكرين لان كل شي موجود والاجبان والمربيات والعسل والشاهي احسن من عندنا
اما الاماكن الي تقدرين تروحين لها
بون السنتر حقها مره حلو وفيها سوق مره حلو ...
وتقدرين تروحين لمدينه كولون تبعد عن بون 50 كيلو بس جدآ جد روعه واحلى من بون ككبر وجمال
وتسوق ,,,...
وتقدرين تروحين لمدينه دسلدورف تبعد عن بون 80 كيلو بس هذي جدآ جدآ جدآ روعه تشابه ميونخ
وش بعد تبين تعرفين امري ؟؟؟؟ انا جلست في بون سنه كامله للعلاج ....
فيه موضوع انا كتبه بالماضي عن بون تقدرين تشوفينه وفيه صور برضو ....
اي خدمه انا حاضره

البرنسيسه
مشكورة الغالية ع ردودج وتسلمين بس بغيت اعرف شو الاحسن وين ابدل الدراهم في بلادي الامارات ولاا في بون؟؟؟؟؟؟؟؟؟؟؟؟؟؟؟؟؟؟؟؟
والفندق هو نفسة اللي تقصدينة في بادقودسبيرغ...........

هلا بنت الاتحاد
الافضل تصرفين من الامارات عندج صرافه فيدرال والا لارى سعرهن احسن من توماس كوك
انتى اسئلى وشوفى الفرق
وسلامتج

مرحبا اختي الغالية
حبيت افيدك عن فندق آدلر
الفندق سيء للغاية انصحك بشقة مفروشة بسعر معقول خاصة ان ايجارات الشقق تكون رخيصة بالوقت اللي انتي جايه فيه
وانا حاليا في مدينة بون واذا حبيتي اخدمك بشي فيها ابشري وتامرين امر

تداوليات
مشكور اخوي بس نحن حاجزين استيديو تابع لفندق ادلر وهذا بترتيب من سفارتنا بس اذا هب زين ياليت تساعدني باي معلومة في ايجار شقق رخيصة وخاصة انا وزوجي جايين بعد اسبوعيين وبنقعد بس 10 ايام في بون ارجو سرعة الرد
وشكرا

الاخت بنت الاتحاد
تحية طيبة وكل عام وانتي بخير
بالنسبة للشقق اذا حابة تسكنين فيها ممكن اشوف لك شقة عبارة عن غرفة نوم وصالون ومطبخ واعزك الله دورة مياة او غرفتين نوم وصالون والايام هذي اسعارهم تتراوح بين 70 يورو الى 100 يورو وتعتمد على حسب الموقع والنظافة
واي خدمة انا حاظر

تداوليات
كل عام وانته بخير وينعاد عليك وعلى امة محمد بالصحه والسلامة
اخوي اذا ما فيها كلافة ممكن بما انك في بون اطل ع الاستيديو اللي تابع ل ادلر واذا في صور يكون احسن واذا شفته مش اوكي اي يعني وسائل الصحة منعدمة فية ياليت اتساعدنا في حجز مكان اخر بس في نفس منطقة بادقوسبيرق لان حسب مافهمت من السفارة انا الاستيديو قريب من مطاعم عربية وبخلي زوجي يتواصل معاك وانا شاكرة اهتمامك اخوي والله يجعله في ميزان حسناتك
طلب اخير وبشو تنصحنا نغير الدرهم الى يورو فالامارات ولاا نغيرة في بون
ومشكور

بنت الاتحاد
اختي بنت الاتحاد
ان شاءالله امر على فندق ادلر واصورة لك بس ان شاءالله الاقي عندهم سويت فاضي عشان اقدر اصورة وانزلة لك على النت
بالنسبة لتبديل العملة انصحك بتبديلها في الامارات لانه غالباً يكون صرف العملة في نفس البلد افضل وأقوى من ناحية سعر الصرف
عموما انتظري بإذن الله ردي عليك بشأن صور الفندق
واهم شي الله الله في اللبس ترى الديرة بدت تصير باردة الايام هذي اخذي احتياطاتك في اللبس الشتوي وخصوصا الجاكيتات والبالطو

تداوليات
مشكور اخوي وانا انتظر الصور
شو صار عندهم ثلوج ؟؟؟؟؟؟؟؟؟؟؟
منطقة بادقوسبيرق هذي منطقة حلوة ؟؟؟؟؟؟؟؟ فيها عرب ؟؟؟؟؟